छविलाल पाण्डे
बुटवल, वैशाख ३० गते । पाल्पाको रैनादेवी छहरा गाउँपालिका –७ बल्डेङगढी जोगदमारबाट श्रीमतीसहित छोरी बेपत्ता भएको भन्दै तुलवहादुर गाहाले श्रीमती र छोरी खोजी गरिदिन आग्रह गर्नुभएको छ ।
गाहाले वैशाख २८ गते विहीवार विहान साढे १० बजेतिर २२ वर्षीया श्रीमती यमकली गाहा मगर, ६ वर्षीया छोरी पुनम गाहा मगर घरबाट रुपन्देहीको सालझण्डीतर्फ हिँडेको स्थानीयले देखेको भन्दै अहिलेसम्म सम्पर्कमा नआएको उहाँले बताउनुभयो ।
यमकलीका श्रीमान तुलबहादुर गाहाले श्रीमती र छोरी हराएको भन्दै इलाका प्रहरी कार्यालय सालझण्डी रुपन्देहीमा खोजी गरिदिन भन्दै निवेदन दिनुभएको छ । जसले देखे पनि नजिकको प्रहरी कार्यालय र आफ्नो मोबाइलमा सम्पर्क गरिदिन उहाँले आग्रह गर्नुभयो ।
गाहाले श्रीमती यमकलीलाई जहाँ भए पनि एक पटक घर आउन आग्रह गर्नुभएको छ । उचाई ५ फिट, गहुँगोरी र निधारमा खत भएकी श्रीमती मोबाइलमा अर्कै व्यक्तिसँग कुराकानी गरेको र आफूले थाहा पाएपछि सम्झाइ बुझाई गरेको गाहाले बताउनुभयो ।
छोरी पुनम गाहाले स्थानीय बल्डेङगढी जोगदमारकै मनकामना प्राबिमा कक्षा २ मा पढ्ने गरेको गाहाले बताउनुभयो । गाहाले कसैले भेटाएमा मोबाईल ९८६७३२०५२६ र ९८४७३९६८९८ मा सम्पर्क गरिदिन अनुरोध गर्नुभएको छ ।
