काठमाडौं, वैशाख ३१ गते । राष्ट्रपति रामचन्द्र पौडेलले संविधान सभा सदस्य पुरुषोत्तम बस्नेतको निधनप्रति दुःख व्यक्त गर्नुभएको छ ।
जननायक बी.पी. कोइराला स्मृति ट्रष्टलाई प्राप्त सन्देशमा राष्ट्रपति पौडेलले शोक–सन्तप्त परिवारप्रति गहिरो समवेदना व्यक्त गर्नुभएको छ ।
बस्नेत जननायक बी.पी. कोइराला स्मृति ट्रष्टका संस्थापक तथा कोषाध्यक्ष हुनुहुन्थ्यो ।
राष्ट्रपतिबाट प्राप्त सन्देश स्वर्गीय बस्नेतको परिवारजनसमक्ष उहाँको निवास सिफल हाइटमा वाचन गरिएको छ ।
उक्त सन्देश लिएर राष्ट्रपतिकी छोरी अवज्ञा पौडेल र प्रेस सल्लाहाकार किरण पोखरेलसहित सिफल पुग्नु भएको जानकारी ट्रष्टका महासचिव रामचन्द्र पोखरेलले दिनुभयो ।
यो पनि पढ्नुहोस
-original-thumb.jpg)
