गोरखापत्र अनलाइन
बजेट निर्माणको काम सुरु
सरकारले आगामी आर्थिक वर्ष २०८३/८४ को बजेट निर्माण थालेको छ । त्यसका लागि अर्थ मन्त्रालयका लागि राजस्व परामर्श समिति गठन गरेको छ भने यही फागुन ७ गते नै राष्ट्रिय योजना आयोगले बजेटको सिलिङ सरकारलाई दिएको छ ।
डिजिटल इकोनोमीका लागि रणनीतिक लगानी अपरिहार्य
लगानी बोर्ड नेपालका प्रमुख कार्यकारी अधिकृत सुशील ज्ञवालीले डिजिटल इकोनोमीबाट पर्याप्त लाभ लिन रणनीतिक लागानी अपरिहार्य रहेको बताउनुभएको छ । भारतमा आयोजित नेपाल–भारत टेक फोरम २०२६ लाई भर्चुअल सम्बोधन गर्दै प्रमुख कार्यकारी अधिकृत ज्ञवालीले डिजिटल इकोनोमीमा व्यापाक सम्भावना रहेको बताउनुभयो । उहाँले उक्त सम्भावनालाई मूर्त रूप दिन योजनाबद्ध र दीर्घकालीन लगानी आवश्यक रहेको धारणा पनि व्यक्त गर्नुभयो ।
चीनको सहयोगप्रति आभार
प्रधानमन्त्री सुशीला कार्कीले नेपाल र छिमेकी राष्ट्र चीनबिचको सम्बन्ध भविष्यमा थप मजबुत र सुमधुर हुने औँल्याउनुभएको छ । नेपालका लागि नवनियुक्त चीनका राजदूत चाङ माओमिङले शुक्रबार शिष्टाचार भेट गर्ने क्रममा प्रधानमन्त्री कार्कीले नेपालको लोकतान्त्रिक प्रक्रियाको महत्वपूर्ण हिस्सा रहेको, आउँदो निर्वाचनमा चीनबाट प्राप्त सदासयता र सहयोगका लागि कृतज्ञता ज्ञापन गर्नुभयो । साथै उहाँले विकासका विभिन्न परियोजना र आयाममा चीनबाट प्राप्त सहयोग र साझेदारीका अवसरप्रति नेपाल र नेपाली जनताका तर्फबाट आभार व्यक्त गर्नुभएको प्रधानमन्त्री कार्यालयले जनाएको छ ।
होली पर्वको सुरक्षा चुस्त बनाउन परिपत्र
यही फागुन १८ गते उपत्यकालगायत पहाडी क्षेत्र र १९ गते तराई क्षेत्रमा धुमधामसहित मनाइने फागुपूर्णिमा अर्थात् होली पर्वलाई मर्यादित, सुरक्षित र शान्तिपूर्ण बनाउने गरी सुरक्षा व्यवस्थान चुस्त राख्न प्रहरीले मातहतका निकायलाई निर्देशन दिएको छ ।
लोकमार्ग र जलविद्युत् निर्माण
यही फागुन २१ गतेको प्रतिनिधि सभा सदस्य निर्वाचनमा सुदूरपश्चिम प्रदेशका प्रायः उम्मेदवारले भारतको तिकुनियादेखि चीनको तिब्बतसँग जोड्ने लोकमार्गदेखि ठुला विद्युत् आयोजना बनाउने राष्ट्रिय महत्वका योजनालाई चुनावी प्रतिबद्धतामा समेटेका छन् ।
प्रतिनिधिसभा निर्वाचन : एक हजार ६१ उजुरी फर्स्योट
जिल्ला आचारसंहिता अनुमगन समिति र अनुगमन अधिकृतसमक्ष कूल एक हजार ७६ उजुरी परेको छ ।निर्वाचन आयोगका अनुसार प्राप्त भएका उजुरीमध्ये एक हजार ६१ अर्थात् ९९ प्रतिशत फछ्र्यौट भएको छ । प्रदेशगत रूपमा सबैभन्दा धेरै लुम्बिनी प्रदेशमा २४४ उजुरी परेका छन भने सबैभन्दा कम सुदूरपश्चिम प्रदेशमा ९६ उजुरी परेका छन् ।
रास्वपा प्रदेश समिति सदस्य एमालेमा प्रवेश
राष्ट्रिय स्वतन्त्र पार्टीका कोशी प्रदेश समिति सदस्य ठगेन्द्रप्रसाद न्यौपाने नेकपा (एमाले) मा प्रवेश गर्नुभएको छ । उहाँलाई अध्यक्ष केपी शर्मा ओलीले खादा लगाएर एमाले पार्टीमा शुक्रबार प्रवेश गराउनु भएको हो ।
मतदाता दिग्भ्रमित पार्ने सामग्री सम्प्रेषण नगर्न आग्रह
प्रेस काउन्सिल नेपालले फागुन २१ गतेको निर्वाचनलाई असर पार्ने र मतदातालाई दिग्भ्रमित पार्ने खालका कुनै पनि सामग्री सम्प्रेषण नगर्न आग्रह गरेको छ ।
प्रधानमन्त्री कार्की र पाकिस्तानी राजदूतबीच भेटवार्ता: द्विपक्षीय हितका विषयमा छलफल
प्रधानमन्त्री सुशीला कार्कीसँग नेपालका लागि पाकिस्तानी राजदूत महामहिम अबरार एच हासमीले शुक्रबार शिष्टाचार भेट गर्नुभएको छ।
निर्वाचनमा स्वास्थ्यकर्मी तयारी अवस्थामा राख्न आयोगको निर्देशन
निर्वाचन आयोगले आगामी फागुन २१ गते हुने प्रतिनिधि सभा सदस्य निर्वाचनका लागि स्वास्थ्यकर्मी र अस्पताललाई तयारी अवस्थामा राख्न निर्देशन दिएको छ ।
गृहमन्त्री र निर्वाचन आयुक्तद्वारा विभिन्न जिल्लाका मतदान स्थलको अनुगमन
गृहमन्त्री ओमप्रकाश अर्यालले आसन्न प्रतिनिधि सभा निर्वाचनको तयारी र शान्ति सुरक्षाबारे विभिन्न जिल्लाका मतदान स्थलको स्थलगत निरीक्षण तथा अनुगमन गर्नुभएको छ।
मतदान अधिकृतहरुलाई तालिम
धनकुटामा निर्वाचनमा खटिइने मतदान अधिकृत र सहायक मतदान अधिकृतलाई तालिम दिइएको छ । जिल्ला निर्वाचन कार्यालय धनकुटाले फागुन २१ गते हुन लागेको प्रतिनिधिसभा सदस्य निर्वाचन लक्षित गर्दै मतदान अधिकृत तथा सहायक मतदान अधिकृतहरूलाई एक दिने तालिम दिएको हो ।
लोक सेवाको वैकल्पिक उम्मेदवारको योजनामा सब–इन्जिनियर यादवको हत्या, तीन जना पक्राउ
सर्लाही सदरमुकाम मलङ्गवास्थित पूर्वाधार विकास कार्यालयमा कार्यरत सब–इन्जिनियर प्रमोदकुमार यादवको गोली हानी हत्या गरिएको घटनामा संलग्न तीन जना अभियुक्त पक्राउ परेका छन्।
एमालेमा फर्किनुभयो बामदेव गुरुङ
घोराही उपमहानगरपालिका –४ का बामदेव गुरुङ पुनः एमालेमा फर्किनुभएको छ । केही समयअघि एमाले परित्याग गरी राष्ट्रिय स्वतन्त्र पार्टी (रास्वपा) प्रवेश गर्नुभएका गुरुङलाई एमाले केन्द्रीय सदस्य सुजिता शाक्यले आज पुनः उहाँलाई एमालेमा फर्काउनुभएको हो।
-original-thumb.jpg)
नवलपरासी कारागारबाट भागेका १८० कैदीबन्दी अझै फरार
पश्चिम नवलपरासी कारागारबाट भागेका १८० जना कैदीबन्दी अझै सम्पर्कमा आएका छैनन्। गत भदौ २३ र २४ गते भएको कैदीबन्दी आन्दोलनपछि उत्पन्न परिस्थितिको फाइदा उठाउँदै भदौ २६ गते बिहान कारागारबाट भागेकामध्ये ३० महिला र १५० पुरुष अझै फरार छन्।
