काठमाडौं, जेठ १८ गते । चीनको होङझावमा हुने १९औं एसियाली खेलकुद प्रतियोगिता (एसियाड)का लागि पौडी खेलको छनोट प्रतियोगिता हुने भएको छ ।
नेपाल पौडी संघले जेठ २१ र २२ गते दुई दिन ११औं एनएसए कप पौडी प्रतियोगिता आयोजना गर्न लागेको हो । सातदोबाटोस्थित अन्तराष्ट्रिय पौडी परिसरमा हुने प्रतियोगितामा
पुरुषतर्फ एक सय ७० र महिलामा ९० जना गरी दुई सय ६० जनाको सहभागिता रहने संघका महासचिव जगतमान श्रेष्ठले जानकारी दिनुभयो । प्रतियोगितामा खुला समूहतर्फ २८ र उमेर समूहमा ३६ स्वर्णका लागि प्रतिस्पर्धा हुनेछ ।
खुला स्पर्धामा उत्कृष्ट अङ्क ल्याउने दुई पुरुष र दुई महिला खेलाडी एसियाडका लागि छनोट हुनेछन् । थप एक एक जना खेलाडीलाई बैकल्पिक खेलाडीको रुपमा छनोट गरिने संघल जनाएको छ ।
यही खेलाडीले पेरिश ओलम्पिककमा सहभागिता जनाउन मित्र राष्ट्र जापानको फुकुहवा शहरमा हुने छनोट खेलमा समेत प्रतिस्पर्धा गर्ने बताईएको छ । प्रतियोगितामा उत्कृष्ट हुृने महिला र पुरुष खेलाडीलाई जनही १०/१० हजार रुपियाँ पुरस्कार प्रदान गरिने पनि संघले जनाएको छ ।
