गोरखापत्र अनलाइन
पुरानै दलबिच प्रतिस्पर्धा
नेपाली कांग्रेसको तेस्रो पुस्ताका नेता खड्गबहादुर बुढा दोस्रो पुस्ताका नेतासँग चुनावी मैदानमा उत्रिनुभएको छ । दोस्रो पुस्ताका मानिने नेकपाका नेता शक्तिबहादुर बस्नेत र नेकपा (एमाले) का डम्बरबहादुर सिंहसँग बुढा चुनावी मैदानमा उत्रिनुभएको हो ।
चुनावी प्रचार तीव्र
कालीकोटमा राजनीतिक दलहरूले चुनावी प्रचारलाई तीव्रता दिएका छन् । यसपालिको प्रचार शैली फरक छ । यस पटक कालीकोटमा चुनावभन्दा अलिअघि नै प्रचार सुरु भएको छ । नेकपा (एमाले) का उम्मेदवार नगिन्द्र शाही नेसनलको चुनावी प्रचारसँगै नेपाली कांग्रेसका उम्मेदवार हर्षबहादुर बम र नेपाली कम्युनिस्ट पार्टीका उम्मेदवार महेन्द्रबहादुर शाहीको प्रचार शैलीबाट एक दलले तयार पारेको जनमत अर्कोले आफ्नो पक्षमा पार्ने प्रयास गरेको देखिन्छ ।
माटोको ढिस्कोले पुरिएर महिलाको मृत्यु
जुम्लामा माटोको ढिस्कोले पुरिएर आमाको मृत्यु भएपछि पाँच बालबालिका समस्यामा परेका छन् । आमाको अप्रत्याशित दुर्घटनामा मृत्यु भएपछि ती बालबालिका अभिभावकको अभावमा कठिनाइमा परेका हुन् ।
घोषणापत्रमा मुद्दा समावेश गर्न माग
आगामी फागुन २१ गते हुने निर्वाचनका क्रममा विभिन्न पार्टीका उम्मेदवार घरदैलो अभियानमा जुटे पनि तिनले घोषणापत्र नबनाइसकेको हुँदा घोषणापत्रमा दलित र महिलाका मुद्दा समावेश गर्न माग गरिएको छ ।
दुर्गम वडा जोड्न सडक
रुकुमपश्चिमको मुसीकोट नगरपालिकाको दुर्गम मानिने वडा नं. १० लाई सडक सञ्जालमा जोड्न पाँच नाकाबाट सडक निर्माण गरिएको छ । रोल्पा र रुकुमपूर्वसँग जोडिएको यस वडाको पाँच नाकाबाट र वडाभित्र चार वटा सडक निर्माण गरिएको हो । वडाभित्रका बस्ती जोड्न चार वटा र बाहिरबाट वडा प्रवेश गर्न पाँच वटा सडकको ट्र्याक खोलिएको वडाध्य
किशोरीलाई क्यान्सरविरुद्धको खोप लगाउन सुरु
सर्लाहीका किशोरीहरुलाई पाठेघरको मुखमा हुने क्यान्सरविरुद्धको एचपिभी खोप लगाउन सुरु गरिएको छ । स्वास्थ्य कार्यालय सर्लाहीका खोप फोकल पर्सन सुशील झाका अनुसार जिल्लाभर २० वटै पालिकामा कक्षा ६ मा अध्ययनरत् किशोरीलाई क्यान्सरविरुद्धको खोप आइतबारबाट लगाउन सुरु गरिएको हो ।
निर्वाचनलक्षित घटना अभ्यास
जिल्ला प्रशासन कार्यालय बर्दियाले निर्वाचनलक्षित घटना न्यूनीकरण अभ्यास सुरु गरेको छ । गुलरिया नगरपालिका–४ स्थित कभर्ड हलको खेल मैदानमा निर्वाचनलक्षित हुन सक्ने घटनालाई कसरी न्यूनीकरण गर्न सकिन्छ भनेर घटना न्यूनीकरण अभ्यास सुरु गरेको छ ।
पिएम कप : प्रदेशस्तरीय छनोटमा सप्तरीको लगातार दोस्रो जित
राजविराजमा सञ्चालन भइरहेको प्रधानमन्त्री कप एकदिवसीय प्रदेशस्तरीय क्रिकेट छनोट प्रतियोगिता (पुरुष) अन्तर्गत सप्तरीले लगातार दोस्रो जित हात पारेको छ ।
पुराना नेता नउठ्दा बहुपक्षीय भिडन्त
आगामी फागुन २१ गते हुने निर्वाचनको मिति नजिकिँदै जाँदा बाँके जिल्लाका तीन वटै निर्वाचन क्षेत्रका दल र उम्मेदवारले चुनावी गतिविधि तीव्र पार्दै गएका छन् । सो क्रममा जिल्लाको क्षेत्र नम्बर ३ मा पनि चुनावी गतिविधि र चर्चा परिचर्चा बढ्दै गएको छ । सो क्षेत्रमा यस पटक सबै उम्मेदवार नयाँ रहेका छन् । सोही कारणले यस पटक नयाँ उम्मेदवारबिच कडा प्रतिस्पर्धा हुने देखिएको छ ।
ल्यान्डफिल भरियो, बाटोघाटोमा फोहोर
पोखराका सार्वजनिक ठाउँ र चोक चोकमा फोहोर फाल्न निषेध गरिएको सूचना देख्न सकिन्छ तर त्यही सूचनामुन्तिर फोहोरका थ्रुपा यत्रतत्र देखिन्छन् । पुस अन्तिम साताबाट फोहोर नउठेपछि पोखराका सडक, चोक र सार्वजनिक स्थलमा फोहोर थुप्रिएको छ । फोहोर व्यवस्थापन नहुँदा एकातिर सडक दुर्गन्धित हुन थालेको छ भने अर्कातिर पर्यटकीय नगरका बासिन्दा र पर्यटकसमेत दिक्क छन् ।
सप्तरीमा स्रोत नखुलेको १३ लाखसहित एकजना पक्राउ
सप्तरीको बलानबिहुल गाउँपालिकाबाट स्रोत नखुलेको रकमसहित प्रहरीले एकजनालाई पक्राउ गरेको छ ।
एक हजारभन्दा बढी कर्मचारी खटाइने
यही फागुन २१ गते हुने प्रतिनिधि सभा सदस्यको निर्वाचनमा लमजुङमा स्वयंसेवकसहित एक हजार ७५० कर्मचारी खटाइने भएको छ । एउटा निर्वाचन क्षेत्र भएको लमजुङमा मतदान अधिकृत, सहायक मतदान अधिकृत र अन्य कर्मचारी गरी करिब एक हजार ७५० कर्मचारी खटाइने भएको मुख्य निर्वाचन अधिकृतको कार्यालयले जनाएको छ ।
२५ वर्षमा २६ लाख पर्यटकले अन्नपूर्ण क्षेत्र घुमे
पदयात्रा पर्यटनका लागि विश्वप्रसिद्ध गन्तव्य अन्नपूर्ण क्षेत्रमा पछिल्ला २५ वर्षमा २६ लाख ३२ हजार चार विदेशी पर्यटक भित्रिएका छन् ।
रुद्रवेणी–वामीटक्सार सडक अवरुद्ध हुने
उक्त सडकखण्ड अन्तर्गत सत्यबती गाउँपालिकास्थित सिस्ने भिर क्षेत्रमा आजदेखि सडक स्तरोन्नतिको काम सुरु हुने भएको कारण केही समयका लागि सवारी आवागमन बन्द हुने भएको हो ।
लमजुङमा फागुन ३ देखि मतदाता शिक्षा अभियान चलाइने
फागुन २१ गते हुने प्रतिनिधिसभा सदस्य निर्वाचनलाई लक्षित गरी लमजुङमा मतदाता शिक्षा कार्यक्रम सञ्चालनको तयारी गरिएको छ । निर्वाचनमा मतदाताको सहभागिता बढाउने र बदर मत घटाउने उद्देश्यले जिल्लाका ७५ वटै वडामा कार्यक्रम सञ्चालन गर्न लागिएको हो ।
