बगरमा लगाइएको केराबाट लाखौँ आम्दानी


भक्तिविलास पोखरेल

 

गाईघाट, भदौ २८ गते । परिश्रम गर्न सके बगरमा पनि सुन फलाउन सकिन्छ भनेझैं यहाँका एक जाँगरिला किसानले त्रियुगा नदी किनारको बालुवामा व्यावसायिक केरा खेती गरी लाखौँ कमाउन सफल हुनुभएको छ । केरा खेतीबाट सेती बगर मात्र हराभरा मात्रै भएको छैन, घरको आर्थिक स्थितिमा समेत राम्रो सुधार भएको उहाँ बताउनुहुन्छ ।
उदयपुरको चौदण्डीगढी नगरपालिका वडा नं. ९ हडियाका अर्जुन राईले स्थानीय त्रियुगा नदीको कटानले बनाएको सेती बगरमा गएको चैत महिनामा केरा खेती सुरु गरेर अहिले राम्रो दाम कमाउन सफल हुनुभएको हो ।
दस वर्षअघि भोजपुरको कुलुङ गाउँबाट बसाइँ सरेर यहाँ आउनुभएका राईले दुई वर्षयता केरा खेती गर्दै आउनुभएको छ । विदेशमा गर्ने परिश्रम आफ्नै देशमा गरे त्यहाँको भन्दा धेरै आम्दानी गर्न सकिन्छ भन्ने मान्यताले कृषि पेसामा लाग्नुभएका राईले केरा बिक्रीबाट यस वर्षको दसैँ अगावै दुई लाख रुपियाँसम्म आम्दानी हात पार्न सकिने बताउनुभयो । kera
स्थानीय केही व्यक्तिसँग त्रियुगा खोला किनारको करिब दुई बिघा बगर जग्गा सस्तो मूल्यमा किनेर केरा खेती गर्दै आउनुभएका राईले पैसा कमाउन विदेशमा गएर अनेक हण्डर खानुभन्दा आफ्नै देशको बालुवामा मिहिनेत गरे राम्रो कमाइ पनि हुने तथा शारीरिक र आर्थिक सुरक्षा पनि हुनेहुँदा आपूmले ढुक्क भएर बगरमा केराखेती गरेको र अहिले मिहिनेतको फल टिप्ने बेला आएको बताउनुभयो ।
पुख्र्यौली पेसा कृषि भए पनि भोजपुरको कुलुङमा बसेर खेती गर्दा बजार नपाउने समस्या भएको उहाँले बताउनुभयो । राईले भन्नुभयो, कुलुङमा पनि केरा खेती गरेर धेरै उत्पादन गरियो तर बिक्री गर्ने बजार भएन । त्यसैले बजारको समस्या नहुने भनेर नै हडिया झरेर खेती गरेको उहाँले बताउनुभयो ।
अहिले दुई बिघा जमिनमा केरा खेती गर्दै आउनुभएका राईले त्यसको आम्दानीबाट अरू चार बिघासम्ममा खेती विस्तार गर्न लागेको पनि बताउनुभयो । विदेशमा नेपालीले भोगेका समस्या बुझेकोले नै विदेश जाने इच्छा नगरेको बताउँदै विदेश गएर कमाउने पैसा घरमै परिवारका साथमा हाँसीखुसी रहेर पनि कमाउन सकिन्छ, उहाँले भन्नुभयो । वैदेशिक रोजगारमा जाँदा पैसा पु¥याउन जानुपर्छ तर यहा“ खेती गर्दा उल्टै घरमा पैसा पु¥याउन मानिसहरू आफैँ आउँछन् । वैदेशिक रोजगारमा जाँदा अगाडि थोरै भए पनि लाख रुपियाँ बुझाउनुपर्छ तर यहाँ खेती गर्दा कसैलाई पैसा पु¥याउनु नपर्ने उल्टै आउने भएकोले खेती नै रोजेको राईले बताउनुभयो ।
अहिले आफ्नो केराबारीमा हजारौँको सङ्ख्यामा मालभोग जातको केराका घरी काट्ने बेला भइसकेको र यस वर्षको दसैँ, तिहार र छठ पर्वजस्ता नेपालीका ठूला चाडबाडका अवसरमा आफ्नो उत्पादनले गाउँघरमै प्रशस्त बजार भाउ पाउने भएकोले त्यतिबेला त्रियुगाको ‘बगरभरि केराका घरी’ हेर्न आईदिनुहोला, उहाँले भन्नुभयो ।

 

थप समाचार
प्रतिकृया
नाम

ईमेल

ठेगना