काठमाडौं, बैशाख ३१ गते । महर्षि धनञ्जयको बारेमा थप अध्ययन तथा खोज गरिने भएको छ । राजधानीमा आयोजित धनञ्जय गोत्रीहरुको भेलाले नौ बुँदे घोषणापत्र जारी गर्दै सो कुरा जनाएको हो ।
सो भेलाले महर्षि धनञ्जयको बारेमा थप अध्ययन अनुसन्धान गर्न पूर्व सचिव युवराज भुषालको संयोजकत्वमा एक कार्य समिति गठन गरेको छ ।
सो कार्य समितिमा प्रा.डा. भवेवर पंगेनी उपसंयोजक, ओम रिजाल कोषाध्यक्ष, प्रा. यादव हुमागाईं सदस्य सचिव तथा तथा सदस्यहरुमा रविन्द्र रिजाल, प्रा.डा. प्रेमबहादुर कुवँर, रामप्रसाद हुमागाईं, सूर्यप्रसाद भण्डारी कास्की, रुद्रनाथ बस्याल, अनन्तराज डुम्रे, सागर बख्रेल रहनु भएको छ ।
सो भेलाले तनहुँको देवघाट तथा सिन्धुलीको दुम्जास्थि कुश्वेश्वरमा महर्षि धनञ्जय आश्रम निर्माण गर्नेलगायतका निर्णय गरेको जानकारी संयोजक भुसालले दिनुभयो ।
