गोरखापत्र अनलाइन
चोरी रोक्न समुदायस्तरमा प्रहरीको सचेतना
इलाका प्रहरी कार्यालय लालबन्दीले चोकी रोक्न समुदायस्तरमा सचेतना जगाउन सुरु गरेको छ । विशेष गरी घनाबस्ती रहेको लालबन्दी र नवलपुर बजार तथा आसपासका बस्तीमा चोरीका घटना बढेपछि प्रहरीले समुदायस्तरमा जनचेतनामूलक कक्षा सञ्चालन गरेको हो ।
४७ वर्ष पहिला चोरीको मुद्दामा फरार पक्राउ
४७ वर्ष पहिलाको चोरी मुद्दामा फरार एक वृद्धलाई प्रहरीले पक्राउ गरेको छ । विसं २०३५ साल वैशाख १५ गते साविक पेलाकोट गाउँपञ्चायत –२ हाल गल्याङ नगरपालिका –७ कल्लेरीका दिलबहादुर रानाको घरबाट २१ वर्षको उमेरमा सुनका गहना र रेडियो चोरी प्रकरणमा संलग्न गिरिप्रसाद गुरुङ ६८ वर्षको उमेरमा प्रहरीले पक्राउ गरेको हो ।
‘पाँच पाण्डव’ घोषणा
अभिनेता हरिवंश आचार्यलाई लिएर नयाँ चलचित्र ‘पाँच पाण्डव’ निर्माण हुने भएको छ । सुशील पौडेलको लेखन तथा वसन्त निरौलाको निर्देशनमा तयार हुने उक्त चलचित्रको हालै मुहूर्त गर्दै निर्माण घोषणा गरिएको हो ।
मध्यपहाडी लोकमार्ग र आन्दोलनरत स्थानीयबिच आठ बुँदे सहमति
नौ वर्षमा कालोपत्र नभएको मध्यपहाडी लोकमार्गको बागलुङस्थित बिहुँ खण्ड र आन्दोलनरत स्थानीयबिच सहमति भएको । कालोपत्र नभएपछि सडक बन्दको चेतावनीपछि आन्दोलनमा उत्रेका स्थानीय र लोकमार्ग निर्माण व्यवसायीबीच ८ बुँदे सहमति भएको छ ।
‘सङ्गीतको सिर्जनात्मक सहर’ ललितपुर
ललितपुर महानगरपालिकालाई युनेस्कोले ‘सङ्गीतको सिर्जनात्मक सहर’ का रूपमा घोषणा गरेको छ । महानगरद्वारा बिहीबार राजधानीमा आयोजित कार्यक्रममा महानगर प्रमुख चिरीबाबु महर्जनले युनेस्कोले अक्टोबर ३१ तारिख, विश्व सहर दिवसका अवसरमा ललितपुर महानगरलाई सङ्गीतको सिर्जनात्मक सहरका रूपमा घोषणा गरेको जानकारी दिँदै महानगरले यसलाई सफल बनाउन योजनाबद्ध कार्यक्रम अगाडि सारेको बताउनुभयो ।
वर्षकै सर्वाधिक कलेक्सन गर्ने चलचित्र ‘जेरी अन टप’
गत असोज ३१ गतेबाट सार्वजनिक प्रदर्शनमा आएको चलचित्र ‘जेरी अन टप’ वर्ष २०८२ सालको सर्वाधिक कलेक्सन गर्ने चलचित्र बन्न सफल भएको छ । घरेलु बक्सअफिसमा बुधबारसम्म चलचित्रले ११ करोड ४३ लाखमाथिको कलेक्सन गरेको छ ।
तीन अर्बको डिबेन्चर निष्कासन गर्दै रावा बैङ्क
राष्ट्रिय वाणिज्य बैङ्क लिमिटेडले तीन अर्ब रुपियाँ बराबरको ऋणपत्र ‘छ प्रतिशत आरबिबिएल डिबेन्चर २०८९’ को निष्कासन गर्ने भएको छ । बैङ्कले एक हजार रुपियाँ अङ्कित दरको ३० लाख कित्ताले हुन आउने सो रकम बराबरको ऋणपत्र निष्कासन तथा बिक्री प्रबन्धकमा कुमारी क्यापिटल लिमिटेडलाई नियुक्त गरेको छ । बिहीबार राष्ट्रिय वाणिज्य बैङ्कको केन्द्रीय कार्यालयमा सो सम्बन्धमा सम्झौता भएको छ ।
-original-thumb.jpg)
भन्सारबाट अवैध कारोबार आशङ्का
भारतबाट आयात गरिएका मालवस्तु जाँचपासका लागि भन्सारमा पेस गरिएको प्रज्ञापनपत्रसँग मेल नखाएपछि विराटनगर भन्सार कार्यालयले भन्सार एजेन्ट प्रतिनिधि भएर कारोबार गर्ने व्यक्तिलाई पक्राउ गरी अनुसन्धान सुरु गरेको छ ।
धार्मिक आस्थासँगै प्राकृतिक सुन्दरताको संगम रेसुङ्गा
गुल्मीको धार्मिक, ऐतिहासिक तपोभूमी एवम् पर्यटकीय स्थल रेसुङ्गा प्राकृतिक सुन्दरताको संगम बन्दै गएको छ । पश्चिम क्षेत्रकै एक पवित्र स्थलको रुपमा रहेको रेसुङ्गाधाम धार्मिक पर्यटकीय र प्राकृतिक सुन्दरताको संगम बन्दै गएको हो ।
कोरिया जान नपाउनेको विरोध
रोजगार अनुमति प्रणाली (इपिएस) मार्फत भाषा परीक्षा उत्तीर्ण गरे पनि कोरिया पठाउन ढिलाइ गरेको भन्दै विरोध प्रदर्शन भएको छ । भाषा र सिप परीक्षा उत्तीर्ण गरेको दुई वर्ष बित्न लाग्दासमेत दक्षिण कोरिया जान नपाएकाले बिहीबार ललितपुरको ग्वार्कोस्थित वैदेशिक रोजगार विभाग अन्तर्गत इपिएस कोरिया शाखा घेराउ गरेका हुन् ।
आजका लागि तोकियो विदेशी मुद्राको विनिमयदर
नेपाल राष्ट्र बैंकले शुक्रबारका लागि विदेशी मुद्राको विनिमयदर निर्धारण गरेको छ । राष्ट्र बैंकका अनुसार अमेरिकी डलर एकको खरिददर १४१ रुपियाँ ४९ पैसा र बिक्रीदर १४२ रुपियाँ ०९ पैसा निर्धारण गरिएको छ ।
देशका अधिकांश भागमा आज मौसम सफा रहने
जल तथा मौसम विज्ञान विभागका अनुसार हाल देशभर कुनै उल्लेखनीय मौसम प्रणालीको प्रभाव छैन । देशका अधिकांश भागमा मौसम सामान्यतया सफा रहने विभागले जनाएको छ ।
नेपाल वायुसेवा निगमलाई तीन वटा निकायमा टुक्र्याउन सुझाव
नागरिक उड्डयन क्षेत्रको सुधारका लागि गठित उच्चस्तरीय अध्ययन एवं सुझाव समितिले नेपाल वायुसेवा निगमलाई तीन वटा निकाय बनाएर सञ्चालन गर्न सुझाव दिएको छ । वर्तमान उद्योग, वाणिज्य तथा आपूर्तिमन्त्री अनिलकुमार सिन्हा अध्यक्ष रहेको समितिले सरकारलाई बुझाएको प्रतिवेदनले निगम सुधारका लागि पहिलो चरणमा पुँजीगत आवश्यकता पूर्ति गर्न कम्पनी ऐन, २०६३ अनुकूल हुने गरी निगमको स्वामित्व परिवर्तन गर्न, कम्पनीमा रूपान्तरण गर्न सरकारी स्वामित्वका संस्था र कोषमार्फत लगानी गरी सेयर अभिलेखीकृत गराउन र उल्लेखित ऐन अनुसार नयाँ पब्लिक कम्पनी स्थापना गर्न सुझाएको छ ।
रिलायन्समा जोडियो बिजुली
सुनसरीको खनारस्थित रिलायन्स स्पिनिङ मिल्सले डेडिकेटेड तथा ट्रङ्क लाइनमार्फत उपभोग गरेको विद्युत्को प्रिमियम महसुल बक्यौताको पहिलो किस्ता नेपाल विद्युत् प्राधिकरणलाई बुझाएको छ ।
जेनजी विद्रोहको गहन समीक्षा जरुरी
नेपाली कांग्रेसका नेताहरूले भदौ २३ र २४ गतेको जेनजी विद्रोहपछि देश असाधारण परिस्थितिमा रहेकाले यसको पृष्ठभूमिका गहिराइसम्म पुगेर समाधान खोज्नुपर्ने बताउनुभएको छ । कांग्रेस केन्द्रीय कार्यालय सानेपामा असोज २८ गतेदेखि जारी केन्द्रीय कार्यसमिति बैठकमा बिहीबार बोल्ने केन्द्रीय सदस्यहरूले जेनजी विद्रोहका सन्दर्भमा गहन समीक्षा गरी त्रुटि स्वीकारेर क्षमायाचना गर्नुपर्ने बताउनुभएको हो ।
