अर्जुन काफ्ले
स्याङ्जा, असोज ३० गते । स्याङ्जा आइसिसी प्रथम पुरुष भलिबल कपको तयारी पूरा भएको छ ।
कार्तिक २, ३, र ४ गते वालिङ खेल मैदानमा पालिकास्तरीय प्रथम भलिबल कपको स्याङ्जा सहयोग समाज (अन्तर्राष्ट्रिय समन्वय समिति) ले आयोजना गर्न लागेको हो ।
जिल्लाका ११ पालिकाको सहभागिता रहने प्रतियोगितामा प्रथम पुरस्कार नगद एक लाख ५० हजार, द्वितीय पुरस्कार एक लाख, तृतीय ५० हजार र सान्त्वना स्थानका २५ हजार रुपियाँसहित कप मेडल र प्रमाणपत्र रहेको प्रतियोगिताका सल्लाहकार टुकराज अर्यालले जानकारी दिनुभयो ।
प्रतियोगितामा उत्कृष्ट खेलाडीलाई १० हजार र प्रत्येक विधामा पाँच हजार रुपियाँको व्यवस्था गरिएको छ । प्रतियोगिता स्याङ्जाली खेलाडीहरूको क्षमताको परीक्षण गर्ने, प्रोत्साहन गर्ने र खेलकुदमार्फत भाइचारा अभिवृद्धि गर्ने उद्देश्यले आयोजना गरिएको हो ।
प्रतियोगिता सम्पन्न गर्न १५ लाख ८५ हजार रुपियाँ खर्च हुने आयोजकले जनाएको छ ।
