प्रतिनिधिसभामा प्रत्यक्षतर्फ अधिकांश नयाँ अनुहार
मुलुकको विशिष्ट परिस्थितिमा सम्पन्न प्रतिनिधिसभा सदस्य निर्वाचनमा पहिलो हुने निर्वाचित हुने ९प्रत्यक्ष० निर्वाचन प्रणालीतर्फ अधिकांश नयाँ अनुहार निर्वाचित भएका छन् ।
रूपन्देहीमा ६ लाख रुपियाँभन्दा बढी मूल्यका अवैध सामान बरामद
रूपन्देहीका विभिन्न स्थानबाट अवैध रूपमा भन्सार छली गरी ल्याइएका ६ लाख रुपियाँभन्दा बढी मूल्यका सामान प्रहरीले बरामद गरेको छ ।
रास्वपा रुकुम पश्चिमका सभापति शाहीको राजीनामा
राष्ट्रिय स्वतन्त्र पार्टी (रास्वपा) रुकुम पश्चिमका सभापति मानबहादुर शाहीले पदबाट राजीनामा दिनुभएको छ ।
निर्वाचनमा देउडा गायकको कमाइ राम्रो
यस पटकको प्रतिनिधिसभा सदस्य निर्वाचनमा हुम्लाका देउडा गायक कलाकारहरूको आम्दानी राम्रो भएको छ । निर्वाचनमा प्रतिस्पर्धी दलका उम्मेदवारहरूले प्रचारप्रसारका लागि देउडा कलाकारहरूलाई व्यापक रूपमा प्रयोग गरेपछि उनीहरूको कमाइ बढेको हो ।
श्रम संस्कृति बन्यो राष्ट्रिय पार्टी
प्रतिनिधिसभा सदस्य निर्वाचनमा श्रम संस्कृति पार्टीले प्रत्यक्षतर्फ तीन सिट जित्नुका साथै समानुपातिकतर्फ 'थ्रेसहोल्ड' कटाउँदै राष्ट्रिय पार्टी बन्न सफल भएको छ ।
बाँकेमा ४७ उम्मेदवारको जमानत जफत
प्रतिनिधिसभा सदस्य निर्वाचनमा बाँकेका तीनवटै निर्वाचन क्षेत्रमा प्रतिस्पर्धा गरेका ५६ उम्मेदवारमध्ये ४७ जनाको जमानत जफत भएको छ ।
सप्तरीमा तीन राष्ट्रिय अध्यक्ष पराजित
सम्पन्न प्रतिनिधिसभा सदस्य निर्वाचनमा सप्तरी जिल्लाबाट तीनवटा राजनीतिक दलका राष्ट्रिय अध्यक्ष पराजित भएका छन् । पराजित हुने तीनै जना मधेसकेन्द्रित दलका अध्यक्ष हुनुहुन्छ ।
धनुषाका तीन क्षेत्रमा रास्वपा र एकमा नेकपा विजयी
धनुषा जिल्लाका चार प्रतिनिधिसभा निर्वाचन क्षेत्रमध्ये तीन क्षेत्रमा राष्ट्रिय स्वतन्त्र पार्टी (रास्वपा) र एक क्षेत्रमा नेपाल कम्युनिस्ट पार्टी (नेकपा) का उम्मेदवार निर्वाचित भएका छन् ।
प्रधानमन्त्री मोदी र सभापति लामिछानेबीच टेलिफोन संवाद : विकास कूटनीतिलाई प्राथमिकता दिने रास्वपाको प्रतिबद्धता
भारतीय प्रधानमन्त्री नरेन्द्र मोदीले प्रतिनिधिसभाको हालै सम्पन्न निर्वाचनमा राष्ट्रिय स्वतन्त्र पार्टी (रास्वपा) ले प्राप्त गरेको सानदार जितका लागि सो पार्टीका सभापति रवि लामिछाने र वरिष्ठ नेता बालेन्द्र शाहलाई बधाई दिनुभएको छ ।
सप्तरीमा प्रत्यक्षतर्फ १९ हजार भन्दा बढी मतपत्र बदर
फागुन २१ गते सम्पन्न प्रतिनिधिसभा निर्वाचनमा सप्तरीमा प्रत्यक्षतर्फ झण्डै ७ प्रतिशत मत बदर भएको छ ।
कालीकोटमा रास्वपासहित ६ उम्मेदवारको धरौटी जफत
प्रतिनिधिसभा सदस्य निर्वाचन–२०८२ मा कालीकोट जिल्लाबाट प्रत्यक्षतर्फ प्रतिस्पर्धा गरेका राष्ट्रिय स्वतन्त्र पार्टी (रास्वपा) का उम्मेदवारसहित ६ जनाको धरौटी जफत भएको छ ।
सुनसरी–१ मा समानुपातिकतर्फ श्रम संस्कृति पार्टी पहिलो
सुनसरी निर्वाचन क्षेत्र नं. १ मा प्रतिनिधिसभा सदस्य निर्वाचनको समानुपातिकतर्फ पनि श्रम संस्कृति पार्टी नै पहिलो भएको छ ।
लमजुङमा समानुपातिकतर्फ रास्वपालाई दोब्बर मत
लमजुङमा प्रतिनिधिसभा सदस्य निर्वाचनअन्तर्गत समानुपातिकतर्फ राष्ट्रिय स्वतन्त्र पार्टी (रास्वपा) ले अन्य राजनीतिक दलको तुलनामा दोब्बरभन्दा बढी मत प्राप्त गरेको छ ।
प्रदेशसभाबाट राजीनामा दिएर चुनाव लडेका तीन पराजित
फागुन २१ गते सम्पन्न प्रतिनिधिसभा सदस्यको निर्वाचनका लागि लुम्बिनी प्रदेशसभा सदस्य रहेका विभिन्न दलका चारजना प्रदेशसभा सदस्यले राजीनामा दिएर चुनावमा होमिनुभएको थियो ।
सरकारले देशको समस्या पहिचान गर्नुपर्छ : डा. भण्डारी
नेपाली कांग्रेसका प्रभावशाली नेता डा. चन्द्र भण्डारीले अब बन्ने सरकारले देशको समस्या पहिचान गर्न जरुरी रहेको बताउनुभएको छ।
यसरी हुन्छ समानुपातिक सिट बाँडफाँट
सुविधाजनक संसदीय अङ्कगणितसहित राष्ट्रिय स्वतन्त्र पार्टी (रास्वपा) ले प्रतिनिधि सभा सदस्य निर्वाचनमा मत हासिल गरेको छ । प्रत्यक्षतर्फ १२५ सिटमा जित हासिल गरिसकेको रास्वपा समानुपातिकको जारी गणनामा पनि निकै अघि छ । रास्वपाले समानुपातिकमा सदर मतको झन्डै आधा मत पाएको छ । सोमबार साँझसम्म रास्वपाले कुल सदर मतको ४८ प्रतिशतभन्दा बढी मत होल्ड गरेको छ । अघिल्लो संसद्का ठुला दल नेपाली कांग्रेस, नेकपा (एमाले) लगायतका दलको उपस्थिति प्रतिनिधि सभामा यस पटक निकै कमजोर बनेको छ ।
जेनजी आन्दोलन छानबिन आयोगको निष्कर्ष,दोषी तत्कालीन नेतृत्व
गत भदौ २३ र २४ गते जेनजी आन्दोलनमा भएको मानवीय र भौतिक क्षतिबारे छानबिनका लागि गठित आयोगले उक्त घटनाको दोषी तत्कालीन नेतृत्व देखिएको ठहरसहित छानबिन प्रतिवेदन सरकारलाई बुझाएको छ । आयोगले तत्कालीन अवस्थामा सरकारको नेतृत्वमा रहेका व्यक्ति र फिल्डमा रहेका अधिकारीको गम्भीर त्रुटि औँल्याउँदै फौजदारी तथा कानुनी कारबाहीको सिफारिस गरेको छ ।
चिकित्सकलाई विधायकको जनादेश
प्रतिनिधि सभा निर्वाचन २०८२ मार्फत चिकित्सा पेसासँग आबद्ध व्यक्ति पनि संसद्मा पुग्ने हुने भएका छन् । विशेष गरी राष्ट्रिय स्वतन्त्र पार्टीबाट उम्मेदवारी दिएका चिकित्सा पेसासँग आबद्ध व्यक्ति निर्वाचित भएका हुन् ।
प्रत्यक्षतर्फ चौध जना महिला निर्वाचित
यस पटक प्रतिनिधि सभा निर्वाचनको प्रत्यक्षतर्फ जित हासिल गर्ने महिला राष्ट्रिय स्वतन्त्र पार्टीबाट धेरै छन् । गत २०७९ सालमा भएको निर्वाचनको तुलनामा समग्रमा हेर्दा यस पटक महिलाको राम्रो जित प्रत्यक्षमा देखए पनि नेकपा (एमाले) र नेकपालगायतका दलबाट महिला उम्मेदवारको जित शून्य रह्यो । जसले भावी प्रतिनिधि सभामा उक्त दलबाट प्रतिनिधित्व गर्ने महिलाको सङ्ख्या अति न्यून हुने सम्भावना बढेको छ । त्योबेला नौ जना मात्र महिला उम्मेदवारले प्रत्यक्षतर्फ जितेका थिए ।
सङ्खुवासभाबाट एमालेका अर्जुनकुमार कार्की निर्वाचित
सङ्खुवासभा प्रतिनिधिसभा सदस्य निर्वाचनमा नेपाल कम्युनिष्ट पार्टी (एमाले) का डा. अर्जुनकुमार कार्की विजयी हुनुभएको छ।
धनुषा–१ बाट नेकपाका यादव निर्वाचित
प्रतिनिधिसभा सदस्यको निर्वाचनमा धनुषा–१ बाट नेपाली कम्युनिष्ट पार्टीका मातृकाप्रसाद यादव निर्वाचित हुनुभएको छ । यादवले १० हजार ४२८ मत प्राप्त गर्नुभएको निर्वाचन आयोगले जनाएको छ ।
भारतीय प्रम मोदीद्वारा सभापति लामिछाने र वरिष्ठ नेता बालेनलाई बधाई
छिमेकी मुलुक भारतका प्रधानमन्त्री नरेन्द्र मोदीले राष्ट्रिय स्वतन्त्र पार्टी ९रास्वपा०का सभापति रवि लामिछाने र वरिष्ठ नेता बालेन्द्र शाह (बालेन)लाई बधाई तथा शुभकामना दिनुभएको छ ।
गृहमन्त्री अर्यालद्वारा काठमाडौँ प्रहरी परिसरको अनुगमन
गृहमन्त्री ओमप्रकाश अर्याल तथा गृह मन्त्रालयका उच्चस्तरीय अधिकारीसहितको टोलीले आज जिल्ला प्रहरी परिसर काठमाडौँको अनुगमन तथा निरीक्षण गरेको छ ।
काठमाडौँमै आठ हजार १९७ मत बदर
यही फागुन २१ गते सम्पन्न प्रतिनिधिसभा सदस्य निर्वाचनमा सबैभन्दा बढी साक्षरता दर रहेको काठमाडौँमा आठ हजार १९७ मत बदर भएको छ ।
कास्कीमा तीन दलबाहेक सबै उम्मेदवारको जमानत जफत
प्रतिनिधिसभामा तीन निर्वाचन क्षेत्र रहेको कास्कीका सबै क्षेत्रमा तीन दलबाहेक सबै उम्मेदवारको जमानत जफत भएको छ ।
