समाजवादको नयाँयात्रा सुरु गर्ने अध्यक्ष दाहालको सङ्कल्प
नेपाली कम्युनिस्ट पार्टीका संयोजक पुष्पकमल दाहाल ‘प्रचण्ड’ ले ३१औँ जनयुद्ध दिवसका अवसरमा र शुभकामना दिँदै जनयुद्धका स्मृति ताजा भएको बताउनुभयो ।
यस्तो छ आज सुनचाँदीको मूल्य
स्थानीय बजारमा आज एक तोला सुनको मोल तीन लाख तीन हजार ५०० र त्यति नै परिमाणको चाँदीको मूल्य पाँच हजार कायम भएको छ ।
खगोल विज्ञान ओलम्पियाड राष्ट्रिय चरणमा प्रवेश
नेपाल एस्ट्रोनोमिकल सोसाइटी १३औँ राष्ट्रिय खगोल विज्ञान ओलम्पियाड २०२६ को दोस्रो चरणमा प्रवेश गरेको छ ।
नेपाली कांग्रेसमा आबद्ध हुन आह्वान
गगनकुमार थापाको नेतृत्वमा पार्टीलाई सुशासन, समावेशिता र समृद्धितर्फ अग्रसर गराउने लक्ष्यसहित नेपाली कांग्रेसले विभिन्न क्षेत्रका व्यक्तित्वहरूलाई पार्टीमा आबद्ध हुन आह्वान गरेको छ ।
७५ हजार बढी सेवाग्राहीलाई निःशुल्क कानुनी सेवा प्रदान
काठमाडौँ महानगरपालिकाले बिहीबारदेखि पाँचौ संस्करणका न्यायिक सहजकर्ताहरुलाई परिचालन गर्दैछ । यसका लागि सार्वजनिक सूचना प्रकाशन गरेर कानुन विषयमा स्नातक तह तेस्रो वर्ष पूरा गरिसकेका इच्छुक विद्यार्थीहरुलाई सहजकर्ताका रुपमा छनोट गरिएको छ ।
ठगीको अभियोगमा तीन जना पक्राउ
वैदेशिक रोजगारीमा आकर्षक तलबको प्रलोभन दिएर रु ८० लाख ठगेको अभियोगमा तीन जना पक्राउ परेका छन् ।
लुमनाङ जहाँ दलहरू पुग्दैनन् भोट माग्न
यसअघि र अहिले हुन गइरहेको निर्वाचनको मतदाता शिक्षा नपाएका दोलखाको उत्तरी दूरदराजका मतदाताले चुनावका बारेमा खासै चासो लिएका छैनन् । चुनावकै बारेमा अनभिज्ञ रहेका उनीहरूले मतदाता शिक्षा नै नपाएपछि चुनावप्रति खासै चासो नरहेको बिगु गाउँपालिका–१, लुमनाङका ६८ वर्षीय काञ्चोक शेर्पाको गुनासो रहेको छ ।
पाटन दरबार सङ्ग्रहालय अवलोकन गर्न अनलाइनबाटै टिकट
विश्व सम्पदा सूचीमा सूचीकृत ऐतिहासिक तथा सांस्कृतिक महत्त्व बोकेको पाटन दरबार सङ्ग्रहालय अवलोकनका लागि अब घरमै बसेर अनलाइन टिकट बुकिङ गर्न सकिने भएको छ ।
सञ्चार मन्त्रालयको दोस्रो त्रैमासिक समीक्षाः पुँजीगत खर्च बढाइनुपर्नेमा जोड
सञ्चार तथा सूचना प्रविधि मन्त्रालयका सचिव लक्ष्मीकुमारी बस्नेतले पुँजीगत खर्च बढाएर जनतालाई सुशासनको प्रत्याभूत हुनेगरी कार्यसम्पादन गर्न सञ्चार तथा सूचना प्रविधि मन्त्रालयसम्बद्ध निकायका प्रमुखलाई निर्देशन दिनुभएको छ ।
मकवानपुरमा निर्वाचन तयारी तीव्र, पुराना मतपेटिका मर्मतदेखि सुरक्षा व्यवस्थासम्म
मकवानपुरमा फागुन २१ गते हुने प्रतिनिधिसभा सदस्य निर्वाचनलाई लक्ष्य गर्दै तयारी तीव्र पारिएको छ । प्रदेश निर्वाचन कार्यालय हेटौँडाले विगतका निर्वाचनमा प्रयोग भएका मतपेटिकालाई पुनः प्रयोगमा ल्याउने प्रदेश निर्वाचन अधिकारी हरिप्रसाद ढकालले जानकारी दिनुभयो ।
विश्व शान्तिमा नेपाली सेनाको गर्वलायक उपस्थिति....
विश्व शान्तिमा नेपाली शान्ति सैनिक आफूलाई साहासिक, अनुशासित एवं व्यावसायिक परिचय दिलाउन सफल भएका छन् । सन् १९५८ मा लेबनानमा पाँच सैनिक पर्यवेक्षक खटाइ संयुक्त राष्ट्रसङ्घको विश्व शान्ति अभियानमा सहकार्य सुरु गरेको नेपाली सेना अहिले उक्त विश्व मञ्चको दह्रो सहयात्री बनेको छ ।
विश्व रेडियो दिवस आज मनाइँदै
आज विश्व रेडियो दिवस हो । रेडियो, सञ्चार विज्ञ तथा प्रसारकहरूको सहभागितामा विश्वका विभिन्न देशमा आज विविध कार्यक्रमका साथ यो दिवस मनाइँदै छ ।
राष्ट्रियसभामा मुस्लिम आयोगको प्रतिवेदन प्रस्तुत गर्दै प्रधानमन्त्री
काठमाडौँ, फागुन १ गते । प्रधानमन्त्री सुशीला कार्कीले राष्ट्रियसभाको आजको बैठकमा ‘मुस्लिम आयोगको आर्थिक वर्ष २०८०/८१ को वार्षिक प्रतिवेदन’ पेस गर्नुहुने भएको छ ।मध्याह्न १२ः१५ बजे हुने बैठकमा प्रधानमन्त्रीले उक्त प्रतिवेदन पेस गर्ने सम्भावित कार्यसूची रहेको संसद् सचिवालयले जनाएको छ ।बैठकमा विधायन व्यवस्थापन समितिकी सभापति तुलसाकुमारी दहालले ‘सङ्घीय एकाइहरुबीच विधायिकी अन्तरः सम्बन्ध अध्ययन प्रतिवेदत, २०८२’ र ‘बालबालिकासम्बन्धी ऐन, २०७५ मा रहेका बालसहभागितासम्बन्धी प्रावधानहरुको कार्यान्वयन मापन प्रतिवेदन, २०८२’ पेस गर्नुहुने कार्यसूची छ । बैठकमा सार्वजनिक नीति तथा प्रत्यायोजित विधायन समितिका सभापति मायाप्रसाद शर्माले ‘सार्वजनिक नीति तथा प्रत्यायोजित विधायन समितिको अध्यागमन ऐन, २०४९ र सो ऐनअन्तर्गत बनेका प्रत्यायोजित विधायनहरुसम्बन्धी अध्ययन प्रतिवेदन, २०८२ माथि छलफल गरियोस्’ भन्ने प्रस्ताव प्रस्तुत गर्नुहुनेछ । बैठकमा राष्ट्रियसभाका अध्यक्ष नारायणप्रसाद दाहालले प्रधानमन्त्री तथा मन्त्रिपरिषद्को कार्यालयबाट प्राप्त मन्त्रिपरिषद् सदस्यको कार्यभार तोकिएकोसम्बन्धी पत्रको व्यहोराबारे जानकारी गराउनुहुने कार्यसूची छ । साथै अध्यक्ष दाहालले राष्ट्रपति रामचन्द्र पौडेलबाट अधिवेशन अन्त्यसम्बन्धी सभालाई प्राप्त पत्रको व्यहोराबारे पनि जानकारी गराउनु हुनेछ । राष्ट्रपतिले संविधानको धारा, ९३ को उपधारा (३) बमोजिम मन्त्रिपरिषद्को माघ २६ गतेको सिफारिसमा आज राति १२ः०० बजेदेखि लागू हुनेगरी राष्ट्रियसभाको चालु अधिवेशन अन्त्य गर्नुभएको छ । रासस
यस्तो छ आजका लागि कृषिउपजको थोक मूल्य
कालीमाटी फलफूल तथा तरकारी बजार विकास समितिले आजका लागि कृषिउपजको थोक मूल्य निर्धारण गरेको छ ।
मुहारचित्र कार्यशाला सम्पन्न
क्रोधकला शिरोमणि प्राज्ञ कालु कुमालेको मुहारचित्र कार्यशाला प्रतियोगितामा पहिलो पुरस्कार साहिल महर्जन, दोस्रो श्रीनु महर्जन र तेस्रो पुरस्कार कौशलसिंह केसीले पाउनुभएको छ । योङ पिकासोद्वारा बिहीबार पाटन दरबार सङ्ग्रहालयमा आयोजित तेस्रो राष्ट्रिय चित्रकला प्रतियोगितामा कलाकार कुमालेको मुहारचित्र बनाएर साहिल, श्रीनु र कौशलले क्रमशः २५ हजार, आठ हजार र पाँच हजार रुपियाँ पुरस्कार प्राप्त गर्नुभएको हो ।
असी प्रतिशतले घट्यो सुन कारोबार
सुनको मूल्य अस्वाभाविक रूपमा बढेपछि नयाँसडकलगायतका सुनचाँदी पसल सुनसान बनेका छन् । माघ, फागुन महिनामा बिहेको लगन हुन्छ । विगतका वर्ष यसबेला सुन पसलमा गहना खरिद गर्ने ग्राहकको भिड लाग्ने गर्थ्यो । व्यापार पनि अन्य सिजनको तुलनामा दोब्बरले बढी हुने गर्थ्यो । अहिले भने अधिकांश सुनचाँदी पसल सुनसान छन् ।
एक लाख चवालिस हजार क्विन्टल धान खरिद
खाद्य, व्यवस्था तथा व्यापार कम्पनीले देशका विभिन्न ठाउँमा रहेका १२ कार्यालयबाट एक लाख ४४ हजार क्विन्टल धान खरिद गरेको जनाएको छ । गत कात्तिक ११ देखि धनगढीबाट धान खरिद गर्न सुरु गरेको कम्पनीले हालसम्म विभिन्न ११ वटा केन्द्रबाट उक्त परिमाणमा धान खरिद गरेको हो ।
एडिबीको दक्षिण एसिया विभागमा अर्थशास्त्री श्रेष्ठ
एसियाली विकास बैङ्को दक्षिण एसिया विभागको महानिर्देशकमा नेपालका अर्थशास्त्री सोना श्रेष्ठ नियुक्त हुनुभएको छ । बङ्गलादेश, भुटान, भारत, माल्दिभ्स, नेपाल र श्रीलङ्का हेर्ने गरी उहाँलाई नियुक्त गरिएको एडिबी मुख्यालयले विज्ञप्तिमार्फत जानकारी गराएको छ । उहाँले यी मुलुकमा एडिबीको रणनीति र सञ्चालनको नेतृत्व गर्नुहुने विज्ञप्तिमा उल्लेख छ ।
फागुनमा पनि घट्यो ब्याजदर
माघको तुलनामा फागुनमा पनि अधिकांश बैङ्कको ब्याजदर घटेको छ । व्यक्तिगत मुद्दती निक्षेपतर्फ बैङ्कले ब्याजदर घटाएका हुन् । अहिले सञ्चालनमा रहेका २० मध्ये नौ बैङ्कले व्यक्तिगत मुद्दती निक्षेपको अधिकतम दर घटाएका छन् ११ भने बैङ्कले अघिल्लो महिनाकै ब्याजदरलाई निरन्तरता दिएका छन् ।
यस्तो छ आजको मौसम पूर्वानुमान
हाल देशमा पश्चिमी वायुको सामान्य प्रभाव रहेको छ भने कोशी, गण्डकी र कर्णाली प्रदेशका उच्च पहाडी तथा हिमाली क्षेत्रमा आंशिक बादल लागेको छ ।
यस्तो छ आजका लागि निर्धारण गरिएको विदेशी मुद्राको विनिमयदर
नेपाल राष्ट्र बैंकले आज (शुक्रबार)का लागि विदेशी मुद्राको विनिमयदर निर्धारण गरेको छ । निर्धारण गरिएको विनिमयदर अनुसार अमेरिकी डलर एकको खरिददर १४४ रुपियाँ ६५ पैसा र बिक्रीदर १४५ रुपियाँ २५ पैसा तोकिएको छ ।
निर्वाचन शान्तिपूर्ण हुन्छ : प्रम
प्रधानमन्त्री सुशीला कार्कीले कुनै तत्वले निर्वाचनको वातावरण बिगार्न खोजे तत्कालै त्यस्ता प्रवृत्ति निरुत्साहित गर्न निर्देशन दिनुभएको छ । कोशी प्रदेशका निर्वाचनसम्बद्ध पदाधिकारी र सुरक्षा प्रमुखसँग निर्वाचन तयारी र सुरक्षा अवस्थाबारे जानकारी लिँदै उहाँले निर्वाचनको वातावरण बिथोल्न खोज्ने प्रवृत्तिप्रति जागरुक हुन निर्देशन दिनुभएको हो ।
विमानस्थल क्षेत्रमा निषेधाज्ञा जारी
जिल्ला प्रशासन कार्यालय काठमाडौँले त्रिभुवन अन्तर्राष्ट्रिय विमानस्थल क्षेत्रआसपासमा निषेधाज्ञा जारी गरेको छ । स्थानीय प्रशासन ऐन अनुसार जिप्रका काठमाडौँले विज्ञप्ति जारी गरी अन्तर्राष्ट्रिय विमानस्थल र आसपास क्षेत्रमा कुनै पनि प्रकारका प्रदर्शन, जुलुस, भेला र नाराजुलुस गर्न निषेध गरेको हो । काठमाडौँका प्रजिअ ईश्वरराज पौडेलद्वारा जारी विज्ञप्तिमा विमानस्थल क्षेत्र संवेदनशील रहने भन्दै शान्ति सुरक्षा तथा आवागमन व्यवस्थापनलाई ध्यानमा राखेर यस्तो निर्णय गरिएको उल्लेख छ ।
भारतद्वारा थप सवारीसाधन सहयोग
आगामी फागुन २१ गतेका लागि तय भएको प्रतिनिधि सभा निर्वाचनको सुरक्षार्थ भारत सरकारले नेपाल सरकारलाई ६५० वटा सवारीसाधन सहयोगस्वरूप उपलब्ध गराएको छ ।
राष्ट्रिय सभा अधिवेशन अन्त्य हुँदै
राष्ट्रपति रामचन्द्र पौडेलले राष्ट्रिय सभाको १९ औँ अधिवेशन अन्त्य गर्नुभएको छ । सरकारको सिफारिसमा राष्ट्रपति पौडेलले फागुन १ गते शुक्रबार राति १२ बजेपछि अधिवेशन अन्त्य गर्नुभएको हो ।
