लोकेन्द्र जोशी
दार्चुला, जेठ १५ गते । दार्चुलाको महाकाली नगरपालिका ४ बंगाबगरस्थित महाकाली नदीमा नुहाउने क्रममा बगेर एक किशोर बेपत्ता भएका छन् । महाकाली नगरपालिका –४ बंगाबगर बस्ने कुबेरसिंह धामीका छोरा अन्दाजी १५ वर्षीय सुदिप धामी महाकाली नदीमा बगेर बेपत्ता भएका हुन् ।
आज सोमबार दिउँसो २ः३० बजे बगेका धामीको खोजी गर्दा अहिलेसम्म नभेटिएको जिल्ला प्रहरी कार्यालय दार्चुलाले जनाएको छ । बेपत्ता धामी महेन्द्र नमुना माविमा कक्षा १० मा अध्ययनरत रहेको जिल्ला प्रहरी कार्यालय दार्चुलाका प्रहरी निरीक्षक एवं सूचना अधिकारी ज्ञानेन्द्रबहादुर सिंहले जानकारी दिनुभयो । खोजी कार्य जारी रहेको प्रहरीले जनाएको छ ।
