गोरखापत्र अनलाइन
उत्तरपुस्तिका साटफेर,केन्द्राध्यक्षसहित दुई पक्राउ
वीरगन्जस्थित ठाकुरराम क्याम्पस परीक्षा शाखाका पूर्वप्रमुख आफ्नै बुहारीको उत्तरपुस्तिका परीक्षा केन्द्रमा नै साटफेर गर्दैगर्दा पव्रmाउ परेका छन् । त्रिजुद्ध माध्यमिक विद्यालयमा रहेको परीक्षा के
पुर्जा नहुँदा मुआब्जाबाट वञ्चित
भेरीगङ्गा नगरपालिका–८ की कमला सुनारले भेरी–बबई डाइभर्सन बहुउद्देश्यीय आयोजनाको प्रभावित क्षेत्रभित्र परेको घरजग्गाको मुआब्जा अझै पाउनुभएको छैन। पाँच दशकदेखि बसोबास गर्दै आएको कमलाको दुई रोपनी नौ आना जग्गा अधिग्रहणमा परेको छ। मुआब्जा मूल्याङ्कन समितिको सिफारिस अनुसार मुआब्जाबापत १६ लाख रुपिया पाउनुपर्ने हो। उक्त रकम पाए स्थायी बसोबासको विकल्प खोज्ने योजना बनाएको कमलाको परिवारले तीन वर्षदेखि अन्योलमै बिताएको छ। स्थायी जग्गाधनी प्रमाण (लालपुर्जा) नहुँदा कमलाले मुआब्जा पाउनुभएको छैन। उहाँले भन्नुभयो, “आयोजना बन्दैछ, हामी खुसी छौँ तर तीन वर्ष भइसक्दा पनि मुआब्जा पाएका छैनौँ, हामीलाई कि मुआब्जा चाहियो, नभए लालपुर्जा दिनुप-यो।”
सर्पदंश उपचार केन्द्र नहुँदा धामीकै भर
मुगुमा सर्पदंश उपचार केन्द्र नहुँदा विषालु सर्पको टोकाइमा धामीझाँक्रीकै भर पर्नुपर्ने अवस्था छ। जिल्लामा एन्टिस्नेक भेनम, आइसियु र भेन्टिलेटर नहुँदा सर्पदंशका बिरामीको उपचारमा समस्या भएको छ। जलवायु परिवर्तन तथा विभिन्न कारणले तराईमा पाइने विषालु सर्प पहाडतर्फ आउने गरेका छन्। छायानाथ रारा नगरपालिका–१२ का कर्णबहादुर बुढाले सर्पदंश उपचारका लागि जिल्ला अस्पताल मुगुले कुनै तयारी नगरेको बताउनुभयो।
अनावश्यक ठाउँमा बजेट लगानी
वसन्तपुर–गुफापोखरी सडकखण्डको अनावश्यक ठाउँमा ग्याबिन जाली लगाइएको भन्दै स्थानीयवासीले विरोध जनाएका छन् । बजेट सिध्याउनका लागि आवश्यक नपर्ने ठाउँमा संरचना तयार गर्दा अन्य विकास गतिविधिलाई समेत नराम्रो प्रभाव पार्ने भन्दै स्थानीयवासीले विरोध गरेका हुन् ।
बीमा संस्थान अव पब्लिक लिमिटेड कम्पनी
राष्ट्रिय बीमा संस्थान अव पब्लिक लिमिटेड कम्पनी बन्ने भएको छ । संस्थानले भदौ १५ गते विशेष साधारण सभाको आयोजना गरी कम्पनीमा लाने तयारी गरेको हो ।
शिक्षा विधेयक सच्याउन माग
सामुदायिक विद्यालय व्यवस्थापन समिति महासङ्घ नेपालले प्रतिनिधि सभामा पेस भएको विद्यालय शिक्षा विधेयक सच्याउन माग गर्दै ध्यानाकर्षणपत्र बुझाएको छ । महासङ्घले बागमती प्रदेशको सामाजिक विकासमन्त्री कुमारी मोक्तानलाई बुधबार पाँचबुँदे सुझावसहित ध्यानाकर्षणपत्र बुझाएको हो । मन्त्री मोक्तानले ध्यानाकर्षणपत्र बुझ्दै सम्बन्धित निकायमा पत्र पठाउने र प्रदेश सरकारको तर्फबाट आवश्यक समन्वय गर्न तयार रहेको बताउनुभयो ।
बाढीले बिजुलीका पोल र खानेपानीका पाइप बगायो
मुस्ताङ जिल्लाको बारागुङ मुक्तिक्षेत्र गाउँपालिका–४, कागबेनीमा आइतबार बेलुका आएको बाढीले २८ वटा बिजुलीको पोल एवं दुई किलोमिटर लामो खानेपानीको पाइपलाइन बगाउँदा कागबेनी क्षेत्र बत्ती र पानीविहीन बनेको छ। कागबेनी क्षेत्रमा दुई किलोमिटर टाढाबाट ल्याएको खानेपानीको पाइपलाइन तथा धारा बाढीले बगाउँदा अवरुद्ध भएको हो। मुस्ताङका प्रमुख जिल्ला अधिकारी अनुप केसीले चाँडै खानेपानी सञ्चालन गर्ने गरी काम भइरहेको जानकारी दिनुभयो। अहिले स्थानीयले मूल र नजिकैको खोलाबाट पानी ल्याएर उपभोग गर्दै आएका छन्।
बजेट माग्न सिंहदरबार जाने
नवलपुरका राजनीतिक दलले जिल्ला सदरमुकाम बनाउने काममा ढिलाइ भएपछि यसका लागि सिंहदरबारसम्म पुग्ने भएका छन्। २०७६ सालमा शिल्यान्यास भएर पनि कामले गति नलिएपछि यहाँका राजनीतिक दलले दबाबमूलक पहल गर्ने भएका हुन्। नमुना सदरमुकाम निर्माणका लागि चाहिने बजेटको आकार बढाउन र निर्माण कार्यलाई अघि बढाउन प्रधानमन्त्री पुष्पकमल दाहाल प्रचण्ड र अर्थमन्त्री डा. प्रकाशशरण महतलगायतलाई भेटेर ध्यानाकर्षण गराउने निर्णय गरेका हुन्। जिल्ला समन्वय समिति नवलपुरले राजनीतिक दल र सरोकारवालासँग मङ्गलबार कावासोतीमा गरेको अन्तर्क्रियामा यस्तो निर्णय गरिएको हो।
जमिन भासिँदै गएपछि खानीगाउँ पहिरोको जोखिममा
उत्तरी गोरखाको धार्चे गाउँपालिका–७, खानीगाउँ पहिराको जोखिममा छ । पहिरोका कारण बस्ती भएको जमिन चिराचिरा परेको छ । यहाँ ३२ घर पहिरोको उच्च जोखिममा छन् ।
खानी खोजतलास गर्न ४३२ कम्पनीलाई अनुमतिपत्र
खानी तथा भूगर्भ विभाग लैनचौरले मुलुकभित्र रहेका खानी खोजतलास गर्नका लागि चार सय ३२ कम्पनीलाई अनुमतिपत्र प्रदान गरेको छ । विसं २०३३ देखि खानी र भूगर्भको क्षेत्रमा काम गर्दै आएको सो विभागले नेपालको खनिजजन्य उद्योग प्रवद्र्धनका लागि सम्भावित खानीको खोजतलास गर्न ती कम्पनीलाई अनुमतिपत्र प्रदान गरेको हो ।
ब्याट्री रिक्सा किन्दै स्वरोजगार बन्दै
तीन वर्ष विदेश बसेर फर्किनुभएका बाँके डुडुवाका सोहराब खानले फेरि विदेश जाने तयारी गरिरहेकै बेला ब्याट्री रिक्सा चलाउन थाल्नुभयो। रिक्सा चलाएर दिनदिनै राम्रो आम्दानी हुन थालेपछि उहाँले विदेश जाने सोच त्याग्नु भयो। राहदानी बनाएर भिसाका लागि दौडधुप गरिरहनुभएका नेपालगन्ज–११, इदगाहरोडका नन्कु साईले पनि केही दिनका लागि मात्र भनेर ब्याट्री रिक्सा चलाउन थाल्नुभयो। दैनिक एक हजार पाँच सय रुपियाँभन्दा बढी आम्दानी हुन थालेपछि उहाँले पनि विदेश जाने सोच त्यागेर राहदानी बाकसमा बन्द गर्नुभयो।
बँदेलबाट मकै बाली जोगाउनै समस्या
दाङमा जङ्गली जनावरका कारण किसानलाई बाली जोगाउनै समस्या भएको छ। जङ्गल नजिक बसोबास गर्ने किसान जङ्गली जनावर बँदेलबाट पीडित बन्दै आएका छन्। भर्खर घोगा लागेको मकैमा बँदेलले क्षति पु-याउन थालेपछि किसान रातभर थाल तथा ढोल बजाएर जाग्राम बस्न थालेका छन्।
सर्वसाधारणको २४ करोड ठगी गर्ने दम्पती कारागार चलान
झापामा सर्वसाधारणको साढे २४ करोड रकम ठगी गरी पक्राउ परेका झापा गौरादहका विश्वकर्मा दम्पती पुर्पक्षका लागि कारागार चलान भएका छन् ।
‘मिल्क होलिडे’ नगर्न कृषिमन्त्रीको आग्रह
कृषि तथा पशुपन्छी विकासमन्त्री डा. वेदुराम भुसालले ‘मिल्क होलिडे’ (दिन बिराएर दुध खरिद गर्ने) नगर्न डेरी उद्योगी तथा सरोकारवालालाई आग्रह गर्नुभएको छ । राष्ट्रिय दुग्ध विकास बोर्डले डेरी उद्योगी, किसान तथा अन्य सरोकारवालासँग बुधबार राखेको छलफलमा मन्त्री भुसालले सो आग्रह गर्नुभएको हो । बोर्डका अध्यक्षसमेत रहेका मन्त्री भुसालले बढी भएको दुधलाई अन्य क्षेत्रमा खपत गर्नूस् तर ‘मिल्क होलिडे’ नगर्नूस् भनी पटक पटक आग्रह गर्नुभयो ।
माग अनुसार सुनको कोटा बढाइने
उद्योग, वाणिज्य तथा आपूर्तिमन्त्री रमेश रिजालले बजारको माग अनुसार सुनको कोटा बढाउन सरकार तयार रहेको बताउनुभएको छ । नेपाल सुनचाँदी व्यवसायी महासङ्घका अध्यक्ष माणिकरत्न शाक्यको नेतृत्वमा बुधबार भएको भेटका क्रममा मन्त्री रिजालले मुलुकको अर्थतन्त्र र भुक्तानी सन्तुलनको स्थितिसमेत अहिले सकारात्मक रहेकाले विद्यमान आपूर्ति कोटामा वृद्धि गर्न कुनै कठिनाइ नभएको बताउनुभयो ।
