काठमाडौं, साउन ६ गते । सङ्घीय संसदअन्तर्गत प्रतिनिधिसभा बैठक सुरु भएको छ । शुक्रबार दिउँसो १ बजेबाट सुरु भएको बैठकमा नागरिकता विधेयक निर्णयार्थ प्रस्तुत हुँदैछ ।
संसद् सचिवालयका अनुसार आजको बैठकमा नागरिकता विधेयकमाथि छलफल र पारित गरियोस् भनी गृहमन्त्री बालकृष्ण खाणले प्रस्ताव प्रस्तुत गर्नुहुनेछ ।
सरकारले पशे गरेको ‘‘नेपाल नागरिकता (पहिलो संशोधन) विधेयक, २०७९’’ छलफलमा हुने र आजै विधेयकमाथि प्राप्त संशोधनहरुलाई निर्णयार्थ प्रस्तुत गर्ने कार्यसूची छ ।
