बझाङमा एमाले उम्मेदवार भण्डारी ५९२ मतले अगाडि
बझाङ १ (क) मा नेकपा (एमाले) का उम्मेदवार दमनबहादुर भण्डारीको अग्रता कायमै रहेको छ । उहाँले १५९२ मत ल्याउँदा उहाँका प्रतिस्पर्धी नेकपा (माओवादी केन्द्र) का उम्मेदवार जनकबहादुर बुढाले एक हजार मत ल्याउनुभएको छ ।
बझाङमा एमाले र माओवादीको प्रतिस्पर्धा : एमाले ५१० मतले अगाडि
बझाङमा १ (क)मा सम्पन्न उपनिर्वाचनको प्रारम्भिक मत परिणाममा नेकपा (एमाले)ले अग्रतालाई कायमै राखेको छ ।
इलाममा कांग्रेसको अग्रता कायमै : एमाले ८३ मतले पछाडि
प्रारम्भिक नतिजामा कांग्रेसका डम्बर खड्काले अग्रता लिनुभएको हो। उहाँले ११ सय ५५ मत ल्याउनुभएको छ। एमालेका सुहाङ नेम्वाङले हजार ७२ मत पाउनुभएको छ ।
बझाङमा तीन हजार मतगणना हुँदा एमाले ६४९ मतले अगाडि
शैलेन्द्रकुमार रोकायाबझाङ, वैशाख १६ गते। बझाङमा १ (क)मा सम्पन्न उपनिर्वाचनको प्रारम्भिक मत परिणाममा नेकपा (एमाले)ले अग्रतालाई कायमै राखेको छ। नेकपा (एमाले)का दमन भण्डारी नेपाली कांग्रेसका अविशेक सिंहभन्दा ६४९ मतले अगाडि हुनुहुन्छ। एमालेका भण्डारीले १३ सय ३ मत ल्याउनुभएको छ भने कांग्रेसका अभिषेक सिंहले ६५४ मत पाउनुभएको छ। नेकपा (माओवादी केन्द्र) का जनक बुढाले ४०१ मत ल्याउनुभएको छ भने समाजवादी पार्टीका दिलबहादुर सिंहले ३६९ मत पाउनुभएको छ। राप्रपाका किशोर खड्काले २० मत पाउनुभएको छ। अहिले एमालेका उम्मेदवार दमन भण्डारीको वडासहित तीन वडाको तीन हजार ५ मत गणना सम्पन्न हुँदा ४६ मत बदर भएको छ।
बझाङमा एमालेका भण्डारी दोब्बर मतले अगाडि
एमालेका भण्डारीले १२ सय ६२ मत ल्याउनुभएको छ भने कांग्रेसका अभिषेक सिंहले ६३६ मत पाउनुभएको छ।
इलाममा कांग्रेसको अग्रता कायमै : प्रतिस्पर्धामा एमाले
इलाम-२ को प्रारम्भिक मत परिणाममा नेपाली काँग्रेसले अग्रता कायमै राखेको छ। दिउँसो १२ बजे सुरु भएको मतगणनाको परिणाम आउनेक्रम जारी छ।
बझाङ उपनिर्वाचनः दुई वडाको मतगणना सम्पन्न
बझाङ–१ (क) मा भएको प्रदेशसभा सदस्य निर्वाचनअन्तर्गत हाल दुई वडाको मतगणना सम्पन्न भएको छ । जिल्लाको छबिसपाथिभेरा गाउँपालिकाको वडा न १ र २ को मतगणना सम्पन्न भएको मुख्य निर्वाचन अधिकृतको कार्यालयले जनाएको छ ।
बझाङमा एमालेका दमन भण्डारीकाे अग्रता
एमालेका भण्डारीले ७५७ मत ल्याउनुभएका छ । कांग्रेसका अभिषेक सिंहले ३८० मत पाउँदा नेकपा (माओवादी केन्द्र)का जनक बुढाले २२६ मत पाउनुभएको छ ।
इलाम उपनिर्वाचनः फाकफोकथुम १ र २ को मतगणना सम्पन्न
इलाम–२ मा भएको प्रतिनिधिसभा सदस्य निर्वाचनको मतगणना सुरु भएको छ । फाकफोकथुम गाउँपालिका–१ र २ को दुई हजार आठ सय ३६ मतगणना सम्पन्न हुँदा नेपाली कांग्रेसका उम्मेदवार डम्बरबहादुर खड्काले एक हजार एक सय ४५ मत प्राप्त गर्नुभएको छ ।
इलामको प्रारम्भिक नतिजामा कांग्रेसको अग्रता
प्रारम्भिक नतिजामा कांग्रेसका डम्बर खड्काले अग्रता लिनुभएको छ। उहाँले ६५७ मत ल्याउनुभएको छ। एमालेका सुहाङ नेम्वाङले ५३४ मत पाउनुभएको छ भने स्वतन्त्र उम्मेदवार डकेन्द्रसिंह थेगिमले १२७ मत ल्याउनुभएको छ।
बझाङमा मतगणना सुरु
बझाङमा मतगणना सुरु भएको छ । आइतबार दिउँसोबाट बझाङ प्रदेश सभा १ को मतगणना सुरु भएको हो ।
इलाममा मतगणना सुरु
इलामको निर्वाचन क्षेत्र नं. २ को मतगणना सुरु भएको छ । आइतबार बिहान बसेको सर्वदलीय बैठकको निर्णय अनुसार केही बेर अघिबाट मत गणना सुरु भएको हो ।
बझाङ उपनिर्वाचन : १ बजेबाट मतगणना सुरु हुने
बझाङ क्षेत्र नम्बर १ मा शनिबार भएको प्रदेश सभा (क) उपनिर्वाचनको मतगणना कार्य आइतबार दिउँसो १ बजेबाट हुने भएको छ ।
बझाङको मतपेटिका हेलिकप्टरमार्फत ओसारियो
बझाङको प्रदेश (क) को उपनिर्वाचनका लागी जिल्लाको बिकट साइपाल गाउँपालिकाबाट सोमबार बिहान नेपाली सेनाको हेलिकप्टरमार्फत मतपेटिका ओसारेको छ ।
-original-thumb.jpg)
इलाममा मतगणनाका लागि सर्वदलीय बैठक बस्दै
इलामको निर्वाचन क्षेत्र नं. २ को मतगणना गर्नका लागि अहिले बिहान ७ बजे सर्वदलीय बैठक बस्दै छ । मत पेटिका अबेर मात्र आई पुगे पछि बिहान ७ बजे सर्वदलीय बैठक बसेर उक्त बैठकको निर्णय अनुसार मतगणना सुरु गरिने भएको हो ।
इलामको मतगणना ११ बजेदेखि हुने
इलाम निर्वाचन क्षेत्र २ को मतगणना आज ११ बजेदेखि हुनेभएको छ । निर्वाचन क्षेत्रका दुर्गम मानिएका चुलाचुली, माङसेबुङलगायतका क्षेत्रको मतपेटिका राति अबेर मात्र आइ पुगेकाे र सर्वदलिय बैठकको निर्णय बसेर मतगणना ११ बजेदेखि सुरु गर्ने निर्णय गरेको हो ।
इलाम र बझाङको उपनिर्वाचन उत्साहपूर्ण : निर्वाचन आयोग
शनिबार इलाम र बझाङ् जिल्लाको उपनिर्वाचन उत्साहजनक रुपमा सम्पन्न भएको निर्वाचन आयोगले जनाएको छ।
बझाङमा प्रदेश सभा निर्वाचन : ४९.१२ प्रतिशत मतदान
शनिबार बझाङको क्षेत्र नम्बर १ को प्रदेश सभा (१ )को उपनिर्वाचन शान्तिपूर्ण रुपमा सम्पन्न भएको छ। निर्वाचनमा ४९. १२ अर्थात् ३० हजार ३२८ जनाले मतदान गरेका छन्।
इलाममा मतगणना आज रातिदेखि
इलाममा निर्वाचन सम्पन्न भएसँगै इलाम सदरमुकाममा मतगणनास्थल तयारी पूरा गरिएको छ । आजै रातिदेखि मतगणना गर्ने तयारी भएको बताइएको छ ।
इलाम उपनिर्वाचन : सक्कियो मतदान
इलाम–२ मा शनिबार प्रतिनिधि सभा सदस्यको उपनिर्वाचनको समय सक्किएको छ । अहिले मतदान स्थल भित्र प्रवेश गरेका मतदाताले मत खसाल्ने कार्य अन्तिम चरणमा रहेको मुख्य निर्वाचन अधिकृतको कार्यालयले जनाएको छ ।
इलाममा ५५ प्रतिशत मत खस्यो
इलाम निर्वाचन क्षेत्र-२ मा ५५ प्रतिशत मत खसेको छ। साँझ ४:३० बजेको तथ्याङ्क अनुसार ६४ हजार मत खसेको इलामका प्रमुख जिल्ला अधिकारी इन्द्रदेव यादवले जानकारी दिनुभयो।
इलाम २ उपनिर्वाचन : मत गणनास्थल तयारी अवस्थामा
इलाम २ मा भएको उपनिर्वाचनअन्तर्गत मतदान सम्पन्न भएपश्चात् मतगणनाका लागि मतगणनास्थल तयारी अवस्थामा राखिएको छ ।
बझाङमा ४३ प्रतिशतले गरे मतदान
बझाङ क्षेत्र नम्बर १ (क) मा दिउँसो २:३० बजेसम्म ४३ प्रतिशत मतदान भएको छ । जिल्ला प्रहरी कार्यालय बझाङका प्रमुख, प्रहरी नायव उपरीक्षक भरतबहादुर शाहले दिउँसो सो समयसम्म २६ हजार १९६ मत खसेको बताउनुभयो ।
इलाममा ५१ प्रतिशत मत खस्यो
अहिले भइरहेको इलाम –२ को उपनिर्वाचनमा अहिले सम्म ५१ प्रतिशत मत खसेको छ । बिहान प्रायः सबै मतदान केन्द्रहरूमा मतदाताको चाप कम भए पनि दिउँसो मतदाताको चहलपहल बढेको छ ।
बझाङमा ३७ प्रतिशतले मतदान गरे
बझाङको क्षेत्र नम्बर १ को प्रदेश सभा (१) मा दिउँसो भएपछि मतदान गर्नेको सङ्ख्या बढेको छ । बिहान ११ बजेसम्म १५ प्रतिशत मतदान भएको सो क्षेत्रमा दिउँसो १ः३० बजेसम्म ३७ प्रतिशत मतदान भएको सुदूरपश्चिम प्रदेश निर्वाचन कार्यालय, धनगढीका निमित्त प्रमुख प्रेमराज भट्टले बताउनुभयो ।
