गणेश खनाल
अर्घाखाँची, जेठ ३१ गते । ट्याक्टर दुर्घटना हुँदा एकजनाको ज्यान गएको छ भने दुई जना घाइते भएका छन् । सन्धिखर्क नगरपालिकाबाट भुमिकास्थान नगरपालिकाको खिल्जितर्फ जाँदैगरेको रा ४ त ४२९५ नम्बरको ट्याक्टर भुमिकास्थानको वाड नम्बर ७ टिमुरे गैरामा दुर्घटना हुँदा चालक प्युठान जिल्ला ऐरावति गाउँपालिका –१ कोलबोट निवासी कमल सोमैको ज्यान गएको हो ।
ट्याक्टरको ब्रेक फेल भई दुर्घटना भएको जनाइएको छ । दुर्घटनामा ऐरावति गाउँपालिका –२ का माधव खत्री र अर्घाखाँची जिल्ला शीतगंगा नगरपालिका वाड नम्बर ७ दमारबेसी निवासी कृष्ण आचार्य घाइते हुनुभएको प्रहरी निरीक्षक विक्रम रिजालले जानकारी दिनुभयो । घाइतेमध्ये आचार्यको अवस्था गम्भीर रहेको प्रहरी नायव उपरीक्षक मुकुन्द रिजालले जानकारी दिनुभयो ।
