गोरखापत्र अनलाइन
आलिया भट्टको ‘डार्लिङ्स’
काठमाडौं, असार २२ गते । आलिया भट्टको निर्माणमा बनेको फिल्म ‘डार्लिङ्स’ को टिजर सार्वजनिक भएको छ । नेटफ्लिक्सको प्रस्तुति रहेको यस फिल्मलाई आलियाले शाहरुख खानको कम्पनि रेड चिल्ली इन्टरटेनमेन्टसँग मिलेर तयार गर्नुभएको हो । डार्क कमेडी फिल्म ‘डार्लिङ्स’ मा आलियासहित शेफाली शाह, विजय वर्मा र रोशन म्याथ्युको मुख्य भूमिका रहेको छ । फिल्मले मुम्बईमा बस्ने आमा-छोरीको कथा प्रस्तुत गरेको देख्न सकिन्छ । आलियाको मुख्य भूमिका रहेको फिल्म अगस्ट ५ मा नेटफ्लिक्समा रिलिज हुने भएको छ ।
शिखर सन्तोषको सङ्गीतमा पवनदीप र अरुनिता
काठमाडौं, असार २२ गते । लोकप्रिय तथा वरिष्ठ संगीतकार शिखर सन्तोषको सङ्गीतमा इन्डियन आइडल विजेता पवनदीपले नेपाली गीतमा पहिलो पटक स्वर दिनुभएको छ । उहाँले गीतकार तथा कवि आनन्द अधिकारीको शब्दमा नेपाली गीत गाउनुभएको हो । गीतको सङ्गीत संयोजन उदयराज पौडेलले गर्नुभएको छ । गीत हालै मुम्बईमा रेकर्ड गरिएको संगीतकार सन्तोषले जानकारी दिनुभयो । म्युजिक नेपालबाट छिट्टै सार्वजनिक हुने गीतको बोल भने अहिले गोप्य राखिएको छ । नेपाली बजार ध्यानमा राखेर तयार गरिएको गीतमा अरुनिताको पनि स्वर छ । अरुनिताले पनि पहिलो पटक नेपाली गीत गाउनुभएको हो । पवनदीप र अरुनिता दुबैको स्वर रहेको गीतले नेपाली संगीतिक बजारमा राम्रो चर्चा पाउने अपेक्षा सङ्गीतकार सन्तोषको रहेको छ भने गीतको रचनाकार एस पी सापकोटा हुनुहुन्छ ।
सुनकोशीले बगाएर दुई बालिका बेपत्ता
उदयपुरमा बुधबार सुनकोशीले बगाएर दुई बालिका बेपत्ता भएका छन्। त्रियुगा नगरपालिका–१४ साउनेकी १३ वर्षीया विपना राई र १२ वर्षीया विना राई बेपत्ता भएको वडाध्यक्ष होमबहादुुर मगरले जानकारी दिनुभयो।
अर्थ मन्त्रालयको कार्यभार प्रधानमन्त्रीलाई
अर्थमन्त्री जनार्दन शर्माले पदबाट राजीनामा दिनुभएपछि राष्ट्रपति विद्यादेवी भण्डारीले अर्थमन्त्रीको जिम्मेवारी प्रधानमन्त्री शेरबहादुर देउवालाई तोक्नुभएको छ ।
गणपुरक संख्या नपुगेपछि प्रतिनिधिसभाको बैठक बिहीबारसम्मका लागि स्थगित
काठमाडौं, असार २२ गते। गणपुरक संख्या नपुगेपछि प्रतिनिधिसभाको बुधबारको बैठक बिहीबारसम्मका लागि स्थगित भएको छ। प्रतिनिधिसभाको बैठकमा सामाजिक सुरक्षा पहिलो संशोधन विधेयक संशोधनका लागि सभामुख अग्निप्रसाद सापकोटाले निर्णायार्थ प्रस्तुत गर्नुभए पनि गणपुरक संख्या नपुगेपछि बैठक स्थगित भएको हो। सांसद झपटबहादुर रावलले प्रतिनिधिसभामा निर्णायार्थ प्रस्तुत प्रस्ताव पास गर्नु अगाडि उपस्थितिको संख्या गणनाको माग राख्नुभएपछि गणना गर्दा गणपुरक संख्या नपुगेको हो। कार्यसूची अनुसार सभामुख सापकोटाले सामाजिक सुरक्षा पहिलो संशोधन विधेयक राज्य व्यवस्था तथा सुशासन प्रतिवेदनको क्रम संख्या १ देखि ४ सम्म उल्लेखित संशोधन प्रस्ताव निर्णयार्थ प्रस्तुत गर्नुभएको थियो। प्रस्ताव पारित गर्न संविधानको धारा ९४ अनुसार एक चौथाई अर्थात् ६९ सदस्य उपस्थित हुनुपर्छ। बैठकमा ६७ सदस्यमात्र उपस्थित भएको भन्दै सभामुख सापकोटाले कार्यसूचीबाट बाँकी कार्यक्रम हटाएर अर्को बैठक बिहीबार दिउँसो २ बजे बस्ने सूचना सुनाउनुभएको हो। बुधबारको अघिल्लो बैठकसमेत गणपुरक संख्या नपुगेर १५ मिनेटका लागि स्थगित भएको थियो। अघिल्लो बैठकमा ६९ सदस्य उपस्थित हुनुपर्नेमा ६५ सदस्य मात्र उपस्थित थिए। अघिल्लो बैठकमा औषधि (तेस्रो संशोधन) विधेयक, २०७९ माथि विचार गरियोस्’ भन्ने प्रस्तावलाई निर्णयार्थ प्रस्तुत गर्न लाग्दा गणपूरक सङ्ख्या नपुगेपछि सभामुख अग्निप्रसाद सापकोटाले बैठक १५ मिनेटका लागि स्थगित गर्नुभएको थियो । बैठकमा नेमकिपाका सांसद प्रेम सुवालले गणपूरक सङ्ख्या नपुगेको भन्दै नियमापत्ति गरेपछि सभामुख सापकोटाले बैठकमा ३ मिनेट जनाऊ घण्टी बजाएर सांसदहरूको सङ्ख्या यकीन गर्न सचिवालयका कर्मचारीलाई निर्देशन दिनुभएको थियो ।
प्रतिनिधिसभाको दोस्रो बैठकबाट दुई विधेयक स्वीकृत
प्रतिनिधिसभाको बुधबारको दोस्रो बैठकले ‘औषधि (तेस्रो संशोधन) विधेयक, २०७९’ लाई सर्वसम्मतिले स्वीकृत गरेको छ ।
मंगलबारको मन्त्रिपरिषद् बैठकका निर्णय (भिडियोसहित)
विश्व बैंकबाट प्राप्त हुने ५९.६ मिलियन सहायता स्वीकार गर्ने सरकारको निर्णय
निर्वाचनमा १० अर्ब खर्च लाग्ने आयोगको अनुमान
निर्वाचन आयोगले प्रतिनिधिसभा तथा प्रदेश सभा सदस्य निर्वाचन मंसिर २ गतेका लागि सरकारलाई सिफारिस गरेको र त्यसकालागि करिब १० अर्व रुपियाँ खर्च लाग्ने प्रारम्भिक अनुमान सरकारलाई पेश गरेको छ ।
जङ्गली च्याउ नखान आग्रह
स्वास्थ्य तथा जनसङ्ख्या मन्त्रालयले जङ्गली च्याउ नखान आग्रह गरेको छ । मन्त्रालयले सूचना निकाल्दै जङ्गली च्याउ विषलु हुने भन्दै नखान आग्रह गरेको हो ।
आमसंचार विधेयक प्रेसमैत्री हुनेछ : मुख्यमन्त्री पोखरेल
गण्डकी प्रदेशका मुख्यमन्त्री कृष्णचन्द्र नेपाली पोखरेलले आमसंचार विधेयक सञ्चार मैत्री हुने बताउनु भएको छ।
२४ घण्टामा ९० जनामा कोरोना पुष्टि
स्वास्थ्य तथा जनसङ्ख्या मन्त्रालयका प्रवक्ता डा संगीता मिश्राका अनुसार २४ घण्टामा एक हजार ५४९ जनाको आरटी पिसिआर परीक्षण गर्दा ९० जनामा कोरोना पुष्टि भएको हो ।
दुईजनामा ओमिक्रानको नयाँ प्रजाति ‘बीए५’ पुष्टि
नेपालमा दुईजनामा ओमिक्रोनको उपप्रजातिका ‘बीए५’ भेरिएन्ट पुष्टि भएको छ ।
नेप्से परिसूचक १३.३३ अंकले बढ्यो
बुधवार नेप्से परिसूचक सामान्य अंकले वृद्धि भएको छ। मंगलबार ९ अंकले गिरावट आएको नेप्से परिसूचक बुधबार १३.३३ अंक बढेर २०४३.९२ बिन्दुमा पुगेको छ।
जन्मसिद्धका सन्तानलाई नागरिकता दिइने : नेता महतो
लोकतान्त्रिक समाजवादी पार्टी नेपाल (लोसपा) का नेता तथा सांसद राजेन्द्र महतोले जन्मसिद्धका सन्तानलाई नागरिकता दिने सवालमा सहमति जुटेको बताउनुभएको छ । बुधवार नयाँ बानेश्वरस्थित संसद भवनमा सञ्चारकर्मीलाई संक्षिप्त प्रतिक्रिया दिनुहुँदै उहाँले सो कुराको जानकारी गराउनुभयो ।
संसदीय छानबिन विशेष समिति गठन, करका दर हेरफेरबारे छानबिन हुने
अर्थ मन्त्रालयमा अनधिकृत व्यक्तिलाई बजेट निर्माणको क्रममा बोलाएर करको दर हेरफेर गरेको भन्ने विषयमा विवाद बढेपछि छानबिन गर्न संसदीय छानबिन विशेष समिति गठन भएको छ ।
