नेत्र शाही
जुम्ला, भदौ ४ गते । जुम्लाको पातारासी गाउँपालिकाकी एक महिला घट्ट गएका बेला बाढीले बगाउँदा बेपत्ता हुनुभएको छ । प्रहरी चौकी पातारासी डिल्लीचौरका अनुसार पातारासी गाउँपालिका–५ माथीलोर्पा गाउँ निवासी अन्दाजी ३५ वर्षीय पन्नीकली बुढा बेपत्ता हुनुभएको हो ।
प्रहरी सहायक निरीक्षक बुद्धि साउदका अनुसार एक्कासि घट्टे खोलामा बाढी आएपछि बुढालाई बगाएको थियो । यस क्षेत्रमा ५ देखि ६ वटा घट्ट बगेका छन् । उहाँका अनुसार प्रहरी त्यस क्षेत्रमा गएर बेपत्ता बुढाको खोजी कार्य भइरहेको छ । प्रहरीले जनाएको छ ।
