गोरखापत्र अनलाइन
बाढीपहिरोले छजनाकाे मृत्यु, दुई बेपत्ता, लार्चा पुल बगायो
चित्र मिजारसिन्धुपाल्चोक, असोज १२ गते । निरन्तर परेको अविरल बर्षाका कारण बाढीपहिरोले सिन्धुपाल्चोक छजनाकाे मृत्यु भएको छ । दुई जना बेपत्ता भएका छन् । गएराती १ बजे घरमाथिबाट आएको पहिरोले लिसंखुपाखर गाउँपालिका–३ का दम्पतीको निधन भएको छ । सो गापाका अध्यक्ष राजु लामाकानुसार पहिरोले घरमा सुतिरहेका पूर्व वडा अध्यक्ष समेत रहनु भएका ७३ बर्षीया काजी लामा र उहाँकी धर्मपत्नी ७० बर्षीया सुन्तली तामाङको निधन भएको सिन्धुपाल्चोक प्रहरी प्रमुख एसपी संतोष खड्काले जानकारी दिनुभएको छ । उनीहरु घरमा सुतिरहेका बेला घरमाथिबाट आएको पहिरोले पुरेको थियो । त्यस्तै सोही ठेगानाका आलोङ ग्रुङम्राङमा पहिरोले घर बगाउदाँ तिर्सना मोक्तान र उहाँकी दुई छोराछोरी गरी तिनै जनाको निधन भएको अध्यक्ष लामाले बताउनुभयो । इलाका प्रहरी कार्यालय जलविरेले दिएको जानकारीनुसार पहिरोले जुगल गाउँपालिका–१ कुनेगाउँका एकै परिवारका दुई जनाको निधन भएको छ । पहिरोले ४५ बर्षीय चित्रबहादुर मिजार र उहाँको ज्वाँई अविनाष नेपालीको मृत्यु भएको छ ।मिजारको धर्मपत्नी बर्ष ४५ की ठूलीकान्छी मिजार र अविनाषको ५ बर्षीय छोरा बेपत्ता छिन् । नेपाली र उहाँको छोरा मिजारको घरमा पाहुना आएका थिए । उक्त स्थानका १० घर पहिरो उच्च जोखिममा रहेका छन् । यस्तै सुनकोशी गापा–४ बिमरेनी स्थित सिन्धुवीच रिसोर्ट माथिबाट आएको पहिरोले दुई कोरियन नागरिक र एक नेपाली गाइड बेपत्ता भएका छन् । उक्त स्थानमा रिसोर्टमाथिबाट आएको पहिरोले १५ जना पाहुनालाई प्रहरीले सकुसल उद्धार गरेको एसपी खड्काले बताउनुभयो । यस्तै भोटेकोशी बाढी उर्लेपछि चीनको सीमा जोड्ने लार्चा बेलिबिज्र बगाएको एसपी खड्काले बताउनुभएको छ । सो पुल बगाएपछि उत्तरी सीमा चीन नाकाको आवगमन बन्द भएको छ । पुल बगाएपछि भोटेकोशी गापा–२ र ३ का बस्तीहरु आउजाउ बन्द भएको छ । सो पुलले उक्त दुई बस्ती जोडने गर्छ । पुल बगाएपछि तातोपानी नाकाबाट राजधानी जाने मालबाहक कन्टेनर पूर्ण रुपमा बन्द भएका छन् । पैदल यात्रा गर्न समेत जंगलको बाटो प्रयोग गर्नु पर्ने भएको छ । २०७४ साल साउनमा पनि बाढीले उक्त ठाउँमा रहेको पक्की पुल बाढीले बगाएको थियो । यस्तै लिपिङ पुल पनि बाढीले ६० प्रतिशत भाग खसालेको छ । यस्तै भोटेकोशी बाढीले भोटेकोशी गापा–२ स्थित नौ किलो पुरानो भ्यान पार्किङदेखि भोटेकोशी ४ गोलेपा, पाङशेर्पु गाउँ जोड्ने फलामे पुल बगाएको छ ।
खोटाङलाई तराईसँग जोड्ने फोक्सिङ्टार पुल सुनकोशीले बगायो
खोटाङलाई तराईसँग जोड्ने फोक्सिङ्टार पुल सुनकोशी नदीले बगाएको छ। सुनकोशी नदीमा आएको बाढीले शनिबार अपरान्ह मोटरेबल पुल बगाएको स्गानीय विकास राईले जानकारी दिनुभयो।
सोलुखुम्बुको टाप्टिङ पहिरोमा पुरिएर दुई जनाको ज्यान गयो
सोलुखुम्बुमा पहिरोमा परेर दुई जनाको ज्यान गएको छ । शनिबारअपरान्ह एक घर पुरिँदा दुई जनाको मृत्यू भएको हो ।
काठमाडौँ उपत्यकामा नौ महिने गर्भवतीसहित ३४ को मृत्यु (नामावलीसहित)
बिहीबार रातिदेखिको अविरल वर्षापछिको बाढीपहिरामा परी काठमाडौँ उपत्यकमा नौ महिनाकी गर्भवतीसहित ३४ जनाको मृत्यु भएको छ । काठमाडौँ उपत्यका प्रहरी कार्यालय रानीपोखरीले ललितपुरमा १८, काठमाडौँमा ११ र भक्तपुरमा पाँच जनाको मृत्युभएको पुष्टि गरेको छ ।
पहिरोमा नेपाली सेनाका दुई जनासहित पाँच बेपत्ता
माथिल्लो तामाकोशी जलविद्युत आयोजनास्थलको संरचनाको लागि रहेको हेडवक्र्स नियन्त्रण कक्ष रहेको भवनमा पहिरो खस्दा पाँच जना बेपत्ता भएका छन् ।
पहिरोमा परी दशको मृत्यु, तेह्र जना वेपत्ता, विपी राजमार्ग पूर्ण रुपमा बन्द
अविरल वर्षासँगै आएको पहिरोमा परी काभ्रेपलाञ्चोकमा दश जनाको मृत्यु भएको छ ।
सप्तरीमा हजार बढी घर डुवानमा, नालामा डुवेर बालकको मृत्यु
तीन दिनदेखि परेको अविरल वर्षाले सप्तरीको हजार घर डुवानमा परेका छन् । घर छेउको नालामा पानीको बहाव देखेर माछा मार्न गएका एक आठ वर्षीय वालकको डुबेर ज्यान गएको छ ।
पाम कम्युनिटी एन्ड स्पोर्ट्स सेन्टर सञ्चालनमा
बन्दी सहायता नियोग (पाम) ले निर्माण गरेको पाम कम्युनिटीएन्ड स्पोर्ट्स सेन्टर सञ्चालनमा आएको छ ।
पहिरोले गोठ पुर्दा महिलाको ज्यान गयो
अविरल वर्षासँगै आएको पहिरोले गोठ पुर्दा रामेछापको रामेछाप नगरपालिका –६ च्यास्कु दारिम बोटमा एक महिलाको ज्यान गएको छ ।
घर भत्किँदा थिचिएर युवतीको मृत्यु
मकवानपुरको बागमती गाउँपालिका –३ स्थित सुक्खा सल्यनीमा पहिरोले भत्किएको घरले थिचिएर एक युवतीको ज्यान गएको छ ।
अचेत अवस्थामा भेटिएका पुरुषको मृत्यु
अचेत अवस्था भेटिएका सन्धिखर्क नगरपालिका –१० का ५२ वर्षीय बलबहादुर खत्रीको मृत्यु भएको छ । विहान अचेत अवस्थामा फेला परेपछि जिल्ला अस्पतालमा उपचारका लागि ल्याइएका खत्रीको मृत्यु भएको हो।
पहिरोले घर पुर्दा ३ को मृत्यु
अविरल वर्षापछि गएको पहिरोमा परेर दोलखाको भीमेश्वर नगरपालिका –६ मा एकै परिवारको तीन जनाको मृत्यु भएको छ । सदरमुकाम चरिकोटस्थित सिमपानीमा पहिरोले घर पुर्दा तीन जनाको मृत्यु भएको छ । एक जना बालकको जिबितै उद्दार गरिएको छ ।
साफ यु–१७ च्याम्पियनसिप : नेपाल भारतसँग स्तब्ध
दक्षिण एसियाली फुटबल महासङ्घ (साफ) यु–१७ च्याम्पियनसिपमा नेपालको यात्रा सेमिफाइनलमै सकिएको छ ।
सुकुम्वासी बस्ती पहिरोको उच्च जोखिममा
पाल्पाको तानसेन नगरपालिका–५ कैलाशनगरस्थित देउरालीनजिक सुकुम्वासी वस्तिमा पहिरो गएको छ । बिहीबारदेखि परेको निरन्तर अविरल वर्षाका कारण यहाँ पहिरो गएको हो ।
पहिरोले सडक अवरुद्ध, ठाउँ–ठाउँमा डुबान
नवलपुरको समथर भू–भागमा डुबान र सडक कटानले यातायात क्षेत्र प्रभावित भएको छ । लगातारको वर्षाले विभिन्न ग्रामीण सडक अवरुद्ध भएका छन् भने सयौँ घर डुबानमा परेका छन् ।
