काठमाडौँ (गोरखापत्र), फागुन ५ गते । रेडियोकर्मी भूपेन्द्र खड्काले अभिनेत्री मनीषा कोइरालासँग कुराकानी गर्दै ‘भिडियो पोडकास्ट’ सुरुवात गर्नुभएको छ । ‘भूपेन्द्र खड्का पोडकास्ट’ नामक युट्युब च्यानलबाट सुरु पोडकास्टमा हाम्रो समाजका विभिन्न क्षेत्रका लब्धप्रतिष्ठित व्यक्तित्वसँग ‘हृदय–संवाद’ गर्ने खड्काले बताउनुभयो ।
केही समयमा आफ्नो पोडकास्ट संसारभरका महŒवपूर्ण अडियो माध्यमबाट सुन्न सकिने पनि उहाँले जानकारी दिनुभयो । बदलिँदो समयअनुसार सजिलो माध्यममा श्रोता र दर्शकले सुन्न र हेर्न सकून् भन्ने उद्देश्यले आफूले पोडकास्टको सुरुवात गरेको उहाँको भनाइ छ । हाल हप्ताको एक ‘एपिसोड’का रूपमा रिलिज भएको सो पोडकास्ट समयानुसार परिवर्तन हुने उहाँले बताउनुभयो । “परिवर्तित समयअनुसार पोडकास्ट श्रोता र दर्शकसम्म आफ्ना कुरा राख्ने बलियो माध्यम हो । त्यसैले मैले नेपालमा पहिलो पटक पोडकास्टमा कुराकानी गरेँ,” अभिनेत्री मनीषा कोइरालाले भन्नुभयो ।
