गोरखापत्र अनलाइन
छठ पर्वमा सुरक्षा व्यवस्था कडा
झापामा छठ पर्वको तयारी तीव्र रुपमा भएको छ । भारतसँग सीमा जोडिएको झापाको भद्रपुर र मेचीनगरमा वर्षौदेखि नेपाल र भारतका नागरिकहरुले संयुक्त रुपमा छठ पर्व मनाउने गरेका छन् ।
-original-thumb.jpg)
अपाङ्गता भएका पर्यटक पुगे अन्नपूर्ण आधार शिविर
अपाङ्गता भएका व्यक्तिहरु अन्नपूर्ण आधार शिविर पुगेका छन् । म्याग्दीको अन्नपूर्ण गाउँपालिका– ४ नारच्याङस्थित चार हजार एक सय ९० मिटरको उचाइमा रहेको अन्नपूर्ण प्रथम हिमालको आधार शिविरमा विभिन्न ६ प्रकारका अपाङ्गता भएका पर्यटकहरु पुगेका हुन् ।
कालीगण्डकी नदीमा जलयातायात (स्टिमर) सुचारु
गत जेठदेखि बन्द भएको कालीगण्डकी नदीमा जलयातायात सुचारु भएको छ । शिला शालिग्राम कालीगण्डकी जलयातायात प्रालिका अध्यक्ष डोलप्रसाद भट्टराईका अनुसार वर्षायाममा नदिमा पानीको बहाव बढेका कारण बन्द भएको जलयातायात सूचारु भएको हो ।
अपाङ्गता पहिचान तथा पुनःस्थापनाका लागि अभियान
यस वर्ष पनि सल्यानमा बालवालिकाहरुको अपाङ्गता पहिचान, परीक्षण तथा पुनःस्थापनाका लागि अभियान थालिने भएको छ ।
लोकआस्थाको पर्व छठ सुरु
विशेष गरी तराई मधेशमा मनाइने लोकआस्थाको पर्व छठ शनिबारदेखि सुरु भएको छ । यो पर्व चार दिनसम्म मनाउने गरिएको छ । छठपर्व सुरु भएसँगै मधेश प्रदेशका जिल्लामा जलाशय र पोखरीको सरसफाइ, सजावट र पूजास्थल निर्माणको काम तीव्र गतिमा अघि बढेको छ । ठाउँ ठाउँमा आकर्षक स्वागतद्वार निर्माण, पोखरी वरिपरि रङरोगन र सरसफाइको काम भएको छ । जनकपुरधामको गङ्गासागर, धनुषसागर, अङ्गराजसरसहितका दजनौँ पोखरीमा घाट निर्माणदेखि सजावटको काम भइरहेको छ ।
पदयात्राका लागि युवापुस्ताको पहिलो रोजाइमा अन्नपूर्ण आधार शिविर
अन्नपूर्ण हिमालको आधार शिविर नयाँ पर्यटकीय गन्तव्यका रूपमा विकसित भएको छ । आठ हजार ९१ मिटर अग्लो अन्नपूर्ण हिमाल र आरोहण सुरु हुने आधार शिविर म्याग्दीको अन्नपूर्ण गाउँपालिका–४ को भूगोलमा पर्छ ।
दरबन्दी अनुसारका कर्मचारी पठाउन माग
इटहरी उपमहानगरपालिकामा प्रमुख प्रशासकीय अधिकृतमा दरबन्दी अनुसारको कर्मचारीलाई जिम्मेवारी दिन स्थानीय जनप्रतिनिधि तथा कर्मचारीले माग गरेका छन् । उपमहानगरपालिकामा सहसचिव तहका कर्मचारीलाई प्रमुख प्रशासकीय अधिकृतको जिम्मेवारी दिनुपर्ने मापदण्ड भए पनि सोभन्दा कनिष्ठ तहका कनिष्ठ कर्मचारीलाई लामो समयदेखि इटहरी उपमहानगरपालिकामा जिम्मेवारी दिइएको भन्दै यहाँ मापदण्ड अनुसारको कर्मचारी पठाउन माग गरिएको हो ।
छठसँगै खुसी आउँछ डोम समुदायमा
मधेशमा अति विपन्न र अल्पसङ्ख्यक जातिको सूचीमा पर्छन् । गरिबी र विपन्नताका कारण ज्याला मजदुरी गरेर जीविका चलाउने यस समुदायका विपन्न परिवारका लागि सधैँ आम्दानीको अवसर जुट्दैन ।
तीन पुस्तादेखि सिकलसेल एनिमियापीडित
विशेष गरी थारू समुदायलाई मात्रै लाग्ने सिकलसेल एनिमियाले सुर्खेतमा तीनपुस्ते थारू समुदायका व्यक्ति थलिएका छन् । सिकलसेल एनिमिया रोगबाट बुवा पुस्ता, छोरा पुस्ता र नाति पुस्ता थलिएपछि थारू समुदाय यतिबेला आर्थिक, शारीरिक र सामाजिक चिन्तामा परेका छन् ।
तिहार सकिएसँगै कर्मथलो फिर्ता
कालीकोट जिल्लामा दसैँ र तिहार मनाउन आएका नागरिक तिहारको भोलिपल्टै कर्मथलो फर्किन थालेका छन् । मुलुकका विभिन्न सहरमा पढ्दै गरेका विद्यार्थी र मजदुरीका लागि घर छोडेका कालीकोटका विभिन्न स्थानीय तहका नागरिक तिहार सकिएसँगै कर्मथलो फर्किन थालेका हुन् ।
सकुशल फर्कने आसमै बिलायो जोशी परिवारको खुसी
दुई हप्ताअगाडि इजरायलले हमासको बन्धकमा रहनुभएका कञ्चनपुरका विपिन जोशीसहित रिहाइ हुनेहरूको फोटो सार्वजनिक गर्दा सिङ्गो मुलुक आशावादी बनेको थियो । दुई वर्षदेखि विपिनको व्यग्र प्रतीक्षा गरिरहेको परिवार उहाँ रिहा हुने खबरले अझ आशावादी नहुने त कुरै भएन । तिहार पनि नजिकिँदै गएकाले त्यसबेला परिवारले यसपालिको तिहार विपिनसँगै मनाउने सपना बुनेको थियो । त्यतिबेला विपिनका दाइ किशोर जोशी (ठुलबुबाको छोरा) ले भन्नुभएको थियो, “यसपालिको तिहार भाइसँगै मनाउने चाहना छ । मेरो भाइ सकुशल फर्कोस् ।” तर असोज २७ गते इजरायलले विपिन जीवित नरहेको पुष्टि गरेपछि परिवारमा एकाएक अँध्यारो छायो ।
फेरीकै भरमा चल्छन् सवारीसाधन
बाजुराको स्वामीकार्तिक खापर गाउँपालिकामा चल्ने सवारीसाधन फेरीकै भरमा पर्ने गरेका छन् । स्वामीकार्तिक खापर र जगनाथ गाउँपालिकाको बिचमा पर्ने कर्णाली नदीमा अझै पक्की पुल नहुँदा यहाँ चल्ने सवारीसाधन फेरीकै भरमा पर्ने गरेका हुन् । विगत केही वर्ष पहिला यहाँका स्थानीय सरकारले कर्णाली नदीमा फेरी सञ्चालनमा ल्याएको थियो । त्यो फेरी हिउँदको महिना राम्रोसँग सञ्चालन हुने गरेको भए पनि बर्खाको समय भने बन्द हुने गर्छ ।
पोखरा–मुग्लिङ सडक : अझै हट्न सकेन व्यवधान
पाँच दशकअघि निर्माण भएको पृथ्वी राजमार्गमा अहिले स्तरोन्नतिको काम भइरहेको छ । पोखरालाई राजधानी काठमाडौँ र पूर्वी नेपालसँग जोड्ने यो राजमार्ग निर्माणमा भएको ढिलाइले सर्वसाधारणसहित पर्यटक र यो क्षेत्रको अर्थतन्त्रमै असर पु¥याइरहेको छ । दुई पटक थप भएको म्याद सकिन डेढ महिना बाँकी हुँदा पनि सो सडकको पश्चिम खण्डको भौतिक प्रगति ६२ प्रतिशत मात्र छ ।
-original-thumb.jpg)
सुनकोशी–मरिण डाइभर्सन : बाँध निर्माण सुस्त गतिमा
राष्ट्रिय गौरवको सुनकोशी–मरिण डाइभर्सन बहुउद्देश्यीय आयोजना अन्तर्गत सुनकोशी नदीमा बाँध निर्माणको निर्धारित समय ६० प्रतिशत सकिँदा भौतिक प्रगति भने करिब ११ प्रतिशत मात्र भएको छ ।
नयाँ मुद्दा दर्ता र सुनुवाइ छठपछि
चितवन जिल्ला अदालतले कात्तिक ११ गतेपछि मात्र नयाँ मुद्दा तथा निवेदन दर्ता र सुनुवाइ थाल्ने भएको छ । जेनजी समूहको आन्दोलनका क्रममा अदालतमा तोडफोड र आगजनी भएपछि नियमित सेवा अवरुद्ध भएको थियो । आगजनी भएपछि सरसफाइ गरेर सामान्य सेवा सञ्चालन गरेपछि नयाँ मुद्दा दर्ता भने गरेको थिएन । मिसिल सुरक्षित रहेका चालु अवस्थाका मुद्दामा पनि नियमित कामकारबाही सुचारु हुने भएको हो ।
