भेरी–बबई डाइभर्सन आयोजना सकिन तीन वर्ष लाग्ने, ५६ प्रतिशत काम सम्पन्न
राष्ट्रिय गौरवको आयोजना अन्तर्गत रहेको भेरी–बबई डाइभर्सन आयोजनाको निर्माण सक्न अझै तीन वर्ष लाग्ने देखिएको छ । याे आयोजनाको हालसम्म समष्टिगत भौतिक प्रगति ५६ प्रतिशत भएको छ ।
आँगनमै खानेपानी पाउँदा भुरचौरबासीलाई राहत
जाजरकोटको भेरी नगरपालिका १० भुरचौरबासी लिप्टबाट घरआँगनमै खानेपानी आएपछि खुसी भएका छन् । गत वर्षदेखि सञ्चालित लिप्ट खानेपानी आयोजनाको पानी घर आँगनमै पाउँदा भुरचौरबासी खुसी भएका हुन् ।
कर्णाली र सुदूरपश्चिम जोड्ने पुल सञ्चालन हुने
सुर्खेतको पञ्चपुरी नगरपालिका ११ कुइने र कैलालीको मोहन्याल जोड्ने कर्णाली नदीमा पक्की पुल निर्माण अन्तिम चरणमा पुगेको छ । ३३ करोड लागतमा निर्माण भइरहेको पुलको काम अन्तिम चरणमा पुगेपछि सुदूरपश्चिम र कर्णाली प्रदेशसँग छोटो दुरीको सडक सञ्जालमा जोडिएको हो ।
सातवटा कुकुरले टोक्दा एक कर्मचारीको अवस्था गम्भीर
जिल्ला समन्वय समितिमा कार्यरत कार्यालय सहयोगीलाई मङ्गलबार बिहान सात वटा भन्दा बढी कुकुरले टोक्दा उहाँको अवस्था गम्भीर भएको छ । खेतीपाती गोडमेल गर्न जानेक्रममा कुकुरले टोक्दा सिमकोट गाउँपालिका–५ की सप्पा रावत घाईते हुनुभएको हो ।
इखेनीका नागरिकहरुको निःशुल्क स्वास्थ्य जाँच
सुर्खेतको बराहताल गाउँपालिका ६ को इखेनीमा अल्ट्रा साउण्डसहितको निःशुल्क स्वास्थ परीक्षण शिविर सम्पन्न भएको छ । गरिवी, अशिक्षा र वेरोजगारी समस्याबाट ग्रसित इखेनीका नागरिक अस्वस्थ खानपानका कारण स्वास्थ्य समस्यामा परेको थाहा पाएपछि सुर्खेत महिला जेसिजले स्वास्थ्य शिविरको आयोजना गरेको हो ।
हुुम्ला जिल्ला समन्वय समिति निर्वाचनमा सत्ता गठबन्धन निर्विरोध निर्वाचित
जिल्ला समन्वय समितिको निर्वाचनमा सत्ता गठबन्धन निर्विरोध निर्वाचित भएका छन् । सो निर्वाचनका लागि नेकपा एमालेलगायत अन्य दलका तर्फबाट उम्मेदवारी नपरेपछि निर्विरोध निर्वाचित भएको घोषणा गरिएको हो ।
मुगुमा खडेरी
जिल्लामा लामो समयदेखि पानी नपर्दा खडेरीले अन्नबालीदेखि फलफूलसम्म सुक्न थालेपछि किसान हरु चिन्तित भएका छन् ।
हुम्लामा फोरजी सञ्चालन
नेपाल टेलिकमले हुम्लामा फोरजी सेवा सञ्चालनमा ल्याएको छ । सिमकोट गाउँपालिका – ७ को ओख्रेनमा टावर निर्माण गरी सेवा सुचारू गरेको छ ।
अछामका पूर्वसभापति शाहीको निधन
अछाम जिल्लाका पूर्वसभापति रामबहादुर शाहीको निधन भएको छ । तुर्माखाँद गाउँपालिका ७ तोषि घर भइ हाल बर्दियाको दौलतपुरमा रहेका शाहीको ८२ वर्षको उमेरमा आइतबार राती निधन भएको हो ।
भिरबाट लडेर अस्मिताको मृत्यु
घर नजिकैको भिरबाट लडेर रुकुम पश्चिममा १७ वर्षीया एक किशोरीको मृत्यु भएको छ । जिल्लाको त्रिवेणी गाउँपालिका वडा नम्वर १ रुँघा निवासी अस्मिता चन्दको घर नजिकैको भिरबाट लडेर मृत्यु भएको हो ।
जिसस हुम्लामा गठबन्धनको उम्मेदवारी दर्ता
जिल्ला समन्वय समितिको निर्वाचनका लागि गठबन्धन दलहरुबाट सबै पदका लागि उम्मेदवारी परेको छ । निर्वाचनका लागि नेकपा (एमाले) लगायत अन्य दलका तर्फबाट उम्मेदवारी नपरेपछि गठबन्धनको एकल उम्मेदवारी परेको छ ।
वर्षदिनदेखि नागरिकस्तरबाट कमलदहको सरसफाइ हुँदै
एक वर्ष पहिलादेखि जिल्लाको महत्वपूर्ण पर्यटकीयस्थल कमलदहको नागरिकस्तरबाट सरसफाइ भइरहेको छ । रुकुमपूर्वको सिस्ने गाउँपालिका ५ मा रहेको कमलदहमा मानविय गतिविधिका कारण फोहोर बढ्दै गएपछि कमलदह आसपासका नागरिकले स्वतःस्फूर्त रुपमा कमलदह सफाइ अभियान चलाएका हुन् ।
-original-thumb.jpg)
जोखिमपूर्ण तुइन यात्रा, विद्यार्थी र सर्वसाधारण मर्कामा
सरकारले २०७२ सालमा तुईन बिस्थापन कार्यक्रम ल्याउँदा रुकुम पश्चिमका खिमबहादुर नेपालीलाई भेरी तर्न अब तुईनको जोखिमपूर्ण यात्रा गर्नु पर्दैन भन्ने लागेको थियो । आठबीसकोट नगरपालिका १४ निवासी नेपालीलाई सात बर्षसम्म पनि घर नजिकको तुईनबाट भेरी तर्नैपर्ने बाध्यता छ ।
वडाध्यक्षको मृत्यु
कुशे गाउँपालिका–७ का वडाध्यक्ष मनबहादुर घर्तीको मृत्यु भएको छ ।
जिप दुर्घटनामा चालक र सहचालकको मृत्यु
रुकुम पश्चिमको आठबीसकोट नगरपालिका– ११ गत्तसैनामा शनिबार बेलुका जिप दुर्घटना भएको छ । दुर्घटनामा चालक र सहचालकको घटनास्थलमै मृत्यु भएको बताइएको छ ।
बैंकबाट ऋण लिएर शेयर बजारमा लगानी नगर्नुस् : मुख्यमन्त्री शाही
कर्णाली प्रदेशका मुख्यमन्त्री जीवनबहादुर शाहीले बैंकबाट ऋण लिएर शेयर बजारमा लगानी नगर्न आग्रह गर्नुभएको छ ।
कुशे गाउँपालिका ७ का वडाध्यक्षको मृत्यु
जाजरकोटको कुशे गाउँपालिका वडा नं ७ वडाध्यक्ष मुनबहादुर घर्तीको मृत्यु भएको छ । आज ( शनिवार) विहान घरमै वडाध्यक्ष घर्तिको मृत्यु भएको हो परिवारिक स्रोतले जानकारी गराएको छ । कुशे गाउँपालिकाका अध्यक्ष हरिचन्द्र बस्नेतले आफ्नै घर कुशे ७ समाइलामा विहान एक्कासी टाउको दुःख्यो भनेर ओछ्यानमा पल्टिनुभएका घर्ति मृत अवस्थामा भेटिएको जानकारी दिनुभयो । मृत्युको कारण खुल्न सकेको छैन ।
जिसस प्रमुखमा गठबन्धनबाट शर्माको उम्मेदवारी घोषणा
जिल्ला समन्वय समितिमा हुने निर्वाचनमा तीन दलीय गठबन्धनले साझा उम्मेदवारी दिने निर्णय गरेको छ । जिसस निर्वाचनमा नेपाली काँग्रेस, नेकपा (माओवादी केन्द्र) र नेकपा एकीकृत समाजवादीबीच तालमेल भएपछि एकीकृत समाजवादीका शिबराज शर्माले प्रमुख पदका लागि उम्मेदवारी घोषणा गर्नुभएको छ ।
अभिभावकविहीन तीन बालकको बिचल्ली
कालीकोटमा बालबालिकाको क्षेत्रमा काम गरिरहेको देखाउने धेरै गैरसरकारी संस्था छन् । जिल्लाको रास्कोट नगरपालिका ४ का गुइया सार्कीको छ वर्षअघि मृत्यु भयो । दुई वर्षपछि उहाँकी श्रीमती आइतीले दोस्रो विवाह गरेर तीन सन्तान जन्माइन् । गुइया र आइतीबाट जन्मेका तीन बालक चार वर्षदेखि अबिभावक बिहिन छन् ।
'गुरिल्ला म्याराथन'को उपाधि दलबहादुर र मन्जुले लियो
रुकुम पूर्वमा भएको चौथो गुरिल्ला म्याराथन प्रतियोगिता उपाधि दलबहादुर कुँवरले हात पारेको छ । शुक्रबार सम्पन्न म्याराथनमा ६२ किलोमिटर तर्फ प्रथम हुँदै कुँवरले उपाधि हात पारेको हो ।
हिमालपारिको गाउँ लिमीलाई सङ्ग्रहालयमा विकास गरिँदै
उत्तरी नाम्खा गाउँपालिका–६ को हिमालपारीको गाउँ लिमी उपत्यकालाई सङ्ग्रहालयको रुपमा विकास गरिने भएको छ । गत बुधवार प्रदेश सभामा पेश भएको कर्णाली प्रदेश सरकारको बजेटमा चीनसँग सिमाना जोडिएको लिमी उपत्यकालाई पर्यटन प्रवद्र्धन गर्न तीन वटै गाउँलाई सङ्ग्राहलयका रुपमा बिकास गर्ने उल्लेख गरिएको हो ।
‘विश्वविद्यालय राजनीतिक प्रयोगशाला होइन’
कर्णाली प्रदेश सभाका सभामुख राजबहादुर शाहीले विश्वविद्यालयलाई राजनीतिक प्रयोगशालाका रूपमा स्थापित गर्न नहुने बताउनुभएको छ । सभामुख शाहीले मध्यपश्चिम विश्वविद्यालयको १२औँ वार्षिकोत्सवमा शुक्रबार आयोजित कार्यक्रममा ‘विश्वविद्यालयलाई राजनीतिक प्रयोगशाला’ बनाउन नहुने बताउनुभएको हो । उहाँले भन्नुभयो, “विश्वविद्यालय अनुसन्धान गर्ने थलो हो, विश्वविद्यालयमा राजनीति पढ्ने पढाउने काम हुन्छ ।”
जिसस निर्वाचनमा गठबन्धनले साझा उम्मेदवारी दिने
जिल्ला समन्वय समितिका पदाधिकारीहरुका हुने निर्वाचनमा तीन दलीय गठबन्धनले साझा उम्मेदवारी दिने निर्णयमा दलहरु पुुगेका छन् । नेपाली कांग्रेस, नेकपा (माओवादी केन्द्र) र नेकपा (एकीकृत समाजवादी) बीच तालमेल गरेर जिससको निर्वाचनमा जाने भएका हुन् ।
कालीकोटमा पानीको वितण्डा : सडक चिरा पर्दा खोलामा परिणत
कालीकोट समाचारदाताकालिकोट, असार ३ गते । मध्याह्नदेखि सधै पर्ने मुसलधारे वर्षाले कर्णाली लोकमार्गमा दैनिक अवरोध हुँदै आएको छ । भीषण वर्षाका कारणले लोकमार्गकाको विभिन्न खण्डमा सडक चिरा पारेर खोलामा परिणत हुँदा सडक अवरोध हुने गरेको हो । दैनिकको मुसलधारे वर्षाले सबैभन्दा बढी क्षति कर्णाली लोकमार्गको कालीकोट खण्डमा पुर्याएको छ । तर दैलेखमा पानी परेको छैन । जसोतसो सडक ठिकै छ । तर कालीकोटमा १५ दिन यता लगातार मध्याह्नबाट पर्ने मुसल्धारे वर्षाले सडकलाई निसाना बनाएको छ । मर्मत हुँदै गरेको सेरीघाट मान्म सडक खण्ड खोलामा परिणत हुँदा दैनिक आउजाउ गर्ने यात्रुलाई सास्ती भएको छ । दैनिक पानी बर्षिन्छ पहिरो आउँछ । स्र्काभेटरले पहिरो पन्छाउँछ र जान्छ । फेरि पहिरोले सडक पुर्ने र बाढीले खोला बनाउने हुँदा घन्टौं यात्रु सडकमा अलपत्र पर्ने गरेका छन् । बिहीबार साँझ पाँच बजेदेखि सात बजेसम्म आएको पानीले सेरीघाट वारीपारी, झाम्ला मोड, मेयर खोला, तल्लो माथिल्लो सुनारखोलामा पहिरो सँगैको बाढीले सडक अवरोध गर्दा १५ घण्टासम्म यात्रु सडकमै तड्पिए ।रातभरि स्काभेटरले पहिरो पन्छाउने र बाढीले चिरा पारेको सडकमा माटो भरेर गाडी चल्नेसम्मको सडक बनाउँदै बिहान उज्यालो भयो । अनि बल्ल केही यात्रुवाहक गाडीलाई गन्तब्यतर्फ पठाएको जिल्ला ट्राफिक कार्यालयले जनाएको छ । निमित कार्यालय प्रमुख दीपक बाेहोराले आफूहरु निरन्तर सडक खुलाउनतिर लागेको भन्दै साधन नभएर समस्या हुने गरेको सुनाउनुभयो । सधैं पहिरो पन्छाउन खटिने ट्राफिक प्रहरीका जवान लालबहादुर क्षेत्रीले सबैभन्दा बढी सुनारखोलाले दुःख दिने हुँदा यही खोलामा दीर्घकालीन योजना बनाएर सडक बनाउँदा समस्या समाधान हुने सुनाउनुभयो । सडकले एक स्काभेटर उपलब्ध गराएको छ । त्यही एक कता लिएर जाने, त्यही भएर पानीले वर्षेनी कालीकोट खण्डमा बढी क्षतष पुगाउने भएकाले यात्रुले दुःख पाउँदै आएको बोहोराको भनाइ छ । कर्णाली प्रदेशका मुख्यमन्त्री कालीकोटकै महेन्द्रबहादुर शाही हुँदासमेत सुनारखोला पहिरो नियन्त्रणका लागि धेरैले गुनासो गरे । हेलो सरकारमा समेत कुरा राखे तर उहाँले कुनै पनि बजेटको ब्यवस्थापन नगरेका कारण अहिले यस्तो भएको यहाँका नागरिकको गुनासो छ । रास्कोट अजविर फर्सालले आफू जहिले पनि मान्म आउँदा यही सडकमा दुःख पाउने गरेको सुनाउनुभयो । बिहीबार अवरोध सडकमा भेटिनुभएका फर्सालले धेरैपटक आफूले पनि तत्कालीन मुख्यमन्त्री महेन्द्रबहादुर शाहीको कार्यकक्षमा पुगेर मान्म लगायतका सडकका विषयमा कुरा गर्दा हुन्छ भन्नुभयो । तर कहीं पनि सुधार गर्न सक्नुभएन फर्सालले गुनासो गर्नुभयो । राष्ट्रिय स्तरका सञ्चारमाध्यममा पनि धेरै पटक समाचार प्रकाशन भए । तर तत्कालीन मुख्यमन्त्री शाहीले चासो नदिंदा सडक नबनेको उहाँकै कार्यकर्ताको भनाइ छ । उहाँले आफूले गर्ने होइन । कुनै मन्त्रालयलाई भनेको भए सडक मर्मत हुँदा यस्तो हुँदैनथ्यो । वर्षातको दोष एक हो भने पहिलो दोषी सरकार नै भएको कर्णाली लोकमार्गमा यात्रा गर्नेहरुको बुझाइ छ ।
मकैमा फौजी कीराको प्रकोप, किसानहरु चिन्तित
रुकुम पश्चिमको सानीभेरी गाउँपालिका क्षेत्रमा लगाइएका मकै खेतीमा फौजी कीराको प्रकोप देखिएको छ । मकैका बोटलाई फौजी किराले नष्ट गर्न थालेपछि किसानहरु चिन्तित बनेका छन् ।
