काठमाडौं, साउन ६ गते ।
रोपाइँको तयारी: तनहुँको व्यास नगरपालिका १० मा रोपाइँ गर्न हलगोरुबाट खेत सम्म्याउँदै कृषक । तनहुँमा लम्पी स्किनको सङ्क्रमण गोरुमा बढ्दा कृषकलाई खेत रोप्न सास्ती भएको छ । भेटेरिनरी अस्पताल तथा पशु सेवा विज्ञ केन्द्र तनहुँका अनुसार हालसम्म लम्पी स्किनका कारण ४३ वटा गोरु जिल्लामा मरेका छन् ।
धान रोपेको खेतमा धाँजा फाट्दै: घोराही उपमहानगरपालिका –१६ भगवानपुरमा स्थानीयले रोपेको खेतमा फाटेको धाँजा । साउन महिनामा समेत पर्याप्त पानी नपर्दा कतै रोपाइँ नै हुन सकेको छैन भने भएको ठाउँमा पनि पानी नहुँदा खेतमा धाँजा फाट्न थालेको छ । तस्बिरः रासस
