गोरखापत्र
सिन्धुपाल्चोकका दुई मतदान केन्द्रमा मतदान स्थगित
चित्र मिजारसिन्धुपाल्चोक, वैशाख ३० गते । मतदान केन्द्रमा खटिएका एजेन्टले दुईजना मतदाताको नाममा मतदान गरेको आरोपमा नेकपा एमालेका युवाले बाह्रबिसे नगरपालिका–१ घोर्थलीस्थित भूमेश्वरी आबिमा रहेको मतदान केन्द्रमा ढुङ्गामुढा र टेबल तोडफोड गरेका छन् ।इलाका प्रहरी कार्यालय बाह्रबिसेका प्रहरी निरीक्षक मुकेश न्यौपानेले उक्त घटनापछि १२ बजेसम्म मतदान स्थगित भएको जानकारी गराउनुभयो । बिहान ११ बजेदेखि यो समाचार तयार पर्दासम्म स्थगित मतदान शुरु हुन सकेको छैन । मतदान पुनः सञ्चालनका लागि दलहरु, मतदान अधिकृतहरुको बैठक बसिरहेको छ ।नौ सय २७ मतदाता रहेको सो वडामा तीन सय मत खसेको बाह्रबिसे नगरपालिका सहायक निर्वाचन अधिकृत अक्षयकुमार दनुवारले बताउनु भयो । त्यस्तै, मेलम्ची नगरपालिका–४ ज्यामिरेमा मतदाताबीच ठेलमठेल भएपछि नेपाली सेनाको उपस्थितिपछि स्थिति नियन्त्रणमा आएको छ ।पाँचपोखरी गाउँपालिका–२ याङग्री मतदान केन्द्रमा निर्वाचन अधिकृतको हस्तक्षर बिनाको मतपत्र भेटिएपछि विवाद भई केही मतदान रोकिएको थियो । उक्त मतदान केन्द्रमा अहिले पुनः मतदान शुरु भएको सिन्धुपाल्चोक जिल्ला निर्वाचन अधिकृत विकास रिजालले बताउनुभएको छ ।
इलामकी युवन्तिकाद्वारा सगरमाथाको सफल आरोहण
इलामको सूर्योदय नगरपालिका–१० की युवन्तिका तामाङले सगरमाथाको सफल आरोहण गर्नुभएको छ ।
बलवा नगरपालिकामा हवाई फायर
महेशकुमार दासजलेश्वर, वैशाख ३० गते । महोत्तरीको बलवा नगरपालिका—५स्थित महाबीर मतदान केन्द्रमा मतदाता नामावली सम्बन्धि दुई पक्षबीच झडप भएको छ ।झडपलाई नियन्त्रण लिन प्रहरीले एक राउण्ड हवाई फायर गरेको छ ।‘मतदाता नामावली सम्बन्धी विवाद उग्ररुप लिएपछि प्रहरीले एक राउण्ड हवाई फायर गरेको छ । ’ जिल्ला प्रहरी कार्यालय महोत्तरी प्रहरी उपरीक्षक कृष्णप्रसाद पंगेनीले भन्नुभयो ‘प्रहरीले हवाई फायर गरेर स्थिति नियन्त्रणमा लिइ केहीबेर झडपका कारण रोकिएको मतदान कार्य पुनः सुचारु भएको छ । ’झडपका कारण आधा घण्टा सम्म त्यहाँ मतदान प्रक्रिया रोकिन पुगे पनि प्रहरीले संयमता अपनाउँदै स्थितिलाई नियन्त्रणमा लिएपछि मतदान कार्य पुनः शुरु भएको प्रहरी उपरीक्षक पंगेनीले बताउनुभएको हो ।बलवामा थप प्रहरी परिचालन गर सुरक्षा व्यवस्था कडा पारिएको प्रहरीले जानकारी दिएको छ ।
मध्याह्न १२ बजेसम्म ३५ प्रतिशत मत खस्यो : आयोग
निर्वाचन आयोगले स्थानीय तहको निर्वाचन अन्तर्गत प्राप्त प्रारम्भिक तथ्याङ्क अनुसार हालसम्म ३५ प्रतशित मतदान भएको छ । आयोगले शुक्रबार बिहान ७ बजेदेखि मध्यान्ह १२ बजेसम्म त्यति मत खसेको जनाएको हो ।
निर्वाचन आयुक्त तुलाधारद्वारा मतदान
स्थानीय तह निर्वाचनका लागि निर्वाचन आयोगका निर्वाचन आयुक्त डा. जानकीकुमारी तुलाधारले मतदान गर्नुभएको छ । उहाँले सुन्दरबजार नगरपालिका–२ परेवाडाडास्थित महेन्द्र माध्यमिक विद्यालयको केन्द्र ‘ख’ बाट शुक्रबार बिहान मतदान गर्नुभएको हो ।
एमाले अध्यक्ष ओलीद्वारा मतदान
नेकपा (एमाले)का अध्यक्ष केपी शर्मा ओलीले मतदान गर्नुभएको छ । शुक्रबार ओलीले भक्तपुर नगरपालिका–२ बालकोटस्थित महेन्द्र शान्ति माविको मतदान केन्द्रमा गएर मतदान गर्नुभएको हो ।
वालिङमा जीप दुर्घटना हुँदा १३ जनाको मृत्यु, उद्धार कार्य जारी
स्याङ्जाको वालिङमा मतदाता बोकेको जीप दुर्घटनामा परेको छ । वालिङ १४ को अर्खलावासमा ग २ च ३०२६ दुर्घटनामा परेको हो । मतदानका लागि जाँदै गरेका मतदाताहरु चढेको जीप पर्वत जोड्ने माथिल्लो सडकबाट सडकमा झरेको हो ।
म्याग्दीमा शान्तिपूर्ण मतदान, उत्साहजनक सहभागी
स्थानीय तह निर्वाचनअन्तर्गत हिमाली जिल्ला म्याग्दीमा शान्तिपूर्ण रुपमा मतदान सुरु भएको छ ।
झडपमा घाइते कर्मचारीको हेलिकप्टरबाट उद्धार
जिल्लाको चंखेली गाउँपालिका– २ को महादेव मावि मतदान केन्द्रमा गठबन्धन दल पक्ष र अध्यक्ष पदका स्वतन्त्र उम्मेदवार प्यारीलाल शाही पक्षविच झडप हुँदा घाइते हुनुभएका कर्मचारी काला रोकायलाई हेलिकप्टरबाट उद्धार गरिएको छ ।
काठमाडौं महानगरका प्रमुख पदका उम्मेदवार शाहद्वारा मतदान
स्थानीय तह निर्वाचनअन्तर्गत शुक्रबार स्वतन्त्र उम्मेदवार शाहले काठमाडौंको गैरीगाउँस्थित अन्नपूर्ण बोडिङ स्कुल मतदान केन्द्रबाट मतदान गर्नुभएको हो ।
चितवनमा किरिया पुत्रीद्वारा मतदान
स्थानीय तह निर्वाचनमा किरियापुत्री तीन दाजुभाइले मतदान गर्नुभएको छ । शुक्रबार बिहान चितवनको रत्ननगर नगरपालिका १५ माधवपुर केन्द्रबाट किरिया पुत्रि तीन दाजुभाई र दुई बुहारीले मतदान गर्नुभएको हो ।
चोभार सुक्खा बन्दरगाहमा भित्रिन थाले सामान
काठमाडौँको चोभारमा निर्माण गरिएको सुक्खा बन्दरगाह (ड्राइपोर्ट)मा सामान भित्रिन थालेका छन् । एक महिनाअघि उद्घाटन गरिएको यो सुक्खा बन्दरगाहमा हालसम्म १० ट्रक सामान आइपुगेका हुन् । भारतबाट वीरगञ्ज हुँदै सामान बोकेर आएका ती ट्रक सिधै चोभारमा आएका हुन् ।
प्रधानमन्त्रीद्वारा असिग्राम केन्द्रमा मतदान
प्रधानमन्त्री एवम् नेपाली काँग्रेस सभापति शेरबहादुर देउवाले स्थानीय तहको निर्वाचन हुँदैन भनेर हल्ला फिजाइएको थियो तर आज देशभर निर्वाचन भइरहेको बताउनु भएको छ ।
भरतपुर महानगरका दुई प्रतिस्पर्धीले गर्नुभयो मतदान
छ वटा महानगरपालिका मध्ये सर्वाधिक चर्चामा रहेको भरतपुर महानगरपालिकाकी उम्मेद्वार रेनु दाहाल र प्रतिस्पर्धी उम्मेद्वार बिजय सुवेदीले शुक्रबार बिहान भरतपुर महानगरपालिकाको स्थानीय तह सदस्य निर्वाचनको लागि मतदान गर्नु भएको छ ।
साबुन र डिटर्जेन्ट पाउडरको आयात प्रतिबन्ध लगाउन माग
स्वदेशमा आत्मनिर्भर भइसकेको लुगा धुने साबुन, डिटर्जेन्ट पाउडरलगायतका वस्तुको आयातमा प्रतिबन्ध लगाउन उद्योगीले माग गरेका छन् । सरकारले सवारीसाधन, मोबाइल फोन, टेलिभिजनजस्ता वस्तुको आयातमा प्रतिबन्ध लगाउँदा नेपालमै उत्पादन हुने वस्तुको आयात नरोकेको उद्योगीले गुनासो गरेका हुन् ।
