गोरखापत्र अनलाइन
सवारी दुर्घटनामा दुई जना गम्भीर घाइते
उदयपुरको चौदण्डीगढी नगरपालिका–४ बर्खेडाँडा चोकस्थित मदन भण्डारी लोकमार्गमा शुक्रबार बिहान सवारी दुर्घटना हुँदा दुई जना गम्भीर घाइते भएका छन् ।
कर्णाली नदीमा डुङ्गा पल्टिँदा बाबुछोरा बेपत्ता
अछामको तुर्माखाँद गाउँपालिका–३ भैरवस्थानस्थित राहाबल्दे नजिक कर्णाली नदीमा डुङ्गा पल्टिँदा बाबुछोरा बेपत्ता भएका छन् ।
पाँच वटा कक्षा एक शिक्षकका भरमा
हुम्लाको सदरमुकाम सिमकोटस्थित सिमकोट गाउँपालिका–६ को मानसरोवर माध्यमिक विद्यालयको प्राथमिक तह (कक्षा १–५) अहिले एक जना शिक्षकका भरमा सञ्चालन भइरहेको छ । चालु शैक्षिक सत्रदेखि यो विद्यालयले कक्षा १ देखि ५ सम्मको पठनपाठनका लागि स्वीकृति पाएको हो तर शिक्षकको आवश्यक व्यवस्था नगरी गाउँपालिकाले कक्षा सञ्चालनको अनुमति दिँदा विद्यालयमा अहिले पठनपाठनमा समस्या देखिएको छ ।
कानुनका विद्यार्थीलाई पालिकामा ‘इन्टर्न’
कर्णाली प्रदेश सरकारले न्याय सम्पादनलाई प्रभावकारी बनाउन नयाँ कार्यक्रम अघि सारेको छ । कानुनको अध्ययन पूरा गरेका विद्यार्थीलाई स्थानीय तहका न्यायिक समितिमा ‘इन्टर्न’ का रूपमा खटाउने कार्यलाई प्रदेश सरकारले तीव्रता दिएको हो ।
सुनसरीमा दुर्घटना, बाढी–डुबान र आपराधिक गतिविधिले वर्षभरि चुनौती
अघिल्लो वर्ष सवारी दुर्घटना, बाढी, पहिरो र डुबानले सुनसरी जिल्लाले बहुआयामिक चुनौती झेल्नु परेको थियो । पूर्व–पश्चिम राजमार्ग तथा सहायक सडकहरूमा भएका दुर्घटनामा कैयौँले ज्यान गुमाए भने दर्जनौँ घाइते भए ।
भारत सहयोगमा भिमगिठे स्वास्थ्य चौकी निर्माण सुरु
भारत सरकारको सहयोगमा बागलुङको बडिगाड गाउँपालिका स्थित भिमगिठे स्वास्थ्य चौकीको भवन शिलान्यास गरिएको छ ।
सप्तकोसी किनार आन्तरिक पर्यटकको आकर्षक गन्तव्य बन्दै
सप्तकोसी नदी किनार क्षेत्र आन्तरिक पर्यटकको प्रमुख गन्तव्य बन्दै गएको छ । सप्तकोसी नदीको पूर्वी तटबन्ध क्षेत्र पछिल्लो समय पर्यटकको रोजाइमा पर्न थालेको हो ।
चुनौतीका चाङमाथि सुरतको ह्विलचेयर
घर बनाउन काठका धुरीखाँबा गाडिएका छन् । केही काठ भुइँमै छन् । जस्ताले छाएको छाप्रोको भित्ता छैन । त्यहीँनेर सानो घुम्ती छ । त्यसभित्र थोरै किराना पसलका सामान छन् । बाहिर ४२ वर्षका सुरत लोहार ह्विलचेयरमा बसिरहनुहुन्छ । छ वर्षअघि भारतमा रोजगारी गर्दा टीकापुर नगरपालिका–२, राजीपुरका सुरत लुहारका दुवै खुट्टा गाडीमा च्यापिएपछि काटेरै फ्याक्नुपर्ने अवस्था आयो । आठ लाख रुपियाँ खर्चेर एक वर्ष उपचार गरेपछि घर फर्किनुभएका सुरतलाई देश परदेशमा रहेका साथीहरूले ३५ हजार रुपियाँको सामान र १३ हजार रुपियाँ नगद दिएपछि घुम्ती पसल सुरु गर्नुभएको थियो ।
कोठा अभावले कैलाश–४ वडा कार्यालयको सेवा प्रभावित
मकवानपुरको विकट कैलाश गाउँपालिका–४ मा पर्याप्त तथा व्यवस्थित भवन नहुँदा वडा कार्यालयको सेवा प्रवाह प्रभावित भएको छ ।
दुर्गमका सुत्केरीको सेवामा सरिताकुमारी
जिल्लाको पश्चिमी भेगमा पर्ने सोरू गाउँपालिका–४ की स्वास्थ्यकर्मी सरिताकुमारी शाही गरिब तथा विपन्न वर्गका सुत्केरीको सेवामा समर्पित हुँदै आउनुभएको छ । उहाँ टोल टोलमै पुगेर सुत्केरीको सेवा गरेको देखेर स्थानीयवासी पनि दङ्ग छन् । सोरू गाउँपालिकाका स्वास्थ्य शाखाका प्रमुख चित्र धामीका अनुसार भौगोलि
वन व्यवस्थापन कमजोर
बैतडीबाट विभिन्न औषधी तथा औद्योगिक प्रयोजनमा प्रयोग हुने करिब १० प्रकारका महत्वपूर्ण जडीबुटी निर्यात हुँदै आएको छ । बैतडीबाट लोक्ता (नेपाली कागज उत्पादनमा प्रयोग हुने), चुत्रो (स्थानीय भाषामा कृमडा), चिराइतो, तेजपत्ता, पाषाणभेद, सुगन्धवाल, तितेपाती, टिमुरलगायतका जडीबुटी निर्यात हुने गरेका छन् । बैतडीमा ३७५ वटा सामुदायिक वन र १७४ कबुलियत वन र ग्वालेक्ककेदार प्रस्तावित वन र सिगास प्रस्तावित वनसमेत गरेर ५४९ कायम गरिएका भए पनि तिनको नवीकरण तथा व्यवस्थापन प्रक्रिया भने प्रभावकारी देखिएको छैन । बैतडीमा करिब ४५ हजार ३२५.८ हेक्टर वन क्षेत्र रहेको छ ।
करोडौँका संरचना प्रयोगविहीन
करोडौँ रुपियाँ खर्च गरेर निर्माण गरिएका सरकारी भवन र संरचना प्रयोगविहीन अवस्थामा छन् । सब (इलाका सेवा कार्यालय) सेन्टरका भवन, मनोरञ्जन पार्क, सामुदायिक भवन, विभिन्न स्मृति नामका भवन र तरकारी सङ्कलन गर्न बनाइएको चिस्यान केन्द्रसमेत अलपत्र अवस्थामा छन् ।
जानकीका अतिविपन्न परिवारलाई उन्नत जातका बाख्रा वितरण
बाँकेको जानकी गाउँपालिकाले विपन्न परिवारलाई लक्षित गरी आयआर्जन वृद्धिका लागि उन्नत जातका बाख्रा वितरण गरेको छ ।
सञ्चारमन्त्रीद्वारा मुद्रण केन्द्र निरीक्षण, २४ घण्टामा लाइसेन्स छपाइ सुरु
सञ्चार तथा सूचना प्रविधिमन्त्री डा. बिक्रम तिमिल्सिनाले काभ्रेको पनौती नगरपालिका–५ स्थित सुरक्षण मुद्रण केन्द्र पुगेर सवारी चालक अनुमतिपत्र (लाइसेन्स) छपाइको पछिल्लो अवस्थाबारे स्थलगत जानकारी लिनुभएको छ ।
सुविधा सम्पन्न अस्पताल भवन निर्माणले गति लियो
स्याङ्जाको हरिनास गाउँपालिकामा १५ शय्याको अस्पताल भवन निर्माणले गति लिएको छ । गाउँमा नै सुविधा सम्पन्न अस्पताल भवन निर्माण हुँदा आफ्नै ठाउँमा स्वास्थ्य सेवा पाउनेमा हरिनास क्षेत्रका स्थानीय आशावादी भएका छन् ।
.jpg)