नृत्य गर्दा स्मार्टफोन

काठमाडौँ, माघ १९ गते । चलचित्र रङ्गेलीको गीत ‘हातैले उघाएर’ को अडियोमा नृत्य गर्दा स्मार्टफोन उपहार पाइने भएको छ । सो भिडियो आफ्नो फेसबुक वा इन्स्टाग्रामको प्रोफाइलमा पोस्ट गरी उत्कृष्ट फिचरसहितको युमिडिजी स्मार्टफोन प्राप्त गर्न सकिने चलचित्रका कार्यकारी निर्माता जितेन्द्र खतिवडाले बताउनुभयो ।

प्रतिस्पर्धामा सहभागीमध्ये सबैभन्दा धेरै लाइक र भ्युज प्राप्त गर्ने भिडियो बनाउने दुई जनाले सो स्मार्टफोन जित्ने छन् । भिडियो यही माघ २७ सम्ममा पोस्ट गरिसक्नुपर्ने छ ।