काठमाडौं, भदौ १६ गते । साविक विजेता पेरिस सेन्ट जर्मेन (पीएसजी) ले फ्रेन्च लिग वान फुटबलमा सानदार जित निकालेको छ । बुधबार राति भएको खेलमा पीएसजीले टोउलुसलाई ३-० गोलले हरायो ।
पीएसजीको सहज जितमा नेयमारले ३७औं, केलियन एमबाप्पेले ५०औं र जुआन बर्नेटले ९०औं मिनेटमा गोल गर्नुभयो । जितसँगै पीएसजी शीर्षस्थानमा छ । पीएसजीले पाँच खेलबाट १३ अंक बनाएको छ । पराजित टोउलुस पाँच अंक सहित १३औं स्थानमा छ ।
दोस्रो र तेस्रो स्थानमा रहेको लेन्स र मार्सेलीको पनि १३ अंक छ । बुधबार रातिनै भएको खेलमा लेन्सले लोरियन्टलाई ५-२ तथा मार्सेलीले क्लेरमोन्टलाई १-० गोलले हराएको थियो । एजेन्सी
