गोरखापत्र अनलाइन
‘यात्रा ट्याटु प्रदर्शनी’ सुरु
नेपाल ललितकला प्रज्ञा–प्रतिष्ठान र हिमालयन ट्याटु समिटको संयुक्त आयोजनामा शुक्रबारबाट ‘यात्रा ट्याटु प्रदर्शनी तथा कला कार्यशाला’ सुरु भएको छ । प्रतिष्ठानका कुलपति नारदमणि हार्तम्छाली, बहुआयामिक तथा अन्य सिर्जनात्मक कला विभाग प्रमुख सौरगङ्गा दर्शनधारी, प्राज्ञ सभा सदस्य सुन्दर सिंख्वाल र अग्रज कलाकार उदयचरण श्रेष्ठले संयुक्त रूपमा कार्यक्रमको उद्घाटन गर्नुभयो ।
बाह्रखरी कथा प्रतियोगिता घोषणा
‘डिसहोम सातौँ बाह्रखरी कथा प्रतियोगिता, २०८२’ का निम्ति कथा आह्वान गरिएको छ । शुक्रबार काठमाडौँमा पत्रकार सम्मेलन गरी बाह्रखरी मिडियाले प्रतियोगिता घोषणासँगै कथा आह्वान गरेको हो । बाह्रखरी मिडियाले यो वर्षदेखि विगतका वर्षभन्दा पुरस्कार राशि बढाएको जनाएको छ । प्रतियोगितामा सर्वोत्कृष्ट तीन कथालाई यस वर्षदेखि क्रमशः दुई लाख, एक लाख र ६० हजार रुपियाँका साथ पुरस्कार तथा प्रमाणपत्र प्रदान गरिने छ । सो पुरस्कार राशि विगतका वर्षमा भन्दा बढी हो ।
एनसेल सिइओमा फोले नियुक्त
दूरसञ्चार सेवाप्रदायक एनसेलको प्रमुख कार्यकारी अधिकृत (सिइओ) मा माइकल फोले नियुक्त हुनुभएको छ । कम्पनीको व्यवस्थापनले आगामी कात्तिक १५ गतेदेखि लागु हुने गरी उहाँलाई नयाँ सिइओ नियुक्त गरेको हो । एनसेलमा आबद्ध हुनुअघि फोलेले एयरटेलमा फ्रेन्च अफ्रिकाका प्रमुखका रूपमा जिम्मेवारी निर्वाह गर्नुभएको थियो । त्यसअघि सात वटा फ्राङ्कोफोन अफ्रिकी बजारको सञ्चालनको जिम्मेवारीमा रहेर उहाँले काम गर्नुभएको थियो । त्यसअघि उहाँले टेलिनोर पाकिस्तान (टिपी) का सिइओका रूपमा काम गरिसक्नुभएको एनसेलले जनाएको छ ।
तिहार बिदामा पनि बैंकिङ सेवा दिन राष्ट्र बैङ्कको आग्रह
नेपाल राष्ट्र बैङ्कले बैङ्क तथा वित्तीय संस्थालाई भाइटीकाको दिन बाहेक अन्य दिन पनि भन्सार जाँचपासका लागि बैंकिङ सेवा सञ्चालन गर्न आग्रह गरेको छ ।
कोशीमा तीन अर्बभन्दा बढी बक्यौता
कोशीमा डेडिकेटेड तथा ट्रङ्क लाइनबाट विद्युत् उपभोग गर्ने सात उद्योगले बुझाउनुपर्ने बक्यौता हर्जानाका कारण बर्सेनि बढ्दो छ । सातमध्ये चार उद्योग अदालतबाट अन्तरिम आदेश लिएर ढुक्कसँग बसेका छन्, जसको बक्यौता पनि भारी छ । विराटनगरको रघुपति जुट मिल, बाबा जुट मिल, सुनसरीको अरिहन्त मल्टिफाइबर्स र अरिहन्त पोलिप्याकबाट तत्काल बक्यौता असुल गर्ने बाटो बन्द छ । यी उद्योगले अदालतबाट अन्तरिम आदेश लिएका छन् ।
अब तिलिचो पदयात्रामै फोरजी
सबैभन्दा अग्लो स्थानमा रहेको तिलिचो ताल घुम्न जाने पर्यटकले पदयात्राकै क्रममा फोरजी सुविधा उपयोग गर्न सक्ने भएका छन् । चार हजार ३५० मिटरको उचाइमा पर्ने तिलिचो ताल जाने पदयात्रीलक्षित नेपाल टेलिकमले माइक्रोवेब प्रविधिमार्फत टुजी र फोरजी सेवा सञ्चालनमा ल्याएको हो ।
आजका लागि यस्तो छ विदेशी मुद्राको विनिमयदर
नेपाल राष्ट्र बैङ्कले शनिबारका लागि विदेशी मुद्राको विनिमयदर निर्धारण गरेको छ । राष्ट्र बैङ्कका अनुसार अमेरिकी डलरको मूल्य बढेको छ ।
आज देशभरको मौसम मुख्यतया सफा रहने
हाल देशभर कुनै उल्लेखनीय मौसम प्रणालीको प्रभाव रहेको छैन । मौसम पूर्वानुमान महाशाखाका अनुसार शनिबार दिउँसो सबै प्रदेशको पहाडी भू–भागमा आंशिक बदली रही बाँकी भू–भागमा मुख्यतया सफा रहने छ ।
फेरि घट्यो ब्याजदर
वाणिज्य बैङ्कले कात्तिकका लागि पनि ब्याजदर घटाएका छन् । निरन्तर घटने क्रममा वाणिज्य बैङ्कको ब्याजदर एकल अङ्कमा रहेको छ । कात्तिकका लागि अधिकांश बैङ्कले मुद्दती निक्षेपमा ब्याजदर घटाएका हुन् । बैङ्कले मुद्दती निक्षेपमा औसत व्यक्तिगततर्फ ०.२६ प्रतिशत घटाएर औसत ५.२० प्रतिशतमा झरेका छन् । असोजमा यस्तो औसत ब्याजदर व्यक्तिगततर्फ ५.४६ प्रतिशत थियो ।
अस्ताए प्रथम आरोहण दल सदस्य
सगरमाथाको पहिलो सफल आरोहण दलका सदस्य आङ फुर्वा शेर्पा (कान्छा शेर्पा) को बिहीबार निधन भएपछि एक इतिहासको अन्त्य भएको छ । प्रधानमन्त्री सुशीला कार्कीले शेर्पाको निधनमा दुःख व्यक्त गर्दै आफू स्तब्ध भएको बताउनुभएको छ । शेर्पाको बुढानीलकण्ठ नगरपालिका–११, कपनस्थित निवासमा ९२ वर्षको उमेरमा बिहीबार निधन भएको थियो ।
सरकारको लक्ष्य निष्पक्ष निर्वाचन
प्रधानमन्त्री सुशीला कार्कीले वर्तमान सरकारको एक मात्र लक्ष्य भयरहित, स्वतन्त्र र निष्पक्ष निर्वाचन गराउनु रहेको बताउनुभएको छ ।
मानवीय क्षति रोक्ने रणनीति अपनायौँ : सेना
नेपाली सेनाले गत भदौ २३–२४ गते नवयुवा जेनजी आन्दोलनका क्रममा मानवीय क्षति रोक्ने रणनीति अपनाएको स्पष्ट पारेको छ ।
कांग्रेस महाधिवेशन मङ्सिरका लागि प्रस्ताव
नेपाली कांग्रेसको केन्द्रीय कार्यसमिति बैठकमा पार्टीको १५ औँ महाधिवेशन मङ्सिर २७ देखि २९ गतेसम्म गर्ने प्रस्ताव पेस भएको छ । महामन्त्री गगनकुमार थापाले १४ औँ महाधिवेशनबाट निर्वाचित कार्यसमितिको चारबर्से कार्यका मङ्सिर मसान्तमा सकिने भएकाले १५ औँ महाधिवेशन मङ्सिरमै गर्ने प्रस्ताव पेस गर्नुभएको हो ।
गृह मन्त्रालयको एक महिना : प्राथमिकतामा सुशासन
नयाँ सरकार गठनपछि एक महिनाको प्रगति विवरण सार्वजनिक गर्दै गृह मन्त्रालयले सुशासन, पारदर्शिता र भ्रष्टाचार अन्त्य गरी समृद्ध राष्ट्रनिर्माणलाई प्राथमिकतामा राखेको जनाएको छ ।
काठमाडौँका विभिन्न स्थानमा भेला प्रदर्शन गर्न निषेध
जिल्ला प्रशासन कार्यालय काठमाडौँले विभिन्न स्थानमा आगामी दुई महिनासम्म भेला प्रदर्शन, धर्ना र जुलुसजस्ता विरोधका कार्यक्रम गर्न निषेध गरेको छ ।
