सुनसहित एक पक्राउ
प्रहरीले अवैध सुनसहित एक जनालाई पक्राउ गरेको छ । भारतबाट अवैधरुपमा नेपाल भित्र्याउँदै गरेको २८ लाख रुपियाँ बढीको सुनसहित प्रहरीले एक जनालाई पक्राउ गरेको हो ।
ताप्लेजुङमा वडाध्यक्षसहित १५ जना स्वतन्त्र निर्वाचित
ताप्लेजुङमा वैशाख ३० गते सम्पन्न स्थानीय तहको निर्वाचनबाट वडाध्यक्षसहित १५ जना स्वतन्त्र उम्मेदवार निर्वाचित भएका छन् । जिल्लामा कुल ३१९ जना जनप्रतिनिधि निर्वाचित भएकामध्ये १५ जना स्वतन्त्रतर्फका उम्मेदवार निर्वाचित भएका हुन् ।
ताप्लेजुङमा पाँचजना महिला उपाध्यक्षमा निर्वाचित
ताप्लेजुङमा विभिन्न दलका तर्फबाट उम्मेदवार बनेका पाँचजना महिला उपाध्यक्ष पदमा निर्वाचित हुनुभएको छ । यही बैशाख ३० गते सम्पन्न स्थानीय तहको निर्वाचनबाट उक्त सङ्ख्यामा महिला उपाध्यक्ष पदमा निर्वाचित हुनुभएको हो ।
धनकुटामा विरासत गुमाउँदै एमाले : सुधार्दै काँग्रेस र माओवादी
स्थानीय तह निर्वाचनको पछिल्लो मत परिणाम सार्वजनिक भएसँगै धनकुटा जिल्लामा नेकपा एमालेले आफ्नो विरासत गुमाएको छ ।
धरान उपमहानगरमा स्वतन्त्र उम्मेदवार साम्पाङ अगाडि
निशा राईधरान, जेठ ४ गते । धरान उपमहानगरपालिकामा हालसम्म २२ हजार ९७९ हजार मतगणना भएको छ । जसमा स्वतन्त्र उम्मेदवार हर्क साम्पाङ अगाडि हुनुहुन्छ । गणनाको शुरुवातदेखि गठबन्धनको अग्रता रहे पनि हाल गठबन्धनका प्रमुख पदका उम्मेदवार किशोर राईलाई पछि पार्दै स्वतन्त्रका हर्क साम्पाङले एमाले काँग्रेस लगायत सबै राजनीतिक दलका उम्मेदवारलाई स्वतन्त्र उम्मेदवारले चुनौती दिएका छन् ।पछिल्लो मत परिणाम अनुसार स्वतन्त्रका उम्मेदवार हर्क साङपाङले ८ हजार १४० मत प्राप्त गरेर अग्रस्थानमा रहनुभएको छ भने दोस्रोमा नेपाली काँग्रेसका उम्मेदवार किशोर राइको आठ हजार १२६ मत छ । तेस्रोमा एमालेका उम्मेदवार मञ्जु भण्डारीले छ हजार ७१३ मत प्राप्त गर्नुभएको छ । यसैगरी, उपप्रमुख पदमा गठबन्धनको उम्मेदवार अइन्द्रबिक्रम बेघाले नौ हजार १३६ मत प्राप्त गर्नुभएर गठबन्धनका अग्रता कायमै राख्नुभएको छ भने एमालेका उम्मेदार पदम इस्वोले आठ हजार ८५१ मत प्राप्त गर्नुभएको छ । हालसम्म ११ वटा वडाको मत परिणाम सार्वजनिक भइसकेको छ भने वडा नं २०, १९, ११ को मतगणना जारी रहेको निर्वाचन अधिकृतको कार्यालय धरानले जनाएको छ ।
सुनसरीको देवानगञ्जमा जसपाका मेहता, भोक्राहा नरसिंहमा काँग्रेसका आजाद
सुनसरीको १२ स्थानीय तह मध्ये देवानगञ्ज गाउँपालिकामा जनता समाजवादी पार्टीबाट अध्यक्षका उम्मेदवार बेचन प्रसाद मेहता र उपाध्यक्षमा नेपाली काँग्रंसका उम्मेदवार कुमारी विभा यादव विजयी हुनुभएको छ । जनता समाजवादी पार्टीका अध्यक्ष उम्मेदवार मेहताले ६ हजार ८७४ मत ल्याएर विजयी हुनुभएको छ भने उपाध्यक्षमा नेपाली काँग्रेसकी कुमारी विभा यादवले ६ हजार ११२ मत प्राप्त गरी विजयी हुनुभएको छ ।
बाह्रदशी गाउँपालिकामा एमालेका उम्मेदवार विजयी
विष्णुप्रसाद पोखरेलदमक, जेठ ४ गते । झापाको बाह्रदशी गाउँपालिकाको अध्यक्ष र उपाध्यक्षमा नेकपा (एमाले) का उम्मेद्वारहरु विजयी हुनुभएको छ । अध्यक्षमा देवेन्द्र चम्लागाई र उपाध्यक्षमा शान्ता खरेल निर्वाचित हुनुभएको हो । अघिल्लो स्थानीय निर्वाचनमा दुबै पद काँग्रेसले जितेको थियो ।एमालेले गाउँपालिकाको अध्यक्ष, उपाध्यक्षसहित वडा ६ मा प्यानलै जितेको छ । वडा १, २, ३, ७ काँग्रेस, ४ स्वतन्त्र र ५ नम्बर वडा राप्रपाले जितेको निर्वाचन अधिकृतको कार्यालय बाह्रदशीले जनाएको छ ।चम्लागाईले ७ हजार १४८ मत ल्याई अध्यक्ष पदमा विजयी बन्नुभयो । उहाँका निकटतम प्रतिस्पर्धी निवर्तमान अध्यक्ष काँग्रेसका खड्गप्रसाद राजवंशीले ४ हजार ३६१ मत ल्याउनुभएको छ । यसैगरी उपाध्यक्षमा एमालेकी शिवाकोटीले ६ हजार ६३६ मत ल्याई निर्वाचित बन्नुभयो । निकटतम प्रतिस्पर्धी राप्रपाकी कमला राजवंशीले ४ हजार १९५ मत पाउनुभयो ।
झापाको हल्दिबारीमा राप्रपाका रवीन्द्र लिङ्देन अध्यक्षमा निर्वाचित
विष्णुप्रसाद पोखरेलदमक, जेठ ४ गते । राप्रपाका अध्यक्ष राजेन्द्र लिङ्देनको आफ्नो पालिका झापाको हल्दिबारीमा राप्रपाले अध्यक्ष र उपाध्यक्षसहित पालिकामा बहुमत ल्याएको छ । गाउँपालिकाको अध्यक्ष रवीन्द्र लिङ्देन पुनः निर्वाचित हुनुभएको हो । उहाँ राप्रपाका अध्यक्ष राजेन्द्रप्रसाद लिङ्देनका आफ्नै भाइ हुनुहुन्छ । निर्वाचन अधिकृतको कार्यालय हल्दिबारीका अनुसार लिङ्देन ६ हजार ८५६ मत ल्याएर विजयी बन्नुभएको छ । निकटतम प्रतिस्पर्धी नेकपा (एमाले) का डम्बरबहादुर गिरीलाई २ हजार १९० मतान्तरले पराजित गर्नुभयो । गिरी निवर्तमान गाउँपालिका उपाध्यक्ष हुनुहुन्छ । गिरीले ४ हजार ६६६ मत ल्याउनुभयो । गाउँपालिका उपाध्यक्षमा राप्रपाकै लक्ष्मीदेवी मैनाली निर्वाचित हुनुभएको छ । मैनालीले ५ हजार ७८ मत ल्याउनुभयो । उहाँको निकटतम प्रतिस्पर्धी एमालेका शान्तादेवी गौतमले ४ हजार १०६ मत ल्याउनुभयो ।
लिखुको अध्यक्षमा कांग्रेस र उपाध्यक्षमा एमाले
ओखलढुङ्गाको लिखु गाउँपालिका अध्यक्षमा नेपाली कांग्रेसका अशोक कार्की विजयी हुनुभएको छ ।