गोरखापत्र अनलाइन
-original-thumb.jpg)
रोबोट र एआईले बदलिदिएको चीनको १५ औँ राष्ट्रिय खेलकुद
चीनको १५औँ राष्ट्रिय खेलकुद प्रतियोगितामा अहिले अत्याधुनिक प्रविधिको प्रदर्शन हुँदैछ । रोबोटले खेलाडीलाई मेडल प्रदान गर्दै दर्शकको ध्यान तानेका छन् । प्रविधिको शहरका रूपमा चिनिने शेन्जेनमा रोबोटले पोडियमसम्म पदक पुर्याउँदा दर्शक उत्साहित हुँदै तस्बिर खिचिरहेका छन् ।
जेन-जेडको उभारसँगै ‘वन पिस’को स्ट्राह्याट झण्डा मेक्सिकन प्रतिरोधको प्रतीक
मेक्सिकोमा बढ्दो अपराध, भ्रष्टाचार र दण्डहीनताविरुद्ध जेन-जेडले नेतृत्व गरेको आन्दोलन तातेसँगै राजधानीका सडकहरूमा एउटा अनौठो तर शक्तिशाली प्रतीक देखिन थाल्यो-परालको टोपी लगाएको खोपडी अङ्कित ‘वन पिस’ मङ्गा झण्डा । प्रारम्भमा कार्टुन झण्डा र राजनीतिक आन्दोलनबिचको मेल अस्वाभाविक लागे पनि युवाका लागि यो प्रतीकले गहिरो अर्थ बोकेको मानिन्छ ।
-original-thumb.jpg)
न्यूजिल्यान्डमा वार्षिक खाद्य मूल्य ४.७ प्रतिशतले बढ्यो
न्यूजिल्यान्डमा अक्टोबर सन् २०२५ सम्म वार्षिक खाद्य मूल्य ४.७ प्रतिशतले बढेको छ, जुन सेप्टेम्बर २०२५ को ४.१ प्रतिशतभन्दा बढी रहेको राष्ट्रिय तथ्यांक विभागले सोमबार जनाएको छ ।
-original-thumb.jpg)
ट्रम्पद्वारा भेनेजुएलाका राष्ट्रपति मदुरोसँग सम्भावित वार्ताको सङ्केत
अमेरिकी राष्ट्रपति डोनाल्ड ट्रम्पले आइतबार भेनेजुएलाका समकक्षी निकोलस मदुरोसँग निकट भविष्यमा वार्ता हुन सक्ने सङ्केत दिनुभएको छ ।
नागरिक समाज ‘तेस्रो शक्ति’ र ‘सेतु’ : प्रधानमन्त्री कार्की
प्रधानमन्त्री सुशीला कार्कीले प्रतिनिधिसभा निर्वाचनलाई सुनिश्चित गर्न सरकारले ठोस पहल अघि बढाइरहेको बताउँदै नागरिक समाजका अगुवा तथा प्रतिनिधिहरूको भूमिका महत्वपूर्ण रहेको बताउनु भएको छ।
‘जेनजी’ आन्दोलनका नाममा तोडफोड र आगजनीमा संलग्नलाई कारबाहीको माग
नेकपा (एमाले) जिल्ला कमिटी बाँकेले ‘जेनजी’का नाममा कात्तिक २३ र २४ गते बाँकेमा भएको तोडफोड, आगजनी र सार्वजनिक सम्पत्तिमा आक्रमणका घटनामा संलग्न समूहलाई तत्काल कानुनी कारबाही गर्न जिल्ला प्रशासनसँग माग गरेको छ ।
प्रधानमन्त्री कार्कीले गर्नुभयो एनपिएलको उद्घाटन
प्रधानमन्त्री सुशीला कार्कीले दोस्रो संस्करणको सिद्धार्थ बैँक नेपाल प्रिमियर लिग (एनपिएल) को उद्घाटन गर्नुभएको छ ।
एनपिएल क्रिकेटको दोस्रो संस्करण सुरु
सिद्धार्थ बैँक नेपाल प्रिमियर लिग (एनपिएल) क्रिकेटको दोस्रो संस्करणमा सोमबार काठमाडौँ गोर्खाजले टस जितेर बलिङ रोजेको छ ।
बङ्गलादेशका ५ देखि १७ वर्षका बालबालिकामध्ये ९.२ प्रतिशत श्रममा संलग्न
नयाँ अध्ययनले बङ्गलादेशमा ५ देखि १७ वर्ष उमेरका बालबालिकामध्ये ९.२ प्रतिशतले कुनै न कुनै प्रकारको श्रममा संलग्न रहेको तथ्य पत्ता लागेको छ ।
अधिकारीलाई डिआइजी बढुवाका लागि सिफारिस
नेपाल प्रहरीले जनपदतर्फका प्रहरी वरिष्ठ उपरीक्षक (एसएसपी) विश्व अधिकारीलाई प्रहरी नायब महानिरीक्षक (डिआइजी) पदमा बढुवा गर्न सिफारिस गरेको छ ।
अस्ट्रेलियाद्वारा टर्कीसँग संयुक्त राष्ट्र जलवायु शिखर सम्मेलन सह-आयोजनाको प्रस्ताव अस्वीकार
अस्ट्रेलियाले आगामी वर्ष आयोजना हुने संयुक्त राष्ट्रसङ्घीय जलवायु शिखर सम्मेलन (कोप-३१) का लागि टर्कीद्वारा गरिएको सह-आयोजनाको प्रस्ताव सोमबार अस्वीकार गरेको छ ।
पूर्वप्रधानमन्त्री शेख हसिनालाई ‘मानवता विरुद्धको अपराध’मा मृत्युदण्ड सजाय
बङ्गलादेशको एक विशेष अदालतले अपदस्थ पूर्वप्रधानमन्त्री शेख हसिनालाई सन् २०२४ को जुलाई-अगस्ट विद्यार्थी विद्रोहका क्रममा ‘मानवता विरुद्धका अपराध’ गरेको ठहर गर्दै मृत्युदण्डको सजाय सुनाएको छ ।
समय अगावै जन्मिएका शिशुको एक महिनाभित्र आँखा परीक्षण गराउन चिकित्सकको सुझाव
काठमाडौँ, मङ्सिर १ गते । समय नपुगी जन्मिएका शिशुको एक महिनाभित्र अनिवार्य परीक्षण गराउ चिकित्सकले आग्रह गरेका छन् । वल्ड प्रिम्याचुरिटी डेको अवसरमा आँखा रोग विशेषज्ञ (मेडिकल रेटिना कन्सलटेन्ट) डा. एली प्रधान रञ्जितकारले यस्तो आग्रह गर्नुभएको हो । समय अगावै जन्मिएका नवजात शिशुको आँखामा समस्या हुन सक्ने भएकाले उहाँले यस्तो आग्रह गर्नुभएको हो । उहाँले समयपूर्व जन्मिएका शिशुका लागि २८ दिनभित्र आँखाको परीक्षण अनिवार्य रहेको बताउँदै समयमा गरिने उपचारले दृष्टिविहीन हुनबाट जोगिन सक्ने बताउनुभयो । उहाँले भन्नुभयो, “ समय अगावै जन्मिएका शिशुमा ‘रेटिनोप्याथी अफ प्रिम्यच्युरिटी’(आरओपी) जस्ता गम्भीर आँखा रोगको जोखिम उच्च हुने हुँदा भर्खरै जन्मिएको नवजात शिशुको आँखा परीक्षण अनिवार्य गर्नुपर्छ । परीक्षण नगराउँदा जोखिम बढ्दै जान्छ ।”नौ महिना पुग्नुअघि नै कुनै शिशु जन्मेको छ त्यो बच्चाको आँखाको पर्दामा समस्या देखिन सक्ने बाल आँखा रोग विशेषज्ञ डा.सिर्जना अधिकारी बताउनुहुन्छ । उहाँले भन्नुभयो, “ यस्ता बच्चाका आँखाको पर्दामा रगत जम्ने गर्छ यदि समयमा उपचार पाएन भने आँखाको पर्दा र रगतको नशा च्यातिएर बच्चा अन्धो पनि हुन सक्छ । त्यसैले त्यस्ता शिशुलाई एक महिनाभित्र आँखा विशेषज्ञलाई भेटेर परीक्षण गराइहाल्नुपर्छ ।”डा.प्रधानका अनुसार विश्वभर प्रत्येक १० मध्ये एक शिशु समय अगावै जन्मिन्छन् र नेपालमा यीमध्ये ३० प्रतिशत शिशुमा आरओपी भएको पाइन्छ । उहाँले ३४ हप्ता अगावै जन्मिएका, दुई किलोभन्दा कम तौल भएका, नवजात शिशु सघन उपचार कक्ष (एनआइसियू) मा धेरै दिन भर्ना गरेर राखेमा आँखाको समस्या हुन सक्ने जानकारी दिनुभयो ।
मदीना नजिकै तीर्थयात्री बस दुर्घटनाः भारतीय नागरिक संलग्न, प्रधानमन्त्री मोदीद्वारा शोक व्यक्त
साउदी अरबस्थित भारतीय दूतावासले पवित्र सहर मदीना नजिकै मुस्लिम तीर्थयात्री सवार बस दुर्घटना भएको पुष्टि गरेको छ । घटनापछि भारतका प्रधानमन्त्री नरेन्द्र मोदीले गहिरो शोक व्यक्त गर्दै प्रभावित परिवारप्रति समवेदना प्रकट गर्नु भएको छ ।
संयुक्त राज्य अमेरिका र दक्षिण कोरियाद्वारा संयुक्त साइबर सुरक्षा अभ्यास सुरु
सयुक्त राज्य अमेरिका र दक्षिण कोरियाले सम्भावित साइबर सुरक्षा खतराविरुद्ध आफ्नो संयुक्त तयारी बलियो बनाउन सोमबारदेखि संयुक्त साइबर सुरक्षा अभ्यास सुरु गरेको जनाइएको छ ।
