गोरखापत्र
पूर्वप्रधानमन्त्री खनाल र नेम्वाङद्धारा मतदान
नेकपा एकीकृत समाजवादीका सम्मानित नेता तथा पूर्वप्रधानमन्त्री झलनाथ खनाल र र संविधान सभाका अध्यक्ष तथा नेकपा एमालेका उपाध्यक्ष सुवाशचन्द्र नेम्वाङले इलामबाट मतदान गर्नुभएको छ । नेता खनालले सूर्योदय नगरपालिका ९ को राष्ट्रिय आधारभूत विद्यालयबाट बिहान मतदान गर्नु भएको हो ।
अर्थमन्त्री शर्माद्वारा मतदान
अर्थमन्त्री जनार्दन शर्माले स्थानीय तह निर्वाचनको लागि मतदान गर्नुभएको छ । अर्थमन्त्री शर्माले रुकुम पश्चिमको मुसीकोट नगरपालिका ५ को यमुना नन्द नमुना माविको ‘क’ मतदान केन्द्रबाट मतदान गर्नुभएको हो ।
डोटीको दुई केन्द्रमा मतदान स्थगित
डोटीको दुई मतदान केन्द्रमा मतदान प्रक्रियामा रोकिएको छ। शिखर नगरपालिका ७ लाटामाण्डौं माविमा रहेको मतदान केन्द्र र सोही नगरपालिकाको वडा नम्बर ८ राधाकृष्ण माविमा रहेको मतदान केन्द्रमा मतदान प्रक्रिया रोकिएको हो ।
राप्रपा अध्यक्ष राजेन्द्रप्रसाद लिङदेनले गर्नुभयो मतदान
राष्ट्रिय प्रजातन्त्र पार्टी (राप्रपा)का अध्यक्ष राजेन्द्रप्रसाद लिङदेनले झापामा मतदान गर्नु भएको छ । अध्यक्ष लिङदेनले हल्दिबारी गाउँपालिका १ स्थित वडा कार्यालय गोलधाप (ख) मतदान केन्द्रमा गएर मतदान गर्नु भएको हो ।
विराटनगरमा नेता तथा उम्मेदवारबाट मतदान
विराटनगरमा मेयर–उपमेयरसहित केन्द्रीय नेताले मत खसाल्ने क्रम जारी छ ।
हुम्लामा झडप हुँदा मतदान अधिकृत सहित तीन जना घाइते
जिल्लाकाे चंखेली गाउँपालिका– २ को महादेव मावि मतदान केन्द्रमा गठबन्धन दल पक्ष र अध्यक्ष पदका स्वतन्त्र उम्मेदवार प्यारीलाल शाही पक्षविच झडप हुँदा मतदान अधिकृत कृष्णप्रसाद आचार्य सहित तीन जना घाइते हुनुभएको छ ।
कामपा प्रमुखका प्रत्यासी सिंह र स्थापितद्वारा मतदान
काठमाडौँ महानगरपालिकाको प्रमुख पदका उम्मेदवार केशव स्थापित र सिर्जना सिंहले मतदान गर्नुभएको छ ।
निर्वाचनप्रति उत्साही युवा
स्थानीय तह निर्वाचनका लागि उपत्यकाबाट लाखौँ मतदाता आफ्नो थलो फर्किएका छन् । भक्तपुरमा अस्थायी रूपमा बसोबास गर्ने मतदाता मतदान गर्न गाउँ फर्किएको भए पनि निर्वाचन गराउन टोली मतदान स्थलमा पुगेपछि निर्वाचनको माहोल बढेको छ ।
पूर्व प्रधानमन्त्री नेपालद्वारा मतदान
कुमार विवेकानन्द मिश्ररौतहट, वैशाख ३० गते । स्थानीय तह निर्वाचनको क्रममा आज बिहान ७ बजेबाट सुरु भएको मतदानमा पूर्व प्रधानमन्त्री माधवकुमार नेपालले मतदान गर्नुभएको छ ।नेकपा (एकीकृत समाजवादी) का अध्यक्ष रहनुभएका नेपालले उहाँको गृह जिल्ला रौतहटको गौर नगरपालिका वडा नं. २ को रामजानकी कन्या प्रावि मतदान केन्द्रबाट मतदान गर्नुभएको छ ।तस्बिर : कुमार विवेकानन्द मिश्र
बढ्यो आन्तरिक उडान
पर्यटकीय सिजन र निर्वाचनका कारण अहिले आन्तरिकतर्फको उडान कोरोना महामारीपूर्वकै अवस्थामा पुगको छ । आन्तरिक र बाह्य पर्यटकको बाक्लो आउजाउसँगै निर्वाचनको चहलपहलले आन्तरिक उडानको अकुपेन्सी ९० प्रतिशत नाघेको छ ।
चार वटा मतदान केन्द्रमा मतदान कार्य सुुरु भएन
हुुम्ला, वैशाख ३० गते । शुक्रवार बिहान सात बजेबाट सुुरु हुनुपर्ने मतदान कार्य सुुरु हुन सकेको छैन । बिहानैबाट वर्षा भएको कारण ती मतदान केन्द्रमा मतदान कार्य सुुरु नभएको हो । मुुख्य निर्वाचन अधिकृत जगतबहादुुर पौडेलले जिल्लाका ५४ मध्य चार वटा मतदान केन्द्रमा अहिलेसम्म मतदान कार्य सुुरु हुन नसकेको बताउनुुभयो । उहाँले यसरी मतदान कार्य सुुरु हुन नसक्नुुको कारण बिहानैबाट वर्षा भएको कारण मतदाता नआउनुु रहेको बताउनुुभयो । अहिलेसम्म मतदान कार्य सुुरु नभएका मतदान केन्द्रमा सर्केगार्ड गाउँपालिका– ५ को धुमचुमी मावि मतदान केन्द्र र स्वयम्भुआवि मतदान केन्द्र रहेका छन् भने चंखेली गाउँपालिका– ५ कै डाँफे मावि मतदान केन्द्र रहेका छन् भने नाम्खा गाउँपालिका– ४ को महाबाैद्ध मावि मतदान केन्द्रमा भने मतदाताकै सल्लाह अनुुसार खाना खाएर मतदान कार्य सुुरु हुने भएको छ । ५० वटा मतदान केन्द्रमा भने बिहान सात वजेबाट सुुरु भएर मतदान कार्य भइरहेको छ । मतदान कार्य सुुरु भएका मतदान केन्द्रमा बिहानबाटै मतदानका लागि मतदाताको उत्साहजनक उपस्थिती रहेको पाईएको छ । केही मतदान केन्द्रमा बिहान सात बजेटबाट मतदान सुुरु भए पनि २५ भन्दा बढी मतदान केन्द्रमा भने सात बजेपछि मतदान सुुरु भएको हो ।
मतदानमा उत्साही कलाकार
वैशाख ३०, देशभर एकै पटक स्थानीय तहको जनप्रतिनिधि छान्न मतदान गरिने दिन । केही दिनदेखि नै धेरैलाई चुनावी चटाराले छोइसकेको थियो । यसबाट नेपाली कलाकार पनि अछूतो रहन सक्ने कुरै भएन । कलाकारहरू मतदान गर्न एकदमै उत्साहित देखिनुहुन्छ । उहाँहरू कोही केन्द्रीय राजधानीमै मतदान गर्दै हुनुहुन्छ भने कोही जिल्लाबाहिर आफ्नो घर नजिकैको मतदान स्थलमा पुगेर भोट खसाल्ने तयारीमा हुनुहुन्छ ।
गृहमन्त्रीद्वारा ज्योतिनगरमा मतदान
काठमाडौँ, वैशाख ३० गते । स्थानीय तह निर्वाचनको क्रममा आज गृहमन्त्री बालकृष्ण खाँणले रुपन्देही जिल्लाको तिलोत्तमा नगरपालिका वडा नं. ८ मा रहेको मतदान केन्द्रबाट मतदान गर्नुभएको छ ।उहाँका प्रेस संयोजक मधुसूदन भट्टराईका अनुसार, गृहमन्त्री खाणले त्यहाँको ज्योतिनगरस्थित ज्योति माविमा मतदान गर्नुभएको हो ।
-original-thumb.jpg)
अन्तर्वार्ता रोक्न निर्देशन
वैदेशिक रोजगारीमा जान चाहनेका लागि वैशाख ३० र ३१ गतेका लागि तय गरिएका अन्तर्वार्ता कार्यक्रम रद्द गर्न वैदेशिक रोजगार विभागले निर्देशन दिएको छ । विभागले बिहीबार सूचना जारी गर्दै वैशाख ३० गते स्थानीय तहको निर्वाचन र ३१ गते शनिबार परेकाले ती दिनमा गर्ने भनिएका अन्तर्वार्ता स्थगन गर्न वैदेशिक रोजगार व्यवसायी (म्यानपावर) कम्पनीलाई निर्देशन दिएको हो ।
निर्वाचन आयुक्तहरूबाट मतदान
स्थानीय तह निर्वाचनको क्रममा आज बिहान ७ बजेबाट सुरु भएको मतदानमा प्रमुख निर्वाचन आयुक्त दिनेशकुमार थपलियासहितका आयुक्तहरूले मतदान गर्नुभएको छ । प्रमुख आयुक्त थपलियाले भक्तपुर जिल्लाको मध्यपुरठिमी वडा नं. १ को लोकन्थली उपस्वास्थ्य चौकीस्थित निष्ट स्कुलमा रहेको मतदान केन्द्रबाट मतदान गर्नुभएको छ ।
