राधा लुइटेल
फिदिम, फागुन २३ गते। पाँचौं पाँचथर गोल्डकप फुटबल प्रतियोगिताको ट्रफी सार्वजनिक भएको छ । प्रतियोगिताको सबै तयारी पुरा भएसँगै आयोजकले ट्रफी सार्वजनिक गरेको हो।
सदरमुकाम स्थित फिदिम माविको खेल मैदानमा शनिबार दिउँसो २ बजे सुरु हुने गोल्डकपको उद्घाटन खेलमा आयोजक पाँचथर क्लब र इन्ट्रा पथरी फुटबल क्लब, मोरङ भिड्दै छन्।
प्रतियोगितामा ए डिभिजन क्लबका चार टिम चर्च ब्वाइज, भारतको हिल्स फुटबल एकेडेमी, मच्छिन्द्र फुटबल क्लब, हिमालय शेर्पा क्लब, सप्तरीको नमोबुद्ध युथ क्लब, नेपाल पुलिस क्लब, पथरी क्लब मोरङ र पाँचथर क्लबले प्रतिस्पर्धा गर्नेछन्।
प्रतियोगितामा विजेताले ११ लाख १ हजार र दोस्रोले पाँच लाख ५५ हजार रुपियाँ प्राप्त गर्नेछन्। प्रतियोगिताका लागि ए डिभिजनका चारसहित आठ टिम दर्ता भएको आयोजक पाँचथर क्लबका अध्यक्ष कमल तुम्रोकले बताउनुभयो । प्रतियोगिताको फाइनल खेल चैत्र २ गते हुनेछ।
