वन्यजन्तुको आक्रमणबाट एक वर्षमा ११ जनाको मृत्यु
चितवन राष्ट्रिय निकुञ्जमा गत आर्थिक वर्ष २०८१/०८२ मा हात्ती, गैँडा, बाघलगायतका वन्यजन्तुको आक्रमणबाट ११ जनाले ज्यान गुमाएका छन् ।
सामान्य प्रशासन मन्त्रालयमा गुनासो व्यवस्थापन इकाइ स्थापना गरिने
सङ्घीय मामिला तथा सामान्य प्रशासन मन्त्रालयले सेवाग्राहीको गुनासो सुनवाई तथा समाधानका लागि गुनासो व्यवस्थापन इकाइ स्थापना गर्ने भएको छ ।
सम्पदाको उत्खनन एवम् संरक्षण गर्दै चाँगुनारायण
चाँगुनारायण नगरपालिकाले आफ्नो नगर क्षेत्रभित्र रहेका ऐतिहासिक, पुरातात्विक एवम् धर्मिक दृष्टिकोणले महत्त्वपूर्ण सम्पदाको उत्खनन एवम् संरक्षण गर्ने भएको छ ।
झ्याप्ले खोलामा पहिरो रोकथामसहित सडक निर्माण तीव्र
एक वर्षअघि नागढुङ्गा–मुग्लिङ सडकखण्डअन्तर्गतको झ्याप्ले खोलामा पहिरो खस्दा ३५ जनाको अकालमै ज्यान गुमाउनु परेको थियो । यो दर्दनाक घटना पुनः दोहोरिन नदिन अहिले उक्त क्षेत्रको पहिरो रोकथाम र सडक निर्माण कार्यलाई तीव्रता दिइएको छ ।
संरक्षण अधिकृतको सम्मानमा छावाको नामकरण
चितवन राष्ट्रिय निकुञ्जमा कार्यरत रहेर हालै निधन हुनुभएका संरक्षण अधिकृत वेदबहादुर खड्काको सम्मानमा नयाँ छावाको नामकरण गरिएकोे छ । लामो समयसम्म निकुञ्जको संरक्षणका क्षेत्रमा
यस्तो छ आजको सागसब्जी र फलफूलको थोक मूल्य
कालीमाटी फलफूल तथा तरकारी बजार विकास समितिले आजका लागि कृषि उपजहरूको थोक मूल्य निर्धारण गरेको छ । समितिका अनुसार प्रस्तुत सागसब्जी र फलफूलको अधिकतम थोक मूल्य निर्धारण गरिएको हो ।
प्रतिनिधिसभा बैठकः दुई विधेयक प्रस्तुत हुने
प्रतिनिधिसभाको बैठक बिहीबार अपराह्न १ बजे सङ्घीय संसद् भवन नयाँ बानेश्वरमा बस्दैछ । आजको बैठकमा दुई विधेयक प्रस्तुत गर्ने कार्यसूची छ ।
आर्थिक कूटनीतिलाई प्रवर्धन गर्न अवैतनिक महावाणिज्य दूतको भूमिका महत्त्वपूर्ण : परराष्ट्रमन्त्री
परराष्ट्रमन्त्री डा. आरजु राणा देउवाले आर्थिक कूटनीतिलाई थप चलायनमान र उपलब्धिमूलक बनाउने अभियानमा अवैतनिक महावाणिज्य दूतहरूको भूमिका महत्त्वपूर्ण हुने बताउनुभएको छ ।
-original-thumb.jpg)
घण्टाकर्णसँगै चाडपर्वको आगमन
भूत, प्रेत र पिशाचादिलाई बिदा गर्दै देशभरका नेवार समुदायले बुधबार गठामुगः (घण्टाकर्ण) पर्व मनाएका छन् । घण्टाकर्णसँगै नेवार समुदायमा चाडपर्वको आगमनसमेत भएको मानिन्छ ।
‘नाटकले समाजलाई चलायमान बनाउँछ’
नेपाली रङ्गमञ्चमा स्थापित कलाकार प्रभाकर न्यौपानेले पहिलो नाटक ‘धनभन्दा
दैनिक दुई हजार युवा रोजगारी खोज्दै विदेश, युवा स्वरोजगार कोष एक वर्षदेखि नेतृत्वविहीन
वैदेशिक रोजगारीका लागि दैनिक झन्डै दुई हजार युवा बिदेसिन्छन् । युवालाई स्वरोजगार बनाएर देशभित्रै राख्ने यहीँ उद्यमी बनाउने नीति, योजना, कार्यक्रम र संस्था पनि सरकारसँग छ तर त्यसको कार्यान्वयन गर्ने निकाय भने एक वर्षदेखि नेतृत्वविहीन छ ।
सुनको मूल्य फेरि दुई लाखनजिक
सुनको मूल्य फेरि बढेर तोलामा दुई लाख रुपियाँ नजिक पुगेको छ । नेपाल सुनचाँदी व्यवसायी महासङ्घका अनुसार मङ्गलबार प्रतितोला एक लाख ९५ हजार पाँच सय रुपियाँमा कारोबार भएको सुनको मूल्य बुधबार दुई हजार एक सय रुपियाँले बढेर एक लाख ९७ हजार छ सय रुपियाँमा कारोबार भएको छ ।
निजी क्षेत्रको विकासका लागि कांग्रेसको जोड
नेपाल उद्योग परिसङ्घले र पूर्वप्रधानमन्त्री एवं नेपाली कांग्रेस सभापति शेरबहादुर देउवा, परराष्ट्रमन्त्री डा. आरजु राणा देउवा र मुख्य सचिव एकनारायण अर्यालसँग भेट गरी अर्थतन्त्रलगायतका विषयमा बेग्ला बेग्लै छलफल गरेको छ ।
सेयर नभएका डिम्याट खाता रोक्का हुने
अब सेयर नै नहुने डिम्याट खाता रोक्का हुने भएको छ । साथै पाँच वर्षदेखि नवीकरण नगरेका डिम्याट खातासमेत स्थगन गरिने भएको छ ।
सामाजिक सुरक्षा कोषले दियो सात अर्ब नब्बे करोड सापटी
योगदानमा आधारित सामाजिक सुरक्षा कोषबाट ३४ हजार ९७ योगदानकर्ताले सात अर्ब ९० करोड रुपियाँ सापटी लिएका छन् ।
आज देशभर मनसुनी वायुको प्रभाव कमजोर
हाल देशभर मनसुनी वायुको प्रभाव कमजोर रहेको छ । मनसुनको न्यून चापीय रेखा सरदर स्थानको दक्षिणतर्फ अवस्थित रहेको जल तथा मौसम पूर्वानुमान महाशाखाले जनाएको छ ।
कम्युनिस्ट शक्तिबिच एकता आवश्यक
प्रमुख प्रतिपक्ष दल नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ ले पुँजीवादविरुद्ध क्रान्तिकारी शक्ति एकजुट हुन आवश्यक रहेको बताउनुभएको छ ।
सम्पदा पुनर्निर्माण गर्न चार अर्ब अपुग
भूकम्प गएको दस वर्ष पूरा हुँदासमेत अझै सम्पदा पुनर्निर्माण सकिएको छैन । राज्यसँग पर्याप्त बजेट नहुँदा दरबार, मठमन्दिर, गुम्बा, सत्तल, पाटीपौवालगायत संरचनाका पुनर्निर्माण समयमै पूरा नभएका हुन् । २०७२ वैशाख १२ गते भूकम्प जाँदा कुल एक हजार एक सय ३५ सम्पदामा क्षति भएको थियो ।
कांग्रेसले प्रशिक्षक तयार गर्ने
जलवायु परिवर्तनले नेपालमा अझै बढी प्रतिकूलता सिर्जना गर्न सक्ने सम्भावनालाई दृष्टिगत गरी नेपाली कांग्रेस प्रशिक्षकको टोली तयार गर्दै छ । राज्यको उच्च नेतृत्वबाट जलवायु परिवर्तनबाट नेपालले भोगिरहेको सङ्कटबारे अन्तर्राष्ट्रिय मञ्चमा आवाज उठाइरहँदा कांग्रेसले देशभरि परिचालन गर्ने गरी प्रशिक्षकको टोली बनाउने गृहकार्य आरम्भ गरेको हो ।
सञ्चारमन्त्री गुरुङ आज चीन जानुहुँदै
सञ्चार तथा सूचना प्रविधिमन्त्री पृथ्वी सुब्बा गुरुङ बिहीबार चीन जाँदै हुनुहुन्छ । चीनमा आयोजना हुने ‘वल्र्ड एआई कन्फ्रेन्स इन साङ्घाई’ मन्त्रीस्तरीय सम्मेलनमा सहभागी हुन चीन जान लाग्नुभएको हो ।
‘लेटर अफ एक्स्चेन्ज’ मा हस्ताक्षर गर्न स्वीकृति
सरकारले चीन सरकारबाट बिपी कोइराला मेमोरियल क्यान्सर अस्पतालमा बोनम्यारो प्रत्यारोपण चिकित्सा केन्द्र परियोजना कार्यान्वयन गर्नेसम्बन्धी ‘लेटर अफ एक्स्चेन्ज’ मा हस्ताक्षर गर्न स्वीकृति प्रदान गर्ने निर्णय गरेको छ ।
‘दीर्घकालीन परियोजना तत्काल पूरा हुन्नन्’
प्रधानमन्त्री केपी शर्मा ओलीले दीर्घकालीन महìवका विकास परियोजना पोहोर प्रस्ताव गरेर अहिले पूरा नहुने बताउनुभएको छ । प्रतिनिधि सभामा सांसदहरूसँगको प्रत्यक्ष प्रश्नोत्तरमा प्रधानमन्त्री ओलीले सम्भाव्यता र अध्ययनमा आधारित भएर यस्ता परियोजना व्रmमशः कार्यान्वयनमा लगिने बताउनुभयो ।
‘राइड सेयरिङ’ भाडामा ठगिन्छन् यात्रु
‘राइड सेयरिङ’ सेवाको भाडादरमा एकरूपता नहुँदा यात्रु ठगिने क्रम बढेको छ । सुविधामा खासै भिन्नता नभएको अवस्थामा पनि कम्पनी अनुसार फरक फरक दर हुँदा राइडर (चालक) हरूको मोलमोलाइ बढेको छ । ‘अफलाइन’ हिँड्ने राइडरको सङ्ख्या अत्यधिक र अनलाइनमै पनि मोलमोलाइ हुने हुँदा कम्पनीले जति कमिसन घटाए पनि सेवाग्राहीलाई खासै राहत भएको छैन ।
घण्टाकर्ण दहन
घण्टाकर्ण चर्तुदशीका दिन उपत्यकाका नेवार समुदायले गठेमंगल पर्व (गथांमुगः चःह्रे) मनाउने प्रचलन छ । साउन कृष्ण चर्तुदशीका दिन मनाउने यो पर्वमा नरकठ वा पराल छ्वाली ले बनाइएको घण्टाकर्णलाई खोला सेलाउने वा दहन गरी मनाउने गर्दछ । यसै दिन भक्तपुरको दत्तात्रयका नेवार समुदायले पनि गठेमंगल पर्व (गथांमुगः चःह्रे) राक्षस दहन गरी मनाएको छ । धान रोपेर सकिएपछि घरभित्रका दूषित किटाणु भगाउन धुप बालेर धुवाँ पठाउने पनि गरिन्छ । गठेमंगललाई घण्टाकर्ण पर्व र भूत भगाउने पर्व पनि भनिन्छ ।
दुई आयोगबिच सहयोग, समन्वय र सहकार्य हुने
बेपत्ता पारिएका व्यक्तिको छानबिन आयोग र राष्ट्रिय मानव अधिकार आयोगबिच सहयोग, समन्वय र सहकार्य गर्ने सहमति भएको छ ।
