काठमाडौँ, पुस २८ गते । नेपाली राष्ट्रिय महिला क्रिकेट टोलीले नेदरल्यान्ड्स र थाइल्यान्डसँग त्रिकोणात्मक टी–२० सिरिज खेल्ने भएको छ ।
नेपाल क्रिकेट सङ्घ (क्यान) का अनुसार नेपालले घरेलु मैदान कीर्तिपुरमा माघ १७ देखि २५ गतेसम्म सिरिज खेल्न लागेको हो । नेपालले पहिलो उद्घाटन खेल नेदरल्यान्ड्ससँग खेल्नेछ ।
सिरिजमा सहभागी टोलीले एक अर्कासँग तीन पटक खेल्नेछ । अङ्क तालिकाको शीर्ष टोली विजेता बन्नेछ । सिरिजका लागि आइतबार नेदरल्यान्ड्सले आफ्नो खेलाडी टोलीको घोषणा गरेको छ ।
