काठमाडौँ, मङ्सिर २५ गते । वडा ७ का एलेक्स महर्जन र वडा १६ की अंकिता बज्राचार्यले पाँचौँ ललितपुर महानगरपालिका मेयर कप अन्तरवडा रात्रिकालिन टेबलटेनिस प्रतियोगितामा स्वर्ण जित्नुभएको छ । सिंगल्सको पुरुषमा एलेक्स तथा महिलामा अंकिता च्याम्पियन बन्नुभएको हो । दुवै समान ३–२ को सेटमा विजयी हुनुभयो ।
पुरुष फाइनलमा एलेक्सले वडा १४ का रितिज जोशीलाई ८–११, ११–९, ११–८, ७–११ र ११–९ को सेटमा पराजित गर्नुभयो । गल्र्सको फाइनलमा अंकिताले वडा ८ की सुरम्य शाक्यलाई ११–९, ८–११, ९–११, ११–९ र ११–९ को सेटमा हराउनुभयो ।
विजेतालाई बागमती प्रदेशका उद्योग, वाणिज्य, भूमि तथा प्रशासन मन्त्री रामकृष्ण चित्रकार, ललितपुर महानगरपालिकाका मेयर चिरीबाबु महर्जनलगायतले एक कार्यक्रमबिच पुरस्कृत गर्नुभयो ।
प्रतियोगितामा विभिन्न १६ स्पर्धामा प्रतिस्पर्धा भएको थियो ।
