काठमाडौं, भदौ २६ गते । पुष्पसदन स्कुल कीर्तिपुरले तेस्रो पुष्पसदन कप काठमाडौँ उपत्यका व्यापी अन्तर विद्यालय बास्केटबल प्रतियोगिता आयोजना गर्ने भएको छ ।
भदौ २९ गतेदेखि असोज ८ गतेसम्म सञ्चालन हुने प्रतियोगितामा विभिन्न २५ विद्यालयका सिनियर ब्वाइजतर्फ १६, जुनियर ब्वाइजतर्फ ८ र गर्ल्स (३×३) तर्फ २४ टोलीको सहभागिता रहनेछ ।
लिग कम नकआउटमा आधारमा खेलाइने प्रतियोगितामा प्रथम र द्वितीय हुनेलाई ट्रफी, मेडल र सर्टिफिकेट प्रदान गरिनेछ । यस्तै प्रतियोगिताका बेस्ट प्लेयर, इमर्जिङ प्लेयर र फेयर प्लेका लागि पनि विशेष पुरस्कार राखिएको आयोजकले जनाएको छ।
