गोरखामा दुई घर जलेर नष्ट

गुणबहादुर रोका 

सुलीकोट, फागुन ५ गते । गोरखामा आगलागीबाट दुई घर जलेर नष्ट भएका छन् । बारपाक सुलीकोट गाउँपालिका– ४ रन्चोकमा शनिबार अपरान्ह साढे १२ बजे शुकबहादु गुरुङ र शुकपाल गुरुङको घर जलेर पूर्ण रुपमा क्षति पुगेको जिल्ला प्रहरी कार्याल गोरखाका प्रमुख अनुपम श्रेष्ठले जानकारी दिनुभयो । 

उहाँका अनुसार आगलागी भएको ढिलागरी खबर आउन साथ घट्नास्थलमा पुगेर प्रहरी र स्थानीयले तीन घण्टापछि आगो नियन्त्रणमा लिएका थिए । 

आगो नियन्त्रणमा लिएता पनि दुई घर जलेर पूर्ण रुपमा क्षति भएको उहाँको भनाइ छ ।  

आगोलागीबाट १७ लाख रुपियाँ क्षति भएको प्रहरीको प्रारम्भिक अनुमान रहेको छ । आगलागीबाट दुई घरमा रहेको नगद धनमाल, कागजपत्र, लत्ताकपडा अन्नपात जलेर नष्ट भएको हो ।  आगालागी के कति कारणले लाएको हो अहिलेसम्म खुल्न सकेको छैन ।