• १९ चैत २०८१, मङ्गलबार

पूर्णिमाको पूर्णता (कविता)

blog

पूर्णिमाले पूर्णता पाए अब ता,

यो धरामा खुसियाली छाए अब ता !

बुद्धले बोधिज्ञान पाएको दिन,

संसारमा महानिर्वाण छाएको दिन,

शून्यताले पूर्णता पाए अब ता,

धराभरि करुणता छाए अब ता !

सिंहनाद जस्तो ज्ञान पाएपछि त,

हृदयमा शान्तिध्वनि छाएपछि त

धराभरि जग्मगाए सहिष्णुता,

स्वयम् सम्बुद्ध बनौँ हामी, स्वयम् पूर्णता !

तारासरि लोकेश्वर आए अब ता,

धराभरि महानिर्वाण छाए अब ता !