अभद्र व्यवहार गर्ने एकजना पक्राउ

कविराज घिमिरे

धनकुटा, मङ्सिर २८ गते । नेकपा (एमाले) को सङ्कल्प यात्रा धनकुटा आइपुगेको छ । बुधबार भोजपुर आएर बसेको टोली बिहीबार धनकुटा आइपुगेको हो । बिहीवार करिब ११ बजे अध्यक्ष केपी शर्मा ओलीसहितको टोली यहाँ आइपुगेको हो । 

लेगुवामा ज्येष्ठ नागरिक तथा कार्यकर्तासँगको भेटघाटपछि यात्रा धनकुटाको पाख्रीबासतर्फ लागेको छ । कार्यक्रम अवरोध गर्न खोज्ने एक व्यक्तिलाई प्रहरीले नियन्त्रणमा लिएको छ । स्वागतको लाइनमा बसेका स्थानीय महेश राईले अभद्र व्यवहार गर्न खोजेको भन्दै नियन्त्रणमा लिएको धनकुटाका डिएसपी राजबाबु महर्जनले जानकारी दिनुभयो । 

यसैबीच पहिचानवादीले अवरोध गर्न सक्ने भन्दै धनकुटाको सुरक्षा व्यवस्था कडा बनाइएको प्रहरीले जनाएको छ । कार्यक्रमलाई अवरोध गर्न सक्ने भन्दै बुधबार लेगुवाबाट पहिचानवादी ९ जनालाई प्रहरीले नियन्त्रणमा लिएको थियो ।