भावना जोशी
अत्तरिया, माघ १७ गते । धनगढी उपमहानगरपालिका–६ जालीस्थित वासुदेवी विद्यालय नजिक से १ प २८५९ नम्बरको स्कुटर अनियन्त्रित भई दुर्घटना हुँदा २५ वर्षीय लालु चाैधरीको मृत्यु भएको छ ।
जिल्ला प्रहरी कार्यालय कैलालीका प्रवक्ता कुलदीप चन्दका अनुसार स्कुटरको पछाडि बसेका बर्दिया बाँसगढी नगरपालिका ४ बठौवागाँउ बस्ने चौधरीको मृत्यु भएको हो ।
गम्भिर घाइते भएका चौधरीलाई उपचारको लागि सेती प्रादेशिक अस्पताल धनगढी लगिएको थियो । स्कुटर चालक धनगढी उपमहानगरपालिका–५ जाइका २५ वर्षीय रमेश चौधरीलाई नियन्त्रणमा लिई दुर्घटना सम्बन्धमा आवश्यक अनुसन्धान गरिरहेको प्रहरीले जनाएको छ ।
