गोरखापत्र अनलाइन
सीमानाकाबाट ग्यास सिलिन्डर नियन्त्रणमा
भैरहवा र आसपासका क्षेत्रमा देखिएको एलपी ग्यास अभावसँगै नेपाल–भारत सीमामा ग्यास तस्करीको प्रयास बढ्दै गएको पाइएको छ । सीमानाकाबाट अवैध रूपमा ग्यास लैजान खोजिएको घटनामा प्रहरीले नौ वटा भरिएका ग्यास सिलिन्डर नियन्त्रणमा लिएको छ ।
माइक्रोबस दुर्घटना सात जनाको मृत्यु
गोरखामा माइक्रोबस दुर्घटना हुँदा सात जनाको मृत्यु भएको छ । शनिबार बेलुका सहिद लखन गाउँपालिका–३, कनटारमा मनकामनाबाट फर्कंदै गरेको माइक्रोबस सडकबाट करिब दुई सय मिटर तल खस्दा सात जनाको घटनास्थलमै मृत्यु भएको हो ।
नयाँ सरकारप्रति असीमित अपेक्षा
विश्वभर छरिएर काम गर्दै आएका गैरआवासीय नेपालीले अब बन्ने नयाँ सरकारसँग असीमित अपेक्षासँगै नेपालमा ठुला लगानीको अवसर सिर्जना हुने आशा व्यक्त गरेका छन् । गैरआवासीय नेपाली सङ्घ (एनआरएनए) को शनिबारदेखि काठमाडौँमा सुरु भएको १२ औँ विश्व सम्मेलन तथा बृहत् अन्तर्राष्ट्रिय एकता महाधिवेशनमा सहभागी गैरआवासीय नेपालीले नयाँ बन्ने सरकारले सङ्घका अपेक्षा पूरा गर्दै नेपालमा भरपुर लगानीको अवसर प्राप्त हुने आशा गरेका हुन् ।
रास्वपा, कांग्रेस र नेकपाको बैठक आज
राष्ट्रिय स्वतन्त्र पार्टीको सचिवालय बैठक आइतबार बस्दै छ । उपसभापति डोलप्रसाद अर्यालका अनुसार प्रतिनिधि सभाको समानुपातिकतर्फको सूची तय गर्नका लागि सचिवालय बैठक बस्ने भएको हो । उहाँले बैठकले समानुपातिकतर्फ सूची तय गरेपछि निर्वाचन आयोगमा बुझाउने जानकारी दिनुभयो । सभापति रवि लामिछानेको स्वास्थ्य प्रतिकूल भएपछि शनिबारका लागि आह्वान गरिएको सचिवालय बैठक आइतबार सारिएको हो । रास्वपाले प्रत्यक्षतर्फ १२५ स्थानमा विजयी हासिल गर्दा समानुपातिकतर्फ ५७ सिट प्राप्त गरेको छ ।
नयाँ प्रशासनिक भवन तयार
ललितपुर महानगरपालिकाको लगनखेलस्थित नवनिर्मित प्रशासकीय भवन (ब्लक सी) को शनिबार उद्घाटन गरिएको छ । ललितपुर महानगरपालिकाका प्रमुख चिरीबाबु महर्जनले भवनको उद्घाटन गर्दै महानगरपालिकाका प्रशासनिक काम गर्न सो भवनसहित तीन वटा भवन तयार भएकाले अब नगरवासीले सजिलै महानगरको सेवा लिन सक्ने बताउनुभयो
अमेरिकाले इरानको खार्ग टापु कब्जा गर्दै
अमेरिकाले इरानको जीवनरेखाका रूपमा रहेको खार्ग टापु कब्जा गर्ने तयारी गरेको छ । इरानले पर्सियाको खाडीस्थित हर्मुज जलमार्गमा इन्धन आवागमनमा अवरोध खडा गरेपछि अमेरिकाले खार्ग टापु कब्जा गर्ने निष्कर्षमा पुगेको अमेरिकी टेलिभिजन संस्था सिएनएनले जनाएको हो ।
दोस्रो सातामा नयाँ सरकार
प्रतिनिधि सभा सदस्य निर्वाचनको समानुपातिकतर्फ निर्वाचित हुने सदस्यले चैत ५ गतेसम्म निर्वाचितको प्रमाणपत्र पाउँदै छन् । निर्वाचन आयोगको पत्राचार अनुसार छ वटा राजनीतिक दलका तर्फबाट निर्वाचित हुने सदस्यको नामावली आइतबारसम्म पठाउनुपर्ने छ । कार्यतालिकाबमोजिम काम सम्पन्न भएमा चैत ५ गतेसम्म प्रतिनिधि सभामा २७५ सदस्यै निर्वाचित हुने छन् । प्रत्यक्षतर्फ धनुषा–१ को विवादमा अदालतले यसअघिको परिणाम बदरको कुनै आदेश नगरेमा निर्वाचन परिणामले पूर्णता पाउने छ । आयोगको तयारी अनुसार चैत ५ गते नै अन्तिम परिणाम राष्ट्रपतिलाई बुझाइने छ ।
ग्यास लुकाउने भण्डारी ट्रेडर्सलाई ५० हजार जरिवाना
जिल्ला प्रशासन कार्यालय कास्कीले खाना पकाउने ग्यास लुकाउने एक डिलरलाई ५० हजार रुपियाँ जरिवाना गरेको छ । प्रशासनले शनिबार गरेको अनुगमनको क्रममा पोखरा महानगरपालिका वडा ६, जरेबरमा रहेको भण्डारी ट्रेडर्समा ४८ वटा ग्यास सिलिण्डर लुकाएको फेला परेको थियो ।
मनकामना दर्शन गरेर फर्केकाे गाडी दुर्घटना, सातजनाको निधन
यहाँको मनकामना मन्दिर दर्शन गरेर फर्किंदै गरेको यात्रुवाहक माइक्रोबस दुर्घटना हुँदा ७ जनाको मृत्यु भएको छ ।
बग्दादस्थित अमेरिकी दूतावासमा आक्रमण
इराकको राजधानी बग्दादस्थित अमेरिकी दूतावासमा शनिबार आक्रमण भएको सुरक्षा स्रोतहरूले बताएका छन् ।
इरानद्वारा युएईको विशाल तेलभण्डार केन्द्रमा आक्रमण
इरानले संयुक्त अरब इमिरेट्स (यूएई) को फुजाइरा बन्दरगाहमा शनिबार ड्रोन हमला गरेको छ। यो हमला अमेरिकाले इरानको खार्ग द्वीपमा भीषण हमला गरेलगत्तै भएको हो ।
चिनीमाया माझी मुख्य पात्र रहेको ‘मत्स्यकन्याको मुलुकमा’ अंग्रेजी अनुदित कृतिको लोकार्पण
साहित्यकार तथा लेखक रण काफ्लेको नियात्रा कृति ‘मत्स्यकन्याको मुलुकमा’ को अंग्रेजी अनुवाद ‘इन दि कन्ट्री अफ दि मत्स्यकन्या’ को आज यहाँ लोकार्पण गरिएको छ ।
इरानी मुख्य सैन्य ठेगाना नष्ट गरिएको अमेरिकी राष्ट्रपति ट्रम्पको दाबी
अमेरिकी राष्ट्रपति डोनल्ड ट्रम्पले अमेरिकाले इरानको खार्ग द्वीपमा अवस्थित हरेक सैन्य ठेगानालाई नष्ट गरेको बताउनुभएको छ।
हाँडेभिर-बगरफाँट-भकिम्ली सडक स्तरोन्नति गरिँदै
ट्र्याक खुलेको १८ वर्षपछि हाँडेभिर-बगरफाँट-दुधेखोला हुँदै भकिम्ली जोड्ने सडकखण्डको स्तरोन्नति भइरहेको छ।
पाथीभरामा ३१ लाखभन्दा बढी भेटी सङ्कलन
प्रसिद्ध तीर्थस्थल पाथीभरा मन्दिर (मुक्कुमलुङ) मा एक महिनामा ३१ लाखभन्दा बढी भेटी सङ्कलन भएको छ । फागुन महिनामा उक्त रकम बराबरको भेटी सङ्कलन भएको हो ।
