रेखीराम राना
पाल्पा, जेठ २१ गते । जिल्लाको रैनादेवी छहरा गाउँपालिका–८, सत्यवतीमा बोलेरो जीप दुर्घटना हुँदा १२ जना घाइते भएका छन् । आइतबार साँझ रुपन्देहीको सालझण्डीदेखि अर्घाखाँचीतर्फ गइरहेको लु १ च ९०२४ नम्बरको जिप दुर्घटनामा परेको प्रहरीले जनाएको छ ।
घाइतेको उद्दार कार्य भइरहेको छ । घाइतेमध्ये तीन जनाको अवस्था गम्भीर रहेको बल्ढेङ्गढी प्रहरी चौकीले जनाएको छ । घाइतेलाई उपचारको लागि बुटवलतर्फ पठाइएको जिल्ला प्रहरी कार्यालय पाल्पाका प्रहरी नायव उपरीक्षक वीरेन्द्र थापाले जानकारी दिनुभयो ।
दुर्घटनाको कारण खुलेको छैन । दुर्घटनाबारे थप विवरण आउन बाँकी रहेको प्रहरीले जनाएको छ ।
