केशवराज पौडेल
अफ्रिकी स्वाइन फिवरले मरे बङ्गुर
अफ्रिकी स्वाइन फिवर नामक सङ्क्रमणका कारण काठमाडौँसहित आठ जिल्लाका पाँच हजार बङ्गुर मरेका छन् । पशुसेवा विभागका वरिष्ठ भेटेरिनरी अधिकृत डा. मुकुल उपाध्यायले तीन महिनामा त्यति सङ्ख्यामा बङ्गुर मरेको जानकारी दिँदै सो क्षति २० करोड रुपियाँभन्दा बढी हुने बताउनुभयो । सन् २०१८ मा अफ्रिकी देशबाट सुरु भएको सङ्क्रमण भारत, चीन, भुटान हुँदै नेपाल आइपुगेको छ । भारतमा यो सङ्क्रमण पाँच महिनाअघि देखापरेको थियो भने गत जेठमा नेपालमा पुष्टि भएको थियो ।
रुखले बस र स्कुटर च्याप्दा तीनको मृत्यु, १५ घाइते
भक्तपुर नगरपालिका–१ सल्लाघारीमा रुख ढलेर बस र स्कुटरलाई च्याप्दा तीन जनाको मृत्यु भएको छ भने १५ जना घाइते भएका छन् ।
एकै परिवारका तीन पुस्तामाथि विजय
गत वैशाख ३० गते सम्पन्न स्थानीय निर्वाचनमा काभ्रेपलाञ्चोक जिल्लाको सदरमुकाम धुलिखेल–७ (तत्कालीन–२)का रोमीप्रसाद व्याञ्जूले चौथो पटक जित हात पार्नुभएको छ । हरेक पटक वडाध्यक्षको उम्मेदवार हुँदा उहाँले यस पटक पनि सोही पदमा जित हासिल गर्नुभएको हो ।
