खानेपानी मन्त्रालयका लागि करिब ३४ अर्ब बजेट
आगामी आर्थिक वर्ष २०८२/८३ का लागि सरकारले खानेपानी मन्त्रालयका लागि करिब रु ३४ अर्ब बजेट विनियोजन गरिएको छ । सङ्घीय संसद्को संयुक्त बैठकमा उपप्रधान तथा अर्थमन्त्री विष्णुप्रसाद पौडेलले आगामी आवका लागि बजेट प्रस्तुत गर्दै खानेपानी मन्त्रालयका लागि रु ३३ अर्ब ८९ करोड विनियोजन गरेको बताउनुभयो ।
पिएम एनभिए कप : महिलातर्फ पुलिसलाई उपाधि
नेपाल पुलिस क्लबले नवौँ पिएम कप एनभिए लिगको महिलातर्फको उपाधि जितेको छ । फाइनलमा पुलिसले न्यु डायमन्ड स्पोर्टस् क्लबलाई ३–१ को सेटमा हरायो ।
महिला, बालबालिका तथा ज्येष्ठ नागरिक मन्त्रालयका लागि दुई अर्ब आठ करोड बजेट
सरकारले आगामी आर्थिक वर्षका लागि महिला, बालबालिका तथा ज्येष्ठ नागरिक मन्त्रालयका लागि दुई अर्ब आठ करोड बजेट विनियोजन गरेको छ ।
चितुवा नियन्त्रण गर्न हात्ती परिचालन
बुधबार बिहान बालिकालाई आक्रमण गरी मार्ने चितुवा खोज्नका लागि गुलरिया नगरपालिका वडा ५ बालापुरमा हात्ती परिचालन गरिएको छ ।
सञ्चार मन्त्रालयका लागि सात अर्ब ७२ करोड विनियोजन
सञ्चार तथा सूचना प्रविधि मन्त्रालयका लागि सात अर्ब ७२ करोड रुपियाँ विनियोजन गरिएको छ । आर्थिक वर्ष २०८२/०८३ को बजेट भाषणका क्रममा उपप्रधानमन्त्री एवम् अर्थमन्त्री विष्णुप्रसाद पौडेलले यस्तो बताउनुभएको हो ।
क्रिकेटर पूजा महतो सर्लाहीमा सम्मानित
नेपाली महिला राष्ट्रिय क्रिकेट टिमकी उपकप्तान पूजा महतोलाई बिहीबार सर्लाहीको चन्द्रनगर गाउँपालिकाले नगदसहित सम्मान गरेको छ ।
आगामी आवका लागि छ प्रतिशतको आर्थिक वृद्धिको लक्ष्य
सरकारले आगामी आर्थिक वर्ष २०८२/८३ मा छ प्रतिशतको आर्थिक वृद्धिदर हासिल गर्ने लक्ष्य राखेको छ ।
नेपाललाई सुरक्षित र आकर्षक पर्यटकीय गन्तव्यका रूपमा ‘ब्राण्डिङ’ गरिने
सरकारले मुलुकलाई सुरक्षित र आकर्षक पर्यटकीय गन्तव्यका रूपमा ब्राण्डिङ गर्ने भएको छ । सङ्घीय संसद्को संयुक्त बैठकमा आज उपप्रधानमन्त्री एवम् अर्थमन्त्री विष्णुप्रसाद पौडेलले प्रस्तुत गर्नुभएको आगामी आर्थिक वर्ष २०८२/८३ को बजेटमा पूर्वाधारको विकास, गुणस्तरीय सेवा विस्तार र बजारीकरणको माध्यमबाट नेपाललाई आकर्षक गन्तव्यका रूपमा ब्राण्डिङ गरिने घोषणा गर्नुभयो ।
१९ खर्ब ६४ अर्ब ११ करोडको बजेट सार्वजनिक (पूर्णपाठ)
सरकारले आगामी आर्थिक वर्ष २०८२/८३ का लागि १९ खर्ब ६४ अर्ब ११ करोडको बजेट ल्याएको छ। उपप्रधान तथा अर्थमन्त्री विष्णुप्रसाद पौडेलले आज सङ्घीय संसद्को संयुक्त बैठकमा आगामी आर्थिक वर्षको आय–व्ययको अनुमान पेस गर्नुभएको हो।
काठमाडौंमा खानेपानी विस्तारका लागि ६ अर्ब ३७ करोड
काठमाडौं उपत्यकामा खानेपानी विस्तारका लागि ६ अर्ब ३७ करोड विनियोजन गरिएको छ ।
सहरी विकास मन्त्रालयका लागि एक खर्ब १८ अर्ब ३४ करोड
सहरी विकास मन्त्रालयको लागि एक खर्ब १८ अर्ब ३४ करोड विनियोजन गरिएको छ ।
सामाजिक स्वास्थ्य सुरक्षा कार्यक्रम सञ्चालन गर्न १३ अर्ब ८२ करोड बजेट विनियोजन
सामाजिक स्वास्थ्य सुरक्षा कार्यक्रम सञ्चालन गर्न सरकारले १३ अर्ब ८२ करोड बजेट विनियोजन गरेको छ।
श्रम र रोजगार क्षेत्रको बजेट झण्डै आधाले घट्यो
सरकारले श्रम, रोजगार तथा सामाजिक सुरक्षा मन्त्रालयका लागि बजेट घटाएको छ । चालु आर्थिक वर्षको तुलनामा आगामी आर्थिक वर्ष २०८२/८३ का लागि बजेट झण्डै आधाले घटाइएको हो ।
कर्मचारीको तलब वृद्धि भएन, महँगी भत्ता ५ हजार
आर्थिक वर्ष २०८२–८३ को बजेटमा कर्मचारीको तलब वृद्धि भएन । महँगी भत्ता भने तीन हजार रुपियाँले वृद्धि गरी पाँच हजार रुपियाँ बनाइएको छ ।
आधारभूत अस्पताल सञ्चालन गर्न ११ अर्ब २४ करोड बजेट
सरकारले निर्माण सम्पन्न आधारभूत अस्पताल सञ्चालन गर्न ११ अर्ब २४ करोड बजेट विनियोजन गरेको छ।
उपत्यकाको कोरिडोर विकासका लागि तीन अर्ब ४२ करोड
काठमाडौं उपत्यकाभित्रका कोरिडोर विकास गर्दै लगिने तथा यसका लागि तीन अर्ब ४२ करोड रकम विनियोजन गरिएको छ ।
ऊर्जा मन्त्रालयका लागि ८६ अर्ब एक करोड
ऊर्जा तथा सिँचाइ मन्त्रालयका लागि ८६ अर्ब एक करोड विनियोजन गरिएको छ । अर्थमन्त्री विष्णु पौडेलले आगामी आर्थिक वर्ष २०८२-८३ को बजेट सार्वजनिक गर्नुहुँदै सो जानकारी दिनुभयो ।
भौतिक मन्त्रालयका लागि १ खर्ब ५२ अर्ब विनियोजन
सरकारले भौतिक मन्त्रालयका लागि १ खर्ब ५२ अर्ब विनियोजन गरेको छ ।
भैरहवा र पोखरा विमानस्थलबाट निश्चित सङ्ख्यामा उडान सञ्चालन गर्न सहुलियत
सरकारले नेपालमा अन्तर्राष्ट्रिय हवाई सेवा सञ्चालन गरिरहेका वायुसेवा कम्पनीहरूलाई भैरहवा र पोखरा विमानस्थलबाट निश्चित सङ्ख्यामा उडान सञ्चालन गर्न सहुलियत दिने भएको छ ।
दिगो आर्थिक वृद्धिमार्फत गरिबी निवारण बजेटको उद्देश्य
सरकारले उच्च दिगो एवम् फराकिलो आर्थिक वृद्धि हासिल गरी गरिबी निवारण गर्ने उद्देश्य लिएको छ । सङ्घीय संसद्को संयुक्त बैठकमा बिहीबार आगामी आर्थिक वर्ष २०८२/०८३ को राजस्व र व्ययको वार्षिक अनुमान (बजेट) प्रस्तुत गर्दै उपप्रधानमन्त्री एवम् अर्थमन्त्री विष्णुप्रसाद पौडेलले उद्यमशीलता विकास र सार्वजनिक तथा निजी लगानी विस्तार गरी रोजगारी सिर्जना गरिने बताउनुभयो ।
विद्युत क्षमता चार हजार आठ सय मेगावाट पुर्याइने
सरकाले आर्थिक वर्ष २०८२-८३ मा सम्पन्न हुने जलविद्युत आयोजनाबाट थप ९४२ मेगावाट विद्युत उत्पादन भई कुल जडित क्षमता चार हजार आठ सय मेगावट पुर्याउने भएकाे छ।
आँबुखैरेनी-पोखरा सडक स्तरोन्नति गर्न ८ अर्ब ५२ करोड
सरकारले आँबुखैरेनी-पोखरा सडक स्तरोन्नति गर्न ८ अर्ब ५२ करोड विनियोजन गरेको छ ।
मेडिकल कलेज निर्माण कार्य अगाडि बढाउन ५६ करोड विनियोजन
काठमाडौँ, जेठ १५ गते। सरकारले निर्माणाधीन तथा प्रस्तावित मेडिकल कलेज निर्माण कार्य अगाडि बढाउन ५६ करोड रकम विनियोजन गरेको छ। सङ्घीय संसद्को संयुक्त बैठकमा आगामी आर्थिक वर्ष २०८२ र ८३ को बजेट भाषण गर्दै अर्थमन्त्री विष्णुप्रसाद पौडेलले निर्माणाधीन तथा प्रस्तावित मेडिकल कलेज निर्माण कार्य अगाडि बढाउन ५६ करोड विनियोजन बजेट विनियोजन गरेको जानकारी दिनुभयो। उहाँले बुटवल, सुर्खेत, डडेलधुरामा निर्माणाधीन प्रस्तावित कलेजको पूर्वधार निमार्ण कार्य अगाडि बढाउन ५६ करोड बजेट विनियोजन गरेको जानकारी दिनुभएको हो। मेडिकल शिक्षामा उपलब्ध गराउँदै आएको छात्रवृतिलाई गरिब जेहेनदार र अतिदुर्गमका विद्यार्थी लक्षित बनाउने उहाँको भनाइ छ।
प्रदेश र स्थानीय तहलाई पाँच खर्ब ८२ अर्ब विनियोजन
आगामी आर्थिक वर्ष २०८२/८३ का लागि सङ्घ सरकारले प्रदेश र स्थानीय तहलाई वित्तीय हस्तान्तरणमार्फत् पाँच खर्ब ८२ अर्ब ८३ पठाउने भएको छ ।
नेपालमा ‘पोड वे’ यातायात सुरु गरिने
नेपाल सरकारले पोड वे सेवालाई अगाडि बढाउने भएको छ । अर्थमन्त्री विष्णुप्रसाद पौडेलले आर्थिक वर्ष २०८२÷०८३ को वार्षिक बजेट प्रस्तुत गर्दै सो जानकारी दिनु भएको हो ।
