अमृतप्रसाद पौडेल
म्याग्दी, बैशाख २३ गते । हिमालपारीको जिल्ला मुस्ताङको थासाङ गाउँपालिका –१ टुकुचेमा ट्याक्टर दुर्घटना हुँदा एक जनाको मृत्यु भएको छ । टुकुचेमा भएको दुर्घटनामा परेर ट्याक्टरका सहचालकको घटनास्थलमै मृत्यु भएको जिल्ला प्रहरी कार्यालय मुस्ताङले जनाएको छ ।
ग १ त ६७३६ नम्बरको ट्याक्टर अनियन्त्रित भई दुर्घटना भएको प्रारम्भिक अनुसन्धानबाट खुलेको भए पनि थप कारण नखुलेको जिल्ला प्रहरी कार्यालय मुस्ताङका प्रहरी निरीक्षक धर्म अधिकारीले बताउनुभयो ।
उक्त दुर्घटनामा परी म्याग्दीको धौलागिरि गाउँपालिका –३ दरका ३४ वर्षीय तकमान बुढामगरको घटनास्थलमै मृत्युभएको छ । ट्याक्टरचालक थवाङ गाउँपालिका –१, रोल्पाका का २४ वर्षीय नारद रोका प्रहरी नियन्त्रणमा रहेको इन्सपेक्टर अधिकारीले जानकारी दिनुभयो ।
