अमृतप्रसाद पौडेल
म्याग्दी, साउन २४ गते । बेनी–जोमसोम सडकखण्डको बैसरीमा सडकमाथिबाट आएको पहिरोमा परेर गाडीचालक घाइते हुनुभएको छ ।
बेनीदेखि तिप्ल्याङ जाँदैगरेको ग १ ज ६८२० नम्बरको बोलेरो बैसरीमा सडकमाथिबाट आएको पहिरोमा पर्दा अन्नपुर्ण गाउँपालिका–७ महभिरका अन्दाजी ४० वर्षीय लोप्चन गर्बुजा घाइते हुनुभएको हो ।
जिल्ला प्रहरी कार्यालय म्याग्दीका सूचना अधिकारी इन्स्पेक्टर किरण लामाका अनुसार घाइतेको उद्धारगरी उपचारका लागि बेनी अस्पतालमा ल्याइएको छ ।
