टहल दाहाल “नवकिरण”
नेपाल मेरो मुटुको टुक्रा छातीमा सजाउँछु
मादलु, झ्याम्टा, मुर्चुङ्गा, झ्याली प्रेमले बजाउँछु ।
सगरमाथा नेपालको शिर पासाङको स्थान
लुम्बिनी मेरो आँखाको नानी बुद्धको आँगन
शान्तिको गीत गाएर म त संसारलाई कजाउँछु
नेपाल मेरो मुटुको टुक्रा छातीमा सजाउँछु ।
डाँडा र पाखा सुसेली खेल्दै म गीत गाउँछु
उकालो काटी थुम्कोमा पुग्दा खुसीले रमाउँछु
जिरीको मेरो जन्मेको घरमा पाहुनालाई नचाउँछु
नेपाल मेरो मुटुको टुक्रा छातीमा सजाउँछु ।
