काठमाडौं, जेठ २१ गते । अमेरिकाको इलिनोस राज्यको हाइल्याण्ड पार्कमा भएको परेडमा एक बन्दुकधारीले जथाभावी गोली चलाउँदा छ जनाको मृत्यु भएको छ । अमेरिका स्वतन्त्र भएकाे स्मरणमा आयोजित परेड शुरू भएकाे २० मिनेटपछि गाेलीकाण्ड भएकाे हाे ।
घटनास्थलमै ५ जना र उपचारको क्रममा एकको मृत्यु भएको छ । अस्पतालमा ल्याइएका २६ जना घाइतेमध्ये २५ जनालाई गोलीबाट घाउ लागेको छ । उपचारपछि १९ जनालाई डिस्चार्ज गरिएको छ भने घाइतेहरु पाँचवर्षदेखि ८५ वर्षसम्मका छन् । परेडमा आएका अधिकांशले पहिला गोली नभएर पटका पड्किएको महसुस गरेका थिए ।
गोली हानेर गाडीमा भागेका २१ वर्षीय रोबर्ट इ क्रिमोलाई पक्राउ गरी आवश्यक कार्वाही गरिएको छ ।
सीएनएनका अनुसार अमेरिकामा विगत १८६ दिनमा जुलाई ५ तारिखसम्म ३११ वटा मास गोलीकाण्ड अर्थात् भीडमा गोली हानिएका घटना छन् ।
हतियार हिंसा आर्काइभका अनुसार चार जनासम्मलाई गोली हानेको घटनालाई मास गोलीकाण्ड भनिन्छ । यसमा गोली हान्नेलाई प्रत्युत्तरमा हानिएको गोलीलाई गणना गरिँदैन ।
सन् २०१४ देखि लिखत राख्न शुरु गरिएकोमा गतसाल सबैभन्दा डरलाग्दो गरी यस्ता घटना गराइएका छन् । सन् २०२१ मा ६९२ वटा गोलीकाण्ड भएका थिए ।
मास गोलीकाण्डमा मृत्यु
सन् २०१४ मा २७९, सन् २०१५ मा ३३५, सन् २०१६ मा ३८२, सन् ३४६, सन् २०१७ मा ३३६ सन् २०१८ मा ४१७, सन् २०१९ मा ४१७ र सन् २०२० मा ६११ जनाको गोलीकाण्डमा मृत्यु भएको तथ्याङ्कमा उल्लेख छ ।
अन्य गोलीकाण्ड
यस्तै, अबोधजन्य रुपमा हुने गोलीकाण्डमा प्रत्येक वर्ष दुईहजार सर्वसाधारणको अनाहकमा मृत्यु भइरहेको छ ।
गोली हानी गोलीकाण्ड
यस्तै, अमेरिकामा गोली हानेर आत्महत्या हुने दर पनि बढिरहेको छ । प्रत्येक वर्ष करिब २३ हजार जनाले गोली हानी आत्महत्या गरेका छन् ।
अमेरिकामा अरुलाई हत्या गरेपछि आत्महत्या गरेर प्रत्येक वर्ष साढे पाँचसय जतिको ज्यान गइरहेको छ ।
जवाफी कार्वाहीमा मृत्यु
यस्ता आपराधिक गतिविधि नियन्त्रण गर्न सुरक्षाफौजको प्रतिआक्रमणमा परेर प्रत्येक वर्ष एक हजार ५०० सयदेखि दुई हजार १०० सम्म आपराधिक व्यक्तिहरु मारिएका छन् । –उपेश महर्जन (सीएनएन, अल जजिरा)
