नयाँ वर्षले सबैमा नयाँ ऊर्जा, आशा र उत्साह सञ्चार गरोस् : पूर्वराष्ट्रपति भण्डारी
नयाँ वर्ष २०८३ को आज शुभकामना सन्देश दिँदै उहाँले नयाँ वर्षले विगतका कतिपय असमझदारी, निराशा र अवरोधहरूलाई चिर्दै व्यक्तिगत, सामाजिक तथा राष्ट्रिय जीवनलाई समुन्नत बनाउने दिशामा अघि बढ्न प्रेरणाको कामना गर्नुभएको छ ।
राष्ट्रिय हित र विधिको शासनका लागि सबै मिलेर अघि बढौं : पूर्वप्रधानमन्त्री कार्की
पूर्वप्रधानमन्त्री सुशीला कार्कीले राष्ट्रिय हित, विधिको शासन र सामाजिक सद्भाव अभिवृद्धिका लागि सबै मिलेर अघि बढ्नुपर्ने बताउनुभएको छ ।
नेपाली महावाणिज्यदूतावास सान फ्रान्सिस्कोमा आरोग्य दिवस मनाइयो
नेपाली महावाणिज्यदूतावास सान फ्रान्सिस्कोले सोमबार विविध कार्यक्रम गर्दै अन्तर्राष्ट्रिय आरोग्य दिवस मनाएको छ ।
पर्यटन प्रवर्द्धन गर्न क्यानडाको प्रदर्शनीमा नेपालको सहभागिता
क्यानडाको ओटावामा आयोजित ‘२७औँ वार्षिक यात्रा तथा बिदा प्रदर्शनी’मा त्यहाँस्थित नेपाली दूतावासले सहभागिता जनाएको छ ।
गृहमन्त्री गुरुङद्वारा नारायणगढ–बुटवल सडक खण्ड अनुगमन
गृहमन्त्री सुधन गुरुङले नारायणगढ–बुटवल सडक खण्डको अनुगमन गर्नुभएको छ । अनुगमनका क्रममा आज गृहमन्त्री गुरुङले सम्बन्धित निकाय र ठेकेदार कम्पनीलाई निर्धारित समयमै काम सम्पन्न गर्न निर्देशन दिनुभयो । उहाँले काममा ढिलासुस्ती स्वीकार्य नहुने स्पष्ट पार्नुभएको छ ।
राष्ट्रियसभाको अध्यक्ष इस्तानबुल प्रस्थान
राष्ट्रियसाभका अध्यक्ष नारायणप्रसाद दाहाल अन्तर–व्यवस्थापिका सङ्घ(आइपियु)को १५२ औँ महासभामा सहभागी हुन संसदीय प्रतिनिधिमण्डलको नेतृत्व गर्दै आज टर्कीको इस्तानबुल प्रस्थान गर्नुभएको छ ।
‘स्वास्थ्यमा नागरिकको पहुँच बढ्दै’
बागमती प्रदेशका स्वास्थ्यमन्त्री किरण थापामगरले देश सङ्घीयतामा गएसँगै नागरिकको स्वास्थ्य सेवामाथिको पहुँच बढ्दै गएको बताउनुभएको छ । उहाँले बागमती प्रदेश सरकारले स्वास्थ्य क्षेत्रमा नयाँ नीतिको कार्यान्वयनसँगै विगतका जिल्ला अस्पताल रिफर अस्पतालका रूपमा रहेकोमा प्रादेशिक अस्पताल बनेपछि विशेषज्ञ सेवा प्रदान गर्ने अस्पतालमा परिणत भएको भन्दै नागरिकले सहज रूपमा स्वास्थ्य सेवा पाउन थालेको बताउनुभयो ।
मूल्यवृद्धिले विकासका काम प्रभावित
पछिल्लो समय निर्माण सामग्रीमा लगातार भइरहेको मूल्यवृद्धिले सिन्धुली जिल्लामा विकास निर्माणका काम प्रभावित भएका छन् । इन्धनको मूल्य बढेसँगै निर्माण सामग्रीको अभाव र महँगी बढ्दा अधिकांश आयोजना प्रभावित बनेका हुन् । निर्माण व्यवसायी सङ्घ सिन्धुलीका अध्यक्ष उद्धव दाहालका अनुसार दैनिक जसो निर्माण सामग्रीको मूल्य बढ्दै जाँदा काम सञ्चालन गर्नै कठिन भएको छ । “आज किनेको सामान भोलि त्यही मूल्यमा पाइँदैन,” उहाँले भन्नुभयो, “पहिले प्रतिबोरा सात सय रुपियाँमा पाइने सिमेन्ट अहिले ८५० रुपियाँ पुगेको छ । डन्डी (रड) प्रतिकेजी ९२/९३ रुपियाँबाट बढेर १०७ रुपियाँ पुगेको छ ।”
नयाँ वर्षले प्रेरणा देओस् : प्रदेश प्रमुख देवकोटा
बागमती प्रदेश प्रमुख दीपक प्रसाद देवकोटाले विगतका अनुभवबाट शिक्षा लिँदै नयाँ उत्साह र उमङ्गका साथ अघि बढ्न नयाँ वर्षले सबैलाई प्रेरणा दिने विश्वास व्यक्त गर्नुभएको छ।
विभागद्वारा एकैदिन ५४ फर्ममा अनुगमन
बजार अनुमगन तथा निरीक्षणमा वाणिज्य, आपूर्ति तथा उपभोक्ता संरक्षण विभागले थप सक्रियता देखाएको छ । एकैदिन ५४ वटा व्यापारिक प्रतिष्ठान र फर्ममा विभागले अनुमगन गरेको हो ।
नव वर्षले एकता र आपसी सद्भाव कायम राख्नेः मुख्यमन्त्री बानियाँ
बागमती प्रदेशका मुख्यमन्त्री ईन्द्रबहादुर बानियाँले नव वर्षले एकता र आपसी सद्भाव कायम राख्न सहयोग पुग्ने बताउनुभएको छ ।
लागुऔषधसहित पक्राउ
प्रहरीको उनीहरुको साथबाट खैरो हेरोइन २२४ ग्राम र अफिम ५२ ग्रामसहित १० जनालाई लागुऔषध नियन्त्रण ब्युरो कोटेश्वरबाट खटिएको प्रहरीले विभिन्न मितिमा पक्राउ गरेको छ ।
भक्तपुर थिमिः बिस्केट जात्राको रौनक
परम्परागत रूपमा तान्त्रिक विधिअनुसार नयाँवर्षको पहिलोदिन मनाइने बिस्केट जात्रा आज बिहानैदेखि सुरु भएको छ । भेलुखेलस्थि ल्यासिंखेलमा वर्षको अन्तिम दिन हिजो साँझ उठाइएको लिङ्गो हेर्न भक्तपुर, काठमाडाँै, ललितपुर, काभ्रेलगायतका विभिन्न जिल्लाबाट हजारौँको घुइँचो लागेको छ ।
उत्पादनमा कमी आएपछि अण्डाको मूल्य बढ्यो
अण्डको उत्पादनमा कमी र माग बढे पछि मूल्य बढेको छ । लेयर्स कुखुरापालक सङ्घले फार्महरुको मूल्यलाई आधार बनाएर आजदेखि लागू हुनेगरी अण्डाको मूल्य बढाएको हो ।
यस्तो छ आजका लागि कृषिउपजको थोक मूल्य
कालीमाटी फलफूल तथा तरकारी बजार विकास समितिले आजका लागि कृषिउपजको थोक मूल्य निर्धारण गरेको छ ।
क्रिकेटले खुसी र फुटबलले दुःखी बनाएको वर्ष
अहिले हरेक क्षेत्र केही स्वर्णिम अध्याय जोडिने आशामा नयाँ उमङ्ग र आशाका साथ २०८३ साललाई स्वागत गर्न तम्तयार छ । खेलकुद पनि यसको अछुतो हुने छैन तर पनि हरेक क्षेत्रमा बितेको वर्षको पृष्ठपोषण त हुन्छ नै । त्यसैले सङ्क्षिप्त रूपमा २०८२ सालमा भएका नेपाली खेलकुद गतिविधिलाई फर्केर हेर्ने छौँ ।
ठड्याइयो बिस्काः जात्राको आकर्षण ‘योसिं’
बिस्काः जात्रामा प्रमुख आकर्षणका रूपमा रहेको भैलः (भैरवनाथ) को प्रतीक मानिने लिङ्गो (योसिं) तान्त्रिक विधि अनुरूप पूजाअर्चना गरी सोमबार उठाइएको छ । बिस्काः जात्राको चौथो दिन पुरानो वर्षको बिदाइको पूर्वसन्ध्यामा भेलुखेल योसिंखेलमा लिङ्गो ठड्याइन्छ । सयौँ युवाले डोरीको सहायताले तानेर ५५ हात लामो लिङ्गो उठाएका थिए ।
हर्षोल्लासपूर्वक मनाइँदै नयाँ वर्ष
समयको गतिसँगै २०८२ सालको बिदाइपछि नयाँ वर्ष २०८३ सालको आगमन भएको छ । वर्षको पहिलो महिनाको पहिलो दिन वैशाख १ गतेलाई नयाँ वर्षका रूपमा मनाइन्छ । साथीभाइ तथा आफन्तजनसँग भेटघाट गरेर नयाँ वर्ष मनाउने चलन छ ।
नयाँ वर्षको पहिलो सूर्योदय (फोटो फिचर)
आज (मङ्गलबार)देखि विसं २०८३ प्रारम्भ भएको छ। नयाँ वर्षलाई उत्साह, नयाँ उमङ्ग र नयाँ सुरुआतका रूपमा लिने गरिन्छ। वर्षको पहिलो दिन आज देशभर एकआपसमा शुभकामना आदानप्रदान गर्दै हर्षोल्लासका साथ मनाइँदैछ।
घरजग्गा कारोबार तीन वर्षयताकै उच्च विन्दुमा
घरजग्गा कारोबार तीन वर्षयताकै उच्च विन्दुमा पुगेको छ । नेपाल राष्ट्र बैङ्कले सोमबार सार्वजनिक गरेको तथ्याङ्क अनुसार २०८१/८२ को चौथो त्रैमासमा कारोबार उल्लेख्य रूपमा बढ्दै बजारमा पुनः चहलपहल देखिएको हो । राष्ट्र बैङ्कले गरेको रियलस्टेट कारोबारको वर्तमान अवस्था तथा प्रवृत्तिसम्बन्धी अध्ययनका अनुसार पछिल्लो अवधि अर्थात् अघिल्लो आव २०८१/८२ मा करिब १५ अर्बसम्म पुगेको देखिएको छ । आव २०७७/७८ देखि २०८१/८२ सम्म घरजग्गा कर्जा ७२.४१ प्रतिशत र आवासीय कर्जा ६१.५५ प्रतिशतले वृद्धि भएको सो अध्ययनले देखाएको छ । घरजग्गा क्षेत्रबाट प्राप्त सरकारी राजस्व आव २०७८/७९ को पहिलो त्रैमासमा २३.७ अर्बसम्म पुगेको थियो । त्यसपछि घट्दै २०७९/८० को पहिलो त्रैमासमा ८.२ अर्बमा झरेको देखिएको छ ।
पानीको गुणस्तरमा नयाँ मापदण्ड
सरकारले बजारमा उपलब्ध पिउने पानीको गुणस्तर सुनिश्चित गर्न र वातावरणीय प्रदूषण न्यूनीकरण गर्ने उद्देश्यले नयाँ मापदण्ड जारी गरेको छ । वाणिज्य, आपूर्ति तथा उपभोक्ता संरक्षण विभागले पिउने पानीको बोतल तथा जारको लेबलिङ र गुणस्तर नियमनसम्बन्धी नयाँ व्यवस्था कार्यान्वयनमा ल्याएको हो ।
पेट्रोलियममा उच्च मूल्य बढेको वर्ष
एक वर्षको अवधिमा बजारमा पेट्रोलियम पदार्थमा उच्च मूल्यवृद्धि भएको छ । अन्तर्राष्ट्रिय बजारमा मूल्य बढ्दा त्यसको मारमा नेपाली उपभोक्ता परेका हुन् । एक वर्षको अवधिमा पेट्रोल लिटरमा ५६ रुपियाँ, डिजेल प्रतिलिटरमा ५८ रुपियाँ, हवाई इन्धन आन्तरिक लिटरमा ८८ रुपियाँ र खाना पकाउने एलपी ग्यास प्रतिसिलिन्डरमा एक सय रुपियाँ मूल्य बढेको छ । नेपाल आयल निगमका अनुसार २०८१ चैत अन्तिममा प्रतिलिटर १६३ रहेको पेट्रोलको मूल्य अहिले बढेर २१९ रुपियाँ पुगेको छ । यस्तै प्रतिलिटर १४९ रुपियाँ रहेको डिजेलको मूल्य बढेर लिटरमा २०७ रुपियाँ पुगेको छ ।
वैशाखका लागि पनि घट्यो ब्याजदर
मुद्दती निक्षेपको ब्याजदर निरन्तर घटाइरहेका वाणिज्य बैङ्कले नयाँ वर्षको सुरुवात पनि ब्याजदर घटाएरै गरेका छन् । बैङ्कहरूले २०८३ वैशाखका लागि मुद्दती निक्षेपको ब्याजदर घटाएका हुन् ।
अमेरिकी डलरको भाउ बढ्दा यस्तो छ अन्य विदेशी मुद्राको विनिमयदर
नेपाल राष्ट्र बैंकले मङ्गलबारका लागि विदेशी मुद्राको विनिमयदर निर्धारण गरेको छ । निर्धारित विनिमयदर अनुसार अमेरिकी डलरको मूल्यमा वृद्धि भएको छ ।
दलगत स्वार्थ त्यागी सहकार्य आवश्यक : सभापति थापा
नेपाली कांग्रेसका सभापति गगनकुमार थापाले मुलुक र जनताको हितका लागि सबैले दलगत स्वार्थ र सीमाभन्दा माथि उठी सहकार्यका साथ अघि बढ्न आवश्यक रहेको धारणा राख्नुभएको छ ।
