न त कहिल्यै आजसम्म
ऐनामा
अनुहार देखियो कसैको
केवल
देखिनु र हेरिनुका भ्रमबाहेक
ऐनामा केही देखिन्न ।
०००
आफ्नो मुटु
अनुहार र ऐना दुवै हो
जहाँ
हेर्न नचाहे पनि देखिन्छ
सिसाको ऐना त अस्थायी हो
एउटै ठोकरमा फुट्ने गर्छ
मान्छेको
अनुहार त केवल
आफ्नै मुटुमा झल्कन्छ ।
०००
आफ्नो अनुहार
हेर्न मन छ भने
हृदयका
कसिङ्गरहरू सफा गर
ऐना त
छायाँसम्म मात्र न हो
तिम्रो मुटुको बिचमा
तिम्रो अनुहार स्वयम् झल्कन्छ
ठिक त्यसै गरी
जसरी
कृष्णको मुरलीमा
नबजाए पनि
धुन आफैँ निस्कन्छ ।
०००
ऐना त
एउटा सिसा मात्रै त हो
जसको पछाडिपट्टि
पोतिएको रङ रहुञ्जेल
अनुहार देखिन्छ
मान्छे !
तिम्रो आफ्नै
मुटुको बिचमा मात्र
तिम्रो
सच्चा अनुहार
झल्कन सक्छ !
